¹ Egigilo ne ojo hetumatate ibwanata ho ne nihitwongita ho hepapala. Nyuo hati tarihe ibwanatate ho ne! ² Ahaiyin ne bebe to te. Abwon ne ho nahaiyini ho Najyok nihote, many hangat ne hote niyamari laleye abito. Angat ne nahisiarahiso ite a hula inyilajata niho Kristo. ³ Nyuo hati abayang ne ojo to ho itononongari fa lahesuswani Eva to nahitononongita hongete, nahigigilita hote otum itapalahanyari niger niho natarihe ce bu nahigiama niho Kristo na onyila. ⁴ To ho lomo halotu lobo latwani hitotoso to Yesu lobo hama la obu jie ohitotosohi nihote.Kuya hefwotusute ibwo nolohailong na obwon hama niho nolohailong na efwotusute.Kuya hefwotusu te ibwo nifanjelio na obwon hama na obu lora no fa ifwotusu te. Ite idihata hunya reji! ⁵ Egigilo ne ojo ikie ne abu ara atwani horiri niho hula ojimi ohirasik lahejifitok hula ohigol. ⁶ Nyuo hati dobu obu ohitejieni ne nitianyari, obu ne ara lobu ohitejiani nijianan. Niho nihoiha fad ce bu nireji fad ahitelehi jie nihote. ⁷ Epalaya ne nihinyiahinere nakwan ho ne nifok ojo ongida ohitingi ite? Etotoso ne naharus nifanjelio ho Najyok niho te. ⁸ Aruj ne nakelesiaji hinihe to nihiruhu tere nelwahita nihosing ojo ongida ne igiama nihote. ⁹ Lo fa habwon ne hote ce bu abwon fa ne ho nawahan, abu fa ne esiarahi lobo iyaru newahiti ho ne. Lati hula ofwoni to Makedonia lohilwahi ne. Nireji fad atunahi ne nikwan ho ne. ¹⁰ Toho abwon natarihe ho Kristo niho ne, obu ba anya hitadara ho ne otum obwotia ningati ha Achaia. ¹¹ Nanyuo? To najiman abu ne ahikwama ite? Ojien Najyok ojo ahikwama ne ite. ¹² Nyuo hati nasinge na egiama ne, igiama ne ce bu. Egiam ne ojo ongida ne etoboj nihoi niho ehule owahi horihinere nehoi ta hanya ohibwonitere jie na itadarariti sing. ¹³ Orahi hula ti ahejifitok hula ogesemi ce bu lahegiamak hula itonononge. niho nakwama ho sing. Ibubuhe nakwanite hosing ahejifitok ho Kristo. ¹⁴ Ce bu obe ibwo nabayangahiso, dobu lahesuswani ibubuhohi nakwan hongete anjelo ho nafangan. ¹⁵ Obe ibwo nabayangi na obolo nomo nebubuhohite lahegiamak ho ngete ahegiamak ho ngidari. Nabwanan ho sing ora hadi nasinge na igiama sing. ¹⁶ Atianya ne hari: Ikie lobo obe igigilo ojo afajaya ne. Nyuo hati nejimatate, tomoju ne aha lafajani ongida apufa kai. ¹⁷ Nasinge na atianya ne ngete anya hiruk ho pufa obu Lohobu owak nyuo hati atianya ne ahafajani. ¹⁸ To ho itadare lati to nakwanite, etadara ce bu ne. ¹⁹ Ikwamatite harabito ho lahafajak. Igunyate to nakwanite hote! ²⁰ Itwengetete ho lobo latwani, lobo nahitegiama ite, iyeno napiaha nihiji hote, ohorihi nehoiha nihote, nomo natianya, kuya nomo nahinang ite niho momite, ²¹ Ajo ba ne niho nariri hojie ojo ohiniama fejie nihigiamari. Nyuo hati nomo netadara lobo latwani- atianya ne to ho lahafajani ne ce bu etadara ne. ²² Orahi sing lo ho Hiburu? Ne cebu. Orahi sing loho Isarayil? Ne cebu. Orahi sing emusak ho Abramo? Ne cebu. ²³ Orahi sing ahegiamak ho Kristo? (Atianya ne to ho abe ne abwon ho negigilita.) Abwon ne bebe. Abwonita ne nihigemita huja ogoli bebe, nalotwari, nibeho na obolo bebe, nibwonari nihiji ho hiramita huja iyenite nayeyi. ²⁴ Niho ho Yahud ohimehi ne "nebihita nihejek ongon iduhaya abito." ²⁵ Ohibehi fa ne nibehita nenyahita hutik to nabilet. Lofa nahifadi ne ta namoruo. Ohituruhini ne nitigol nahituruhita hutik. Atuhuhohi ne noholongi ho naharieji nimaji na owat nihari. ²⁶ Abwonita ne ho nadadahito, nimasik huja orohoji niho nihari, laharujutok hula orohoji, narohojita niho lati ho ne, nerohojita niho paganoji, nerohojita nihang, nerohojita ho nitimere, nerohojita ho nihari, nerohojita niho lahilasira lahagesemok. ²⁷ Abwonita ne fa nilohigiamari ce bu nihirat, nebejio naharieji huja olwaji, to nahure ce bu nihifiriyong, nihitwongo nebe ngirang, nihatere ce bu nadahari ija. ²⁸ Niho nareji huja hinihe, obwon nahihuyasu niho ne to nakelesiaji fad. ²⁹ Ngai loniama, cebu ne aniama? Ngai lisiarahi lobo ohuya nipal, cebu obu ne edwoso iji. cebu obu ne etaban? ³⁰ Hapufa ne, hapufa ne nasinge na itelehi neniamita ho ne. ³¹ Najyok ce bu Monye ho Lohobu Yesu, ngete la itokwate jik, to jianata ojo obu ne angesem. ³² Niho Damaska, latialani ho gala nihes ho hobu Aretas,itieso fa nahang ho Damaska nitwarahinere ne. ³³ Nyuo hati ohituruhuni ne niburuso hara nitulet ho dafati, ne ho nahiluyi tehes hongete.