¹ Totialata nakwama na isiarahi Lamonye niho jie, ojo ongida ohingele ijie lemusak ho Najyok, ngete anya lohira ijie! Tanya tianya, abu nafok ohijien ijie, tananyuo obu nifok ojien ngete. ² Hilasira, ohira ijie lemusak ho Najyok, nyuo hati hobe ohitelehini tatali hadi ijie ohibwon. Ohijien ijie ojo lobo naleyo Kristo, ohikialare hadi jie to ho ngete, ohitel hadi jie ngete to ho orahitere ngete. ³ Latwani la obwon hanya hiruk ihwanahi niho ngete, itinyilaj nakwan hongete toho onyilajari ngete. ⁴ Latwani la ipalaya ihon nareji huja obengi techihita, ora nepal na obe nechihit. ⁵ Ijianatate ojo itetelehini fa Kristo nihiyajiere nepalita niger, nihongete obe nepal. Latwani la iwasihi nihongete obu ipalaya. ⁶ Latwani la ipalaya hobe otel ngete kuya ojien ngete. ⁷ Ite lemusak, ikie lobo latwani obe oyitubunyaya ite. Ngete la igiama angida obwon la ongida, Toho obwonitere Yesu ahangidarani. ⁸ Ngete la ihwana nipalita ora loho lahesuswani, epalaya fa lahesuswani many berien. Nihanya tianya iteleni fa Iha Najyok, ojo ngida ngete ipapalaya nahigamita ho lahesuswani. ⁹ Elejie oyisini To Najyok obe ho nepal tananyuo obwon nahinyemoti ho Jyok niho ngete. Habu ngete itiringa ipalarita. Tananyuo oyisini ngete niho Najyok. ¹⁰ Nihanya lemusak ho Najyok ho lemusak ho lahesuswani etleni. Elejie obe igiama niho nasinge na ongida obu ora loho Najyok, kuya lobo abito lobe okwama hilasi hongete. ¹¹ Ngete anya nahiramita huja itierusute many to lochifort, ojo ongida jie ohikwama lobo, ¹² obu toho Kaini, lo fa igiama nareji huja orohoji cebu ifadaya hilasi hongete. Cebu nanyuo ngete ifadaya ngete? Nyuo nahigiamita hongete orohoji, cebu nengidarita ho hilasi. ¹³ Hebwonata ho nabayangi, hilasira ho ne, nomo nedaya nafok ite. ¹⁴ Ohijien ijie ojo ahilangaya jie niger to yeyi niho nahisu, tananyuo ohkwama jie lahilasira. Ngete la obu okwama otongohi niyeyi. ¹⁵ Ngete la idaya hilasi hongete ora ahefadani. Ite hula ijianata ojo obe lahefadani obwon ho nahisu na osio ijik. ¹⁶ Tanyani ojienje nakwama, tananyuo esiarahi Kristo nahisu hongete to jie. Owak cebu ije oyitegetehi nifork naisu hoje nihohilasira hoje. ¹⁷ Nyuo hati lobwon hona reji honifork huja ongidari, otel ngete hilasi tana wahan, cebu ikanahi nihide nataji hongete noho namehino niho ngete, tatali nakwama ho Najyok otongo niho ngete? ¹⁸ Ite lemusak hone, ikie ijie obu ohikwama tanatianya kuya tanangadif, nyuo hati tanahigiama ho tanatarihe. ¹⁹ Tanya ojienje ojo ije ohira ijie lolatarihe cebu ayihwani jie natajio hojie nihatemeni hongete. ²⁰ Nyuo nidaya natajio hojie , Najyok obolo ilany natajo hojie, cebu ohijien jie nareji fad. ²¹ Tanakwama, nabu natajio hoje odayaje, obwon je hanairuk,niho Najyok. ²² Cebu nasinge nofije otum ijie oyimoju niho ngete, nyuo ogamari jie necihita hongete cebu oyihwana nareji huja tokwame nangati hongete. ²³ Ngete anya nifahita -hongete eneje ongida je oyiruk tanafure Hehalangete Yesu Kristo cebu okwama lobo - toho iciarahinere ngete ijie anya nichihit. ²⁴ Ngete ele lotuna necihita ho Najyok otong niho ngete, cebu Najyok otong niho ngete. Cebu tanya oyijien ijie ojo ngete otong nihojie, to Nolohailong na isiarahi ngete nihojie.