¹ Ikie hula fad obwoni niho nahitegiama toho lahatwarak obayangi lahetegiamak ho sing, ongida nafure ho Najyok ho nahitejiana obu inyori. ² Lapiti hula obuoni hona hiruk holahitegiamak ho sing ongida obu itahajari sing nyuo orahi sing ahilasira. Hatum hati, sing oluahe sing fad bebe. Niho la hetegiamak hula olwahe to nahigemita sing orahi alati hula iruhi cebu hula okwame. ³ Netejiana lobo latwani nahitejienita huja obwoni hama nyuo hati obe iruk nahiramita hojie, natianyita ho Lohobu hojie Yesu Kristo, ⁴ itadara ngete obe hativojien ibwo nadinge. Nyuo hati, odiaha ngete ho narisa ho nangangalasito, noho nahayini, namomorito, ⁵ nahigigilita ho lati huja orohoji. Ebielehini sing nohorwongite hosing noho natarihe ho nahigigilo orahi nemanyita ho Najyok noho horihiso horobia. ⁶ Nyuo hati nahiruk Najyok tanakwama obolo nahorihiso. ⁷ Obu jie ohiyeno ibwo nasinge inyi nifok, Kuya ohiyaru ijie ibwo na singe tinyi. ⁸ Nyuo hati, efwangata tana ngirang ho nabongoji. ⁹ Tahanya hula owahi ifwoniso ahabarak ohuyarahine ba niho nahitegemita, Niburuk. Ohuyarahine sing niho nareji ho ohilafayiyang ho huja orohoji, cebu nasinge ibwo isiarahi lati ipulere nimaji nepalaru bebe. ¹⁰ To nawahan horobia ngete nafotiri horeji fad huja iboti. Lati hilihe hula imane narobia ebunyari to hiruk cebu itutuji nakwanite ho sing bebe to namehino​. ¹¹ Nyuo tii iji, latwani ho Najyok, to chwarahi hunya reji. Ijifite nangidari, to bayanga Najyok, nahiruk, nakwama, nadihan ho nariajan. ¹² Tongalase na ohingelenerete fa iji, na iramahita ji nehitemeni ho lati hula olwaji ojo ongida sing ojieni. ¹³ Esiarahi ne iji nihatemeni ho Najyok, la isiarahi nareji fad isuji, cebu nihatemeni ho Yesu Kristo, lo fa otianya natarihe nihatemeni ho Ponsio Pilanto, ¹⁴ ojo iniafa nechihita angida, na obe nepal, many nileyeji ho Lohobu hojie Yesu Kristo. ¹⁵ Olotu hadi naleyeji ho ngete niholong na ongida na oterehi Lahanyilajani, la obwon ho nahifirang, lo Lohobu Laheririani, Lo hobu lahinefiteni. ¹⁶ Ngete abito lobwonitere ho nahisu na osio jik cebu itwongo nimaji na obe nafangan toda. Obe lobo latwani otum otel ngete kuya hifi ngete. To ngete la obwon nabayangi ho nahifirang ho nahisu na osio.Amen ¹⁷ Iramahi lahabarak hanya fok ongida obu itadare, kuya iyanahini nibarita huja obu nangidari hosing. Nyuo hati, ongida sing iyanahini niho Najyok, la isiarahi niho jie nibarita noho tarihe ojo ongida ijie ohiriafu. ¹⁸ Iramahi sing ongida igiame angida, ongida obare to nahigiama na ongida, ongida imoriti, ojo ongida iruhi nahwara. ¹⁹ Niho enehoi, otum sing obwoniterete otunahini nikwanite ho sing nafotiri homanya na ongida na olotiniso, ongida sing inefi namanya noho tarihe. ²⁰ Timone, itiese na singe lo fa isiarhini iji. Idaye netianyita ho huja orohoji ho neridita ho gesemi huja ongelese to nagesemi ojo nolofero. ²¹ Otianye lati hilihe hunya reji nyuo hati cebu sing ofwojierite niger to hiruk . Ikie nangidari obwon nihote.