¹ Ikie ne apufa, nyuo hati obe ibwo nasinge na ohorihino niho ngete. Nyuo hati alo ba ne nihitiringasu ce bu nihitelihita noho ho Lohobu. ² Ajien ne latwani niho Kristo la ora ne ngaji tomon ho ngon-la obwon nikwan kuya obe to kwan, Najyok lojien-iniafahini nihide noho hutik. ³ Cebu ajien ne ale twani-la obwon nikwan kuya obe to kwan, obu ne ajien, Najyok lojien- ⁴ lofa iniafahini paradiso la itiyir nareji huja onyilaji. ⁵ Ta latwani etadara hadi ne, nyuo hati to nakwan ho ne abu ba ne etadara , mayak to niamita ho ne. ⁶ Hara awak ne napufa, habu dwo ne afajaya, ha tianya dwo ne natarihe. Nyuo hati atun ba ne to pufa, ongida lobo obu igigilo bebe niho ne ilany nanyuo te iltialata niho ne kuya itiyirusu te niho ne. ⁷ Atun ba ce bu ne nahitadara nyuo tehwe nareji litelehita Najyok. Inaha, abu ba ne abwon ho napufa, esieri fa ne ho ne nekwa ho kwan, lajayo ho lahesuswani ongida olotu igogworita niho ne ojo ongida ne abe apufa bebe. ⁸ Nedahita hutik elelia ne niho Lohobu , ojo ongida ngete iyaru niger niho ne. ⁹ Cebu ojo ngete niho ne, ''Otum namehino ho ne nihoji, nahifirang ihuhumuni na ongida niho naniama." Ongida ne etadara to neniamita ho ne bebe, ojo ongida nahifirang ho Kristo obwon niho ne. ¹⁰ Inaha, iruk ne to Kristo, niniamita, nimorita,ni higigilita, nihitegiemita. Nomo na niama ne, efirang ne. ¹¹ Ara ne ahafajani! Itugulihisi te ne nihanya, ahatum dwo ite itokwatati ne. Abu fa ne, abayang lahetejianak hula ogoli, dobu abe ne. ¹² Natarihe hohigiama ho lahtejianani egiami fa niho te to nariajan, nahitelehita cebu na dwarita ce bu nahigemita huja ogoli. ¹³ Ibe fa te ingidarata to ho nakelesiaji hinihe, mayak najiman obwo fa ne ahitegiama ite? To lahahisi nepalita ho ne nihihwanari na orohojaya! ¹⁴ Totialati! ehuhumahino ne nilotinete nihote niho nedahita hutik. Abu bavne etwongo ahachudani nihote, abu ne awak nasinge na ora anohote. Awak ne ite. Ikie lemusak obu otunahite niho hotiange. Nyuo hati ikie hotienge ho monyie otunahita lemusak. ¹⁵ Akwama hadi ne nihihwanari cebu ihoni niho ne to nohailongi hote. Nomo nahikwama ne ite bebe, ohikwame ne kai? ¹⁶ Nyuo hati toho obwonitere toho ja, itwongo ne ahagesemeni, ne lahiyeno ite to nahitononga. ¹⁷ Ahorihi ne nihoi nisulahiso lobo latwani nihote? ¹⁸ Elelia ne niho Tito ongida olo nihote, cebu asulahi ne ho lahilasi ofwe hongete. Obe fejie ohidaha ta nahoi? Obe fejie ho daha niho huja hoiha? ¹⁹ Igigiletete ojo niho anya ho holong ohititihito jie nakwanite hojie nihote?Nihatemeni ho Najyok, ohibwon ijie niho Kristo nitianyari nareji fad nihitogolere ijie. ²⁰ Abayang ne ojo nomo nalotu ne habu ne atum ahorihi ite toho awahitere ne. Abayang ne ojo obu ba te ihorihisi ne to ho iwahiteretete. ²¹ Abayang ne ojo obwoni hadi narisahita, nahayini, nahilongojita, nakwama ho kwan, namomongito, napufa,ho nahitwongo chaya. Abayang ne ojo ohitolongoji be ne lati hulavipalari tahanya , hula obe iwahari nepalita hosing ho nasomon ho newahita huja orohoji huja igiame sing.