¹ Cebu tinya, nahigiama harabito, ohilelia ijie nihote ojo ongida ite ifwotusu namehino ho Najyok obe narohoji. ² Ojo ngete , "Niho noholong na ongida etiyira ne nihote, cebu niholong ho hitalahino ahilwak ne ite.''Totialata, tahanya noholong ho hitalahino. ³ Obu jie ohitihehi nahite nihatemeni ho lobo latwani, obu jie ohiwak nahigiama hojie ipalari. ⁴ Nyuo hati, ahijien ijie nakwanite hojie to na higemita hojie fad, ojo ohira ijie ahegiamak ho Najyok. Ohira ijie ahegiamak ho ngete. Ohira ijie ahigiamak ho ngete to nadihan bebe, nahitegemita, nahigigilita, namiajan, namiajan, ⁵ nabeho, natwara, nahigworita, nahigiama na ogol, nabiangan hojio, nahure, ⁶ ninyilaji, nolofero, nadihan, nariajan, niho Nolohailong Na -Onyila, niho nakwama natarihe. ⁷ Ohibwon ijie ho nabuhu noho pitan niteten cebu nihajong. ⁸ Ohigiama ijie tonabayangi cebu to nabiangan bayangi, to namwanga ce bu nahitokwata. Ohitwobi ijie ahagesemok nyuo hati jie ohitianya natarihe. ⁹ Ohigiama jie toho obu ohijieni nyuo hati ojieni ijie. Ohigiama jie toho lahayeyak cebu-ohitiala!Hohisu ijie.Ohigiama ijie to ohitegiame ijie to nepal nyuo hati obu ongotohini nayeyi niho jie. ¹⁰ Ohigiama jie to ho ohilongojita nyuo hati jie ohikwama tihitik. Ohigiama jie toho lahaparitak nyuo hati ijie ohisiarahita lati lalohoi obare. Ohigiama ijie to ho obe ibwo singe nyuo hati jie ohibwon ho nareji fad. ¹¹ Ahiramahi jie niho te natarihe fad ,lati ho Korintian, cebu natajio hojie ongase. ¹² Obu ijie lohitoboj natajio hote nyuo hati ite itobwojoto natajio hote no niwahita hote. ¹³ Tahanya niho natianya na atianya ne, atianya to ho limusak- to ngata natajio hote. ¹⁴ Hetilahinete ho lati hula obe iruhi. Ani hitila laheruhok obwoni ho lati hula obu ojieni nechihita? Cebu ani hitila nafangan obwon niho nedimele? ¹⁵ Ani yomo Kristo habwoni ho laharohojani? Kuya ani hwara lahiruhoni obwonitere ho latwani la obe iruk ? ¹⁶ Cebu ani hitilahino lobwon niho netempulo ho Najyok ho noho nekialarita? Ohira ijie etempulo ho Najyok la isu, toho otianya Najyok: ''Amanya hadi ne nihiji ho sing. Cebu sing ofwoni rahan alati ho ne.'' ¹⁷ Inaha, ''Ifwosu niger to da tohiji hosing, ongida ohigialari ite hama,'' otianya Lohobu. ''Hetiroto nasinge na ibot, ahimoju ba ne ite. ¹⁸ Ara ba ne Amonye hote, cebu ete irahata emusak ho ne,'' otianya Lohobu Laha boloroni.