¹ Tahanya otianya Nolohailong ojo niho hinihe noholongi idahini hadi hilihe lati nahiruk ho nahitiyira nilohailongi huja itononongite ho nahitejianita ho mininga ² tenegesemita hosing, ebuhi nahigigilita hosing. ³ Itihi hadi sing to yama cebu tohorihiso nangirang na obieu Najyok nihwararari to najiman awa niho lati hula iruhi hula ofwoni jianan natarihe. ⁴ Niho nareji fad huja obieu Najyok ongida, obe ibwo na singe na ohiyaru ijie to nawa otum idayari. ⁵ Ajok ngete to natianya ho Najyok ho to namojo. ⁶ Nehumahi ji hunya reji nihatemeni ho hilasira, ira beji ahegiamani la ongida loho Yesu Kristo tananyuo ohitukule iji tanatenyita ho hiruk cebu tanahitejianita na ongida na jifijitete. ⁷ Nyuo hati heruhoto neforita ho nifok huja okwame naragang, nyuo hati itejianata nakwanite hote nimanyita ho Najyok. ⁸ To nahitejiana ho kwan hama ongida kai, nyuo hati to nemanyita ho Najyok ongida bebe niho nareji fad. Itolwak niho namanya nohongatan hanya manya tahanya cebu na olotiniso. ⁹ Anya hiram ongida bebe cebu iruhi. ¹⁰ To ngete jie ohipadata cebu ohigiama tanagolon, tananyuo ohibwonitere jie nihiruk niho Najyok la isu, ngete lahitalahani ho lati fad, nyuo hati bebe lati hula iruhi Najyok. ¹¹ Iramahisi cebu itejianati hunya reji. ¹² Ikie lobo latwani obe igigilo niho nengaji hote, nyuo hat, iji itelehi niho ehule iruhi, to na tianya, tone hoiyiha, tona kwama, to na hiruk, hoto nanyilaji. ¹³ Many alotu ne, itiyirati nihikiana, nahitotosita, cebu nahitejienita. ¹⁴ Hetafajaya neyalita na obwon nihote, lofa isiarahi nihote to natianya, to narwehiso hehes ho lohitwaha. ¹⁵ Itiesete hunya reji. Tobwanata niho sing, ongida nabolori hote oleye niho lati fad. ¹⁶ Totiale nakwan hoji angida cebu nihitejiana. Itiringe niho hunya reji, to nihigiama, iteu beji nakwan hoji cebu hehule itiyire nihoji.