¹ Petur, laheyaritani hohiramita ho Yesu Kristo, niho lahangulak hula isiarari nimasik hamahama, sing hula onyumunu fa, toho Pontus, Galatia, Cappadocia, Asia, ho Bithynia. ² Obwon anya tonolofero hojyok Lamoye, ihuhumahi hama noho lohailong na iteriaja honoho iruruhiso hohoto ho Yesu Kristo. Ikie nangidari obwon nihote, ho cebu ikie nayomo hote ofunahino. ³ Ikie Najyok Lamoye ho Hobu Yesu Kristo ojok. Niho namehino hongete bebe, ohisiarahi fangete ijie nayisiniso noho nabwanan heruk hona lunyohiso homanya hojyok. ⁴ Ora fa anya lunyohiso tona hiram hebuhuniso ho Yesu Kristo niho lahayeyiak. Ora ngete noho nalunyohiso homanya na osio jik, obu cebu ifufusoro, obu cebu omuyuhi. Otunahino ngete nihide tote. ⁵ Ohitiese ite tona hifirang hojyok niho nahiruk, noho nahitalahino ngete natero nitujohinere nilohichungi hoholongi. ⁶ Ikwamatite bebe anya hiram, adobu obwon ngete tahanya nahigigilo helongojita nihote noho nalohoi hetegemita hamaham. ⁷ Ora anya atiama hohiruk hote, ngete na omimil ilany nafanga huja omuyuhuni, adobu otemi tona hima. Iburahino anya ojo ongida nahiruk hoji ohorihino nibwanan hotianayari, nakwatan, hona nabayangi niho natujohinere ho Ysu Kristo. ⁸ Hobu te itialata ngete, nyuo hati ikwamatite ngete. Obu ite ihiarata ngete tahanya, nyuo hati iruhotote nihongete ho cebu ikwamatite bebe ahula obu ihitianayariti, itokwatati angida. ⁹ Ebwantate tahanya hona hifwotiniso nikwanite hote naleyeji hohiruk, nahitalahino holohailongi hote. ¹⁰ Laheyaritak hohiramita hona tifon ho nahorihiso tonolofero anya hiram hetalahino, nahiram hongidari na ora hadi alohote. ¹¹ Sing hona tifon nijianari nahiram ngai ho cebu hanu fa nolohailong ho Kristo otianya nihosing. Iburahino fa anya ohorihi ngete iramahiso sing many berien nahiram hetegiama ho Kristo hona kwatan horeji nihalu hona. ¹² Atujohini fa niho sing ojo obu sing ofwe luaha nakwanite ho sing, hati ite, lofa natianyie sing niho nareji huja fa eramahini nihote sing ehule itotose nahutuk na odwa nihote tonolohailong na onyila lofa osuluni tohide___niho nareji huja olama nahiaran ho anjeloji. ¹³ Itukukuroto natabak hohosi hote. Ikie nohosi hote owuati. Ihuanahisi nabwana hongidari na iyenise hadi nihote noholong hotujohinere ho Yesu Kristo. ¹⁴ Toho irahata emusak hula lahriajata, hetekialarahisi nakwanite hote niho nawahan na ijifitete lofa hebuyangatate. ¹⁵ Nyuo hati ngete lofa ongele ite onyila, ite, cebu, tonyilajata nimanyita hote fad. ¹⁶ Toho igierehinerete, ''Tonyilajata, nyuo ne ale lahanyilajani.'' ¹⁷ Nyuo hati nara ite ingialata ''Lamonye'' ngete lahangotoni hoiramita obe nagesemi toho nihigiama hotuani abito abito, imudutahi noholong homisok hoji nibayangi. ¹⁸ Ijianata fete ojo obu to nanabilat na omudang kuya nafangati lofa ohinyiahinerete ite tohoi hebuyanga huja itidihusu ite nihomonyie hote. ¹⁹ Nyuo hati hatum fa, ite iyitusu niho nohoto ho Yesu Kristo na ongida bebe, ngete lofa toho labore la obe honangidari kuya omuta bebe. ²⁰ Onyumuni fa Kristo many hobe nafotiri hofok, nyuo hati hetelenise fa tahanya nihote niho hunya holongi. ²¹ Tongete eruhotote niho Najyok, ngete lofa itubuhu ngete niho lahayeyiak ho cebu lofa isiarahi ngete nakwatan ojo ongida nahiruk ho na wahan hojianan hote obwon niho Najyok. ²² Ihwanahisi fa te nolohailongi hote ahuja onyilaji to nariajan niho natarihe. Orafa anya noho hiram ho tarihe nikwamari hilasira; nyuo hati tokwamati lati abito abito bebe totajio hote. ²³ Ahiyisini fa ite hari, obu tohinyiemo huja omudangari, nyuo hati tohiyiemo huja obu omudangi, tohuja isuji hona tonge hohutuk ho Jyok. ²⁴ Toho, ''nakwan fad ora toho namiyang, cebu nakwatan hongete fad ora toho naturhak homiyang. Oyohojiorita namiyang, cebu naturhak orurie, ²⁵ nyuo hati nahutuk noho Hobu iwasihi jik. ''Ngete nahiram na ongida lofa iramahini nihote.