¹ Hetianya to nahingere niho laragangi, nyuo hati ​tobayanga ngete toho ora ngete amonye hoji, tobayanga lahudana toho orahi sing ahilasira. ² Tobayangata naragang toho orahi sing abeyang hote, cebu tobayangata nacharama toho orahi sing ahinasira fad ninyilajita fad. ³ Tobayanga na ngorwo hayeyak, nangorite hayeyani na otirahi; ⁴ nyuo hati nabwon ibwo nangorite ha fereni ho lemusak kuya lemusak hongarinok kuya lemusak ho lonyirok, ikie so sing ichiahi jianan hitelehiso nabayangi nihai hosing ongida sing isieri niho monyie ho hotienge, tana nyuo isiarahi anya nakwama niho Najyok. ⁵ Nyuo hati nangorite ho lahafereni tarihe idahini ngete hama, Ihwanahi ngete nehes niho Najyok, itilasito ngete noholongi fad nihitameni ho ngete tanahifisita ho to nemojita tanaharie ho tanafangan. ⁶ Nyuo hati, na ngorite na omanya to nahimana horeji ora ahayeyiani, dobu hesu ngete. ⁸ Itotosete hunya hiramita ongida sing ojieni tarihe. ⁷ Nyuo hati labu lobo latwani isiarahi niho lati/nati ho ngete, bebe niho lati/nati hula obwoni nihaji hongete, etilitaya ngete nahiruk cebu ipalaya ngete ilany latwani la obu ora aheruhoni niho Najyok. ⁹ Ikie nangorite hafereni igierehini anguru hafereni na obu ora achatamati kuya nahobu nengaji isiahite nihejek ile, na ngorite na ora habi abito. ¹⁰ Ongida ojieni ngete tanahigemita huja ongidari, kuya etoboloru ngete lemusak kuya itaranita lahatomonok, kuya elala ngete nehejiaha ho laheruhok, kuya hatum olwahu lahipadata ho lati, kuya ejif ngete nahigemita huja angidari. ¹¹ Nyuo hati niho nacharama huja na ngorwo hohaferok, hegierehisi sing, tananyuo lomo nelanyini niwahita ho kwan sing nihidayajire Kristo, ohiwahi nayama. ¹² Niho anya ihoi ofunahini sing nepalita tananyuo ihuyani sing nahigiama hosing nofo oberien. ¹³ Cebu, amohore sing nihitwongo naharus, nidahari tanahayi. Obu ce nijiman ojo itwongo sing naharus, nyuo hati ce bu orahising ahamwangak cebu ahetesahak, nitianyari netenyita huja otum sing obu otianye. ¹⁴ Inaha, awak ne nacharama oyemi, oyisini lemusak, inefii nahayi, ongida obu isiarahini lamereni nehoi homwangari ijie ojo ohihwana ijie nareji huja orohoji. ¹⁵ Toho ebielere hilihe angati nihalu ho Lahesuswani. ¹⁶ Nabwon ibwo nangorite na iruk ho nangorwo hohaferok, ikie ngete olwak sing, ongida nakelesia obu ohuya nifok, ongida otum olwak nangorwo ho lahaferok. ¹⁷ Ikie itarahi lolohitwaha hula ojieni hi nefito angida ahangidarak , bebe hula igiame tanatianyia cebu nihitejiana. ¹⁸ Otianya nabuk, ''Obu be ji itwarahi nohofito nihimie ho laharemini hohiteng ngete onyasu nangamang, ''Cebu "Ongida lahegiamani ohorihi nedumuta hongete." ²⁰ Heteobete laragang mayak labwoni lati harik kuya hutik hula itiyire. ¹⁹ Torinyahisi lahepalak fad nihatemeni ho lati ongida hilihe nihosing obayangi. ²¹ Achihahi ne ite bebe nihatemeni ho Najyok, nihotemeni ho Yesu Kristo, cebu jihatemeni hanyjiloji hula nyumuni, ojo iniafata hunya ichihita na obu tanahigegiala, cebu idayasi nolomanite. ²² Herwehisi nehes hote lobo, kuya ihwarata nepalita huja orahi noho lobo latwani. Totuna nakwan hoji nabonyila. ²³ Ongida iji obu imata nahari, nyuo hati, ongida iji imata labalu kai nohotwa ho nadediahito hoji. ²⁴ Oleyeji jepalita ho lati hilihe, cebu ofwe sing tanahatememi hpsing nilongotere. Nyuo hati hilihe ijifara tenehalu. ²⁵ Okialare cebu to ho negemita hinihe huja ongidari, ojieni nyuo hati dobu ehwe hinihe obu idimare.