¹ Pualo, lehejek ho Yesu Kristo tona golon Hojyok, negifito natianya niho naisu eneje noho Yesu Kristo, ² niho Timone, lahito lakwamane bebe: noho kwama, to namehino, hocebu tanayomo niho Najyok monye cebu Yesu Kristo Lobu hojie. ³ Ajo ne awa niho Najyok, la egiama ne niho ngete lobwon many berien tona gigilita huja onyila, toho ehuyanitere iji nimojita hone. tona Naharie hocebu tonafarani ⁴ etilasu ne netialari iji, ongida ne efut hona kwama. ehuyawu ne nahiyork hoji. ⁵ Ne ahuyanita ne nayiruk hoji notirahi, ene obwon berien ho tatehoji Lois hocebu iyang hoji Eunice. cebu abene nairuk nojo omanya ngete niho iji cebu. ⁶ ngete anya natianya neramahiso nihoji hari ongida inyahatahita inuhahita neyalita noho Najyok nihoji, to na tenehita hehes hone. ⁷ Ngete Najyok obu oyisiarahi ije nolohayilong hobayangi, nyuo hati noho nagolon cebu noho nakwama hocebu nariajan. ⁸ Ati banga hetwengete honariri tona hiram notirahi noho Lobu hoje, kuya to ne, paulo latwarani. Ilany, tohwarata niho nipadata niho nabook nodwar niho nagolon ho Najyok. ⁹ Ngete Najyok letalahu ije hocebu ongelehu ije tana ngeleso na Onyila. Ihon ngete anya obu tana nayigiama hojie, nyohati tana naigigilo ora ngete cebu ongida. Isiarahi ngete ije hunya reji niho Yesu Kristo lofar obe loholongi ochifi. ¹⁰ Nyuo hati tahanya netalahiniso Honajyok etetelehini far tanaleji holetalahani hoje Yesu Kristo. Ngete Kristo ituchungi niho nayeyi hocebu iyeno naisu eneje obe nolohichungi ongida inuhito niho nabook Nonyila. ¹¹ Nyuo tanya, ayihutuni fa ne, etomojoni, alohejek, etejianani. ¹² Nihanya tianya ne cebu epadata ne hunya reji. Nyuo hati abu ne abwon honariri. Nyuo hati ajien ne ngete eleje leruk ne. Nahiruk ne ojo ngete otum otunahi eleje isiarahi ne niho ngete ongida inefe many nehene holong. ¹³ Totuna netetelehiso noho nairuk ho hiramita huja itiyirusute niho ne, to nahiruk cebu nakwama nobwon niho Yesu Kristo. ¹⁴ Nasinge nongida noisiaraji Najyo iji, itiese ngete tono Lohailong na Onyila, no manya niho jie. ¹⁵ Ijien iji anya ojo ehule fad omanye niho Asia ebialere olamaji niho ne. Nihanya ilulung ora Figala cebu hermogenes. ¹⁶ Ikie Lohobu isiarahi namehino niho nahayi ho onesiphorus, ngete notihitik oyitifiranga ne cebu obu fa obwon honariri nilong natwarari ne. ¹⁷ Ilany, lo fa obwonitere ngete niho Roma, ngete hona tahan ne kaikai, hocebu ngete ho na horihiso ne. ¹⁸ Ikie Lobu isiarahi niho ngete ongida ohori namehino niho ngete nihene holong. Cebu nehoiha fad noluhari ngete ne niho Ephesus, ijieni iji bebe.