¹ Abu ne esiabita? Abu ne ara ahejifiteni ho Kristo? Hobe ne atel Yesu Lohobu hojie? Ibe iji ira lagiamani ho ne niho Lohobu? ² Nabu ne ara ha jifiteni niho hilihe, ara ne nihoji. Irie ji ahitetelehiso nahijifito ho ne niho Lohobu. ³ Ngete anya natianya ho ne niho hula otiame ne. ⁴ Obe jie ohibwon ho natarihe nenyesere ho nimatari? ⁵ abeje hohiyaru ho je ho na ngorite na hora hetiyirani, toho lolohejehi ilihe, ce bu hilasira ho Lohobu, ce bu Cephas? ⁶ kuya ngete Barnabas ija ce bu ne ngai igiama? ⁷ Ngai ligiama asegere ipalaya nakwan ho ngete ? Ngai linujahi nehejek nimana cebu obu onya na hanger ho ngete? Kuya ngai lijohito nahide obe omata nale? ⁸ Atianya ne hunya reji tenetenyita ho lati? Obu cebu nechita otianya anya? ⁹ Egierehini niho neshit ho Muse, ''Hehwanahi nahiteng na oremo nomo naremo na hinyemo.'' ngete sone nahiteng na otuna Najyok ngete? ¹⁰ Obu ngete otianya angida ijie? Egierehini fa niho jie, tananyuo la oremo ongida oremo tona tarihe, cebu la iguguro ongida iguguro to na janan ho harabito ni dengo. ¹¹ Nahinujahi jie nareji huja onyilaji nihiji hote, olwaji niho je nadengu jie nare nihote? ¹² negiamariti ilihe anya isihit nihoji, obu je obwon dobu na obolo? Dobu atum toho ja, obu iji lokufu anya isihit, nyuo hati to diha nareji fad obu idik nahiramitaji ho Kristo. ¹³ Obuji ijen ojo huja igiame nihaji ho dafati ho horihite na ngirang ho sing to haji ho dafati, ce bu huja igiame nihaji na itedeti inga ngare nanyo na isiari niho nahaji na itedeti? ¹⁴ Dobu tinya Lohobu nasihahi ojo hula otianye nahiramitaji ongida hohorihini nahitwongo ho sing niho nahiramita. ¹⁵ Nyuo hati obu ne efidia hinihe ho hunya tarihe. Abu ne egerehi anya ojobongida igemi ibwo nasinge niho ne. Ikie ne aye ilany lobo lahitumumun ne niho anya pufa. ¹⁶ Netejiana ne nefanjelio, abe ne abwon ho natianya nipufari, tonanyuo owak ne egem anya. Ikie narohoji obwon niho ne nabu ne etejien nefanjelio! ¹⁷ Negem ne anya to nawahan, obwonu ne ho neyalita. Nyuo hati nabu lora to na wahan, habwon ne ho nahigiama lo fa isieri niho ne. ¹⁸ Nanyuo hati nanyuo neyalita ho ne?Netotoso ne, ongida ne esiarahi nafanjelio nebe duma cebu abe iyaru natarihe ho ne niho nifanjielio. ¹⁹ Dobu esabita ne niho nareji fad, alotu ne rahan ahegiamani niho fad, ongida ne ahorihi olwaji. ²⁰ Niho lati ho Yahud alotu ne rahan aloho Yahu, ongida ne ahorihi lati ho Yahud. Niho hula obwoni nichihita, alotu ne rahan toho hula obwoni nichihita (dobu abe ne abwon nichihita tanakwan ho ne), ongida nihilanyinere hula obwoni nifotir hechihita. ²¹ Niho hula obwoni niger hechihita, alotu ne bwanan toho la obwon ngier hechihita, (dobu abu ne to nakwan ho ne abwon niger hechihita ho Najyok, nyuo hati nihotwa ho hechihita ho Kristo), ongida ne helany hula obwoni niger ho hechihita. ²² Niho lahaniamak alotu ne rahan ahaniamani. Alotu ne rahan areji fad niho lati fad, ojo ongida ne alwahu hilihe. ²³ Egiama ne nareji fad to nawahan hefanjelio, ongida ne egiama niho nejohita ho ngete. ²⁴ Ibe te ijianatan ojo nihilanyahino, lahenamitak fad inamite nahilanyahino, nyuo hati abito ija lohorihi neyalita? Naha irwatati ongida ihorihisi neyalita. ²⁵ Otuni lahenamitak nakwanite hosing nilohitejianari hosing fad. Igiame sing ojo ongida ohihorihi nahiyalita huja noho oyeyi, nyuo hati ohinamita ijie ojo ongida ohihorihi neyalita ho hisu. ²⁶ Inaha, abu ne enamita obe ibwo nangidari kuya nolohodo to nabeho nolobwangi. ²⁷ Nyuo hati inyak ne nakwan ho ne etarak ngete ahegiamani, ojo ongida lomo nitotosohi ne niho hilihe, ongida ne to nakwan ho ne obu ohidayari.