¹ Etogolohiso ne nolohituaha nihiji hote, ne, ale arane alohituahaji. Ara cebu atuani la oher namehino ho Yesu, ara cebu ne atuani la abwon nihitokwata na hadi olotu leyeji. ² Inaha, etogolohiso ne ite, nolohitwaha, iririati napore ho Jyok na obwon nihiji hote. Iririati nihalu hosing, obu tona jiman ongida ite ihwanata, nyuo hati tonayuo ite iwahata, toho niwahan ho Jyok. Iririati nihalu ho sing, obu tona hiram horobia huja ipapale, hati tawahan hotajio. ³ Herahata ahetegiamak niho lati hula obwoni nihinefito hote. Okialare hatum, ite itetelehisi narahan ahula aonipore. ⁴ Tiye lomo hadi naleyo lohobu lahejuahani, ifwotusu hadi ite hokwatan na osio jik. ⁵ Nihoi na okialare, ite hula lahudanga, ifuasi niho laragang. Ite fad, itejiafata nakwanite hote tonataji na ongida niluahari lati abito abito. Toho idayajiere Najyok nahitadara, hati isiarahi ngete nangidari noho lahariajak. ⁶ Inaha iteriajata nakwanite hote nihene hojyok na ilanyu ojo ongida otum ngete ohitingu ite niho ibwo noholong. ⁷ Ibirehisi nabayangi hote nihongete, tonanyuo inefito ngete ite. ⁸ Ikie nohosi hote owuati, torahata aheririak. Lamereni hote, Lochipere, obotia quil hiluruta toho noloyime na ongua, hiara niho latuani nohohifadariso. ⁹ Tobotiati niger hongete. Itogoloto nahiruk hote. Ijianatate ojo lati hote hula iruhi nahiram hojyok na obwon inyi nitodo idihe nimehino huja okialare. ¹⁰ Nihalu hadi honimehino hote kai, Najyok fad lahangidarani, ngete la ohingeleu ite niho nakwatan hongete na osio jik noho Kristo, ohitejiana hadi ite, ohihuhumahi ite, ho cebu ohitogol ite. ¹¹ Toho ngete obwonitere nahifirang noholati fad jik many jik. Amen. ¹² Etarak ne Silfano ahilasi la obwon ho nahiruk, cebu egierehi ne nihote kai tongete. Etogolohiso ne ite cebu etelehiso ne nihote ojo nasinge na igierehi ne natarihe ongida Nijyok. Tobotiariti ngete. ¹³ Nangorite na obwon Babylona, ngete na onyumuni harabito hote, ohihata ite. Ho Marko cebu, ihane, ohihata ite. ¹⁴ Ihatahisi lati abito abito tonakwama na ijurati nolongeli. Ikie nayomo obwon nihote fad hula ibwanata niho Kristo.