1 Inaha ihuanahisi nerohojita fad angati, nahitonongita fad, najianan ho gesemi, nasua nireji homiji, hona tianyari nafureto homiji. 2 Toho nedole nohoyisinise, lamajariso niho nale huja obu iharute, nyuo tongete italahinetete hadi, 3 nara etiamatate ojo ongida Hobu. 4 Ifwosu niho ngete la ora amorwo nesu lofa edayari lati tur, nyuo hati anyumu fatiadi Najyok ngete toho ongidarari niho ngete. 5 Ite cebu irahata toho namori huja isuji sing huja efahahahini nihaji hojyok, ongida ora toho lapadari la onyila ngete la isiarahita neyalita holohailongi huja iruk Najyok to Yesu Kristo. 6 Obwonitere newaraga anya: ''Tohiarata, ebalangito ne niho Sion ho namorwo honitifo, na onyumuni ahangidarani. Ngete la iruk niho ngete obu hadi nariri onayiahini ngete.'' 7 Nabayangi ngete na nohote hula iruhoto. Nyuo hati, ''namorwo lofa idayari lahabiak teteng, ora anya ahou honigul''__ 8 cebu, ''namorwo nokakanyiak ho cebu nakakaniahi homorwo. ''Owahi sing huyari, obu iruhi nahiram, toho iramahinerete fa sing. 9 Nyuo hati irahatate alati hula ohinyumuni, lohobwok ho padiri, nahanyilajani hohang, lati ho Jyok, ojo ongida ite iramahisi nahiram negemi noho ngete la ongeleu ite fa tedimele nifangan hongete na ognida. 10 Nahabito obu fete irahata alati, hati tahanya irahatate alati hojyok. Obufete ifwotusu nemehino, nyuo hati tahanya efwotusu ite nemehino. 11 Lati hula akwamane, ahingelene ite ojo lahangulak hona lahadahak nihoiyiha hamahama ojo ongida ibiangata waran himana nakwanite hote, iyieno narem nilohailong hote. 12 Ongida ite obwanta honehoi homanya nihiji hohula lahngulak, ojo ongida natianyie sing nahiram ibwo nihote toho ihwanatate hinihe nepalita, otum hadi sing oteli nangidari ohigiama hote ho na hitokwatari Najyok niholong holotiniso hongete. 13 Tobayangata nahinefita holati abito abito tona hiram hohobu. Tobayangata fad Lohobu hona bolori hongete, 14 cebu lohonyiehite ho gala, hulofa osulari nihisingari laharohojiak ho cebu ongida okwame ehule igiame angida. 15 Toho ora anya awahan hojyok, ojo nihigiamari angida itiningotote nahibuyanga hetenyira holati hula odatare. 16 Toho irahatate alati hula isabitati, hegiamariti nahisabita hote nihimumuhere hepalita, nyuo hati torahata toho lahegiamak ho Jyok. Tobayangata lati fad. 17 Tokwamati narahan ahilasira. Tobayangata Najyok. Tobayangata Hobu. 18 Lahegiamak, iruhoto niho lahitegiamak hote tonabayangi fad. Heruhoto niho lahangidarak ijia ho cebu niho lahitegiamak hula ongule, nyuo hati cebu niho lahagworitak. 19 Toho ngete itoboloro bebe nara lobo lodihatwo namiajian ohorihi namehino tonemumun nyuo tonajianan hongete Najyok. 20 Toho baya lobwon da nara ite ipalasi cebu idihata ohorihi ohitegiame ite? Nyuo hati nehwanatate na ongida nyuo hatite ipadatati tonahitegiama hote, ora anya ahitokwata niho Najyok. 21 Toho ngete anya ojo ohingele fa ite, nyuo oniama fa cebu Kristo tote. Idaru fangete nahitelehiso nihote ojo ongida ijifitete nehoiyiha hongete. 22 Obu fabu ngete obwon honepal, kuya ibwo nahitonuanga lohorihino tohutuk hongete. Lofa napachie ngete, obu fabu ngete inyiahahi. 23 Lofa netegiame ngete, obu fabu ngete itangalasu, hati isiarahi fangete nakwan hongete niho ehule ongote nahiram na otirahi. 24 Ngete tonakwan hongete lotingoro fa nepalita hojie nikwan hongete many nikwani, ojo ongida ijie hadi ohibwo hari nipali, ojo ongida ijie hadi ohimanya namanya na opit. Tona haforo hote ihiduanyini fa ite. 25 Idadahitete fete fad hamahama toho nehoriangi huja olitari, hati eyitusu fete niho lahejuahani holaheririani holohailongi hote.