¹ To nahiram ho laheruhok, obolo niho ne nihigierehinere nihote. ² Ajien ne nawahan hote, na ohisiarahi ne itadara niho lati ho Makedonia. Eramahini ojo ehuhumahino Achaia many to longole nga. Nahigeria hote esiarahi nihosing nawahan ho higiama. ³ Tahanya erusulahi ne lahilasira ongida nahitadara ho jie obu olitaya, cebu ongida itr ihuhumahinete, toho atianyari ne ifwosu hadi te rahan. ⁴ Nalotu lobo latwani ho Makedonia hote cebu ohorihi ite ibe ihuhumahinete, ohinef ba ijie nariri- abu ne atianya ibwo nasing to te -to nabwanan ho nahiruk na obolo nihote. ⁵ Egigilo ne ojo ongida nahisinge lahilasira nifwonere nihote cebu nihihuhumahinete berien to neyalita na ongatate. Ora anya ongida olotu rahan ejohit obu ebwo nasinge na egiamariti. ⁶ Nafwotiri ho tianya anya: latwani la oya tak tak odengu hadi cebu ngete tak tak, cebu latwani la oya to nahiram ho jwaha, odengu hadi ngete ce bu najwaha. ⁷ Ikie isiarahisi toho ihuhumahisite nitajio hote. Ikie ngete obe isiarahi to nahilongojita kuya to nahitugulihisi. Okwama Najyok latwani la isiarahita to nahirebiji ho taji. ⁸ Cebu otum Najyok ofunahi nihote, ongida iji ibwon nareji huja iwahatate fad tihitik. Ongida ite itiyisu nareji huja igiamatite angida. To ho igierehinerete: ⁹ "Ahwarahi ngete nasaman hongete ce bu isiarahi niho lahaparitak. ¹⁰ Latwani la ohwarahita na hinyemo niho laharemok cebu nabune noho ngirang , cebu isiarahi cebu ofunahi na hinyemo hote nohoyihiso. ofunahi nadengo ho t hoji. Ofunahi ba nadengo ho pitant hoji. ¹¹ Ohitasami hadi iji ongida iji ilwahari. Iyeno hadi anya nawa niho Najyok to jie. ¹² Nihigiamari anya higiama obu lora nihisiarahinere laheruhok nareji huja owahi sing hama. Itiyiso ce bu ngete nihoiha huja olwaji noho nahisiarahinere na awa niho Najyok. ¹³ To ho ahitemi ite ce bubohijiani tanya higiama, itokwata ba ce bu ji Najyok to nahiruk nihiwaha hoji niho na efanjelio ho Kristo. Itokwata hadi cebu ji Najyok to nahisiarahita hoji nelwahita nihosing ce bu niho lati fad. ¹⁴ Ohitilase sing ite, ce bu omoje sing to te. Igiame sing anya to namehino ho Najyok na obolo bebe na obwon nihote. ¹⁵ Awa niho Najyok to nalwaha ho ngete na obolo bebe!