¹ Inaha, tanamehino ho Kristo nikwan, toterihisi nakwanite hote niho negigil na okialare. Toho ngete la etegemi fa nakwan hongete itobuoj nepalita hongete. ² Kodit hala twani, okialare ho latwani, nihoholongi hongete fad nikwan, abe ibwo nawahan ho twani nyuo hati nawahan ho Jyok. ³ Eringai noholong na otum nihihwanari nasinge na owahi paganoji __helegere hebwona singe, niwahan hebwo nasinge bebe, narumatito, nasiere nabalu, honabiangan horiri tohang hobalu, honahiruhuta hohiramaita hebwanak. ⁴ Igigile sing hama ojo nayuo ite obu iruhusi nihosing niho hunya reji ibasi tohonahari, hati sing ahitianyariti ite. ⁵ Isiarahini hadi sing nepali niho ngete ele atero ningotere hohiram holahisujioni hola hayeyiani. ⁶ Niho anya hiram itotoserete fa cebu nahutuk na odwa nihlahayeyiak, ojo ongida, adobu angiti fa nahiramita nikwanite hosing alati, otum sing ituongerete nolohailong ho Jyok. ⁷ Alotiniso nolohichungi horeji fad tang. Inaha tobwanata alati hula ongase nohosi, cebu tongata nahigigilita hote tonahiram hemojita. ⁸ Niho huja fad, tobwanata honakwama na imwoch niho lati abito abito, tonakwama itik nalohoi hepalita. ⁹ Tobwanata ahamojinitak hohatomok obe nahingungwa. ¹⁰ Toho na efwotusu ite abito abito nolohailong hojyok, igiamariti ngete niluahari hilihe. Ihuanata anya nangidari ohenefitere nalohoi holohailongi na isiarahi Najyok arus. Nara lobo lotenyitere, ikie ngete ihon toho ngete la otianya nahiramita hojyok. ¹¹ Nara lobo loluahito, ikie ora toho hifirang na isiarahita Najyok. Ihuanata hunya reji ojo ongida niho nehoiha fad ohitokwatari Najyok to Yesu Kristo. Ikie nakwatan honabolori ho Yesu Kristo obwon da jik many jik. Amen. ¹² Lati ho ne, hehwanahisi arohoji natiama ho hima lo fa iburahino nihote, okialare toho ibwo nasinge hama iburahino nihote. ¹³ Okialare hatum, adobu ijianata ite nahitegemita ho Yesu Kristo, tokwamati bebe, ojo ongida cebu ite ikwamati hona kwamari bebe niho najianan hokwatan hongete. ¹⁴ Nahipachie ite to nafure ho Yesu, ohijok ite Najyok, nyuo owiraya nolohailong hokwatan honolohailong ho Jyok nihote. ¹⁵ Nyuo hati lobo nihote obu omehino ahefadani, ahahoholeseni, ahepapalani, kuya edure. ¹⁶ Nyuo hati nara lobo lomehino akristiane, ikie nariri obu onyiahini ngete; okialare hatum, ikie ngete itokwata Najyok tenefure. ¹⁷ Toho ora ngete aholong hongoto hohiramita chifo niho lati ho nihaji ho Jyok. Nara ngete lochif nihojie, nanyuo hadi narohoji honangidari niho ehule obu obayangi nahutuk hojyok na odwa? ¹⁸ Cebu nara ''latwani la opit namanya hongete lobe hona hitalahino, tatali hadi lebwoni hotuani ho latwani hepali oleye?'' ¹⁹ Inaha ikie ehule oniame to nawahan hojyok iriria nolohailongi ho sing niho lahabiani la iruk nihihwanari nangidari.