¹ Inaha, nomo nabu jie ohidik ngete, ohigigilo jie ojo ongida fa nahidahiso da Aten hama. ² Ohisulahi jie Timateo, hilasi hojie cebu lahegiamani ho Najyok niho nefanjelio ho Kristo, nihitogolohinere cebu nihitotosere ite niho nahiruk hote, ³ ojo ongida huja imejita obe iyeyale lobo, ijianatate to nakwanite hote ojo tanya, ahiwuruni fa ijie. ⁴ Tarihe, lofa ho hibwon ijie hote, ohiramahi jie ite many berien ojo ahifwo jie ipadata namiajan, alotu fa, toho ijianatate. ⁵ Tanya tianya, lofa nabu ne atum abotia to ngete, ne ho nasulariso ongida ne ajien nahiruk hote, kai, ahiyaru ite nahilongojita nahigiama hojie ba olo naharus. ⁶ Lofa nalotu Timateo niho jie to da hote iyeno niho jie natianya na ongida noho nahiruk hote cebu nakwama, naibwoniteretete nahigigilita huja ongidari nihojie, cebu ojo iwahatate tialan ijie toho ohiwahitere cebu jie itilari ite- ⁷ tanyani, hilasirak, etotosute ijie to nahiruk hote, niho nahihuwata hojie cebu nemejita fad. ⁸ Niho tahanya ohimanya jie, nomo nebwotiatite angida niho Lohobu. ⁹ Ani awa jie hahisiarahi niho Najyok to te, nakwama fad na ohibwonitere jie nihatemeni ho Najyok nihote? ¹⁰ Naharie ho nafarani ohimojo jie na ogol ojo ongida ijie ohitel nohomomite hote cebu ohisiarahi nadinge na obe nihiruk hote. ¹¹ Ikie Najyok hojie cebu Monye hojie to nakwan hongete, cebu Lohobu hojie Yesu, ohitetelehi ijie nihote, ¹² cebu ikie Lohobu ofunahi nihote cebu ohitilahi ite harabito nikwama ho kwanite hote cebu lati fad, toho ohihwanari cebu jie nihote. ¹³ Hatum ngete ihon anya nihitogolohinere natajio hote obe ibwo nepal ninyilaji nihatemeni ho Najyok hojie cebu Monye hojie, nilotiniso ho Lohobu hojie Yesu ho lahanyilajak hongete fad.