¹ Tahanya niho na ngirang na isiarihite niho najiohi: Ohijien ijie ojo ''Ohibwon ijie fad ho najianan.''Itupufa najianan nyuo hati nakwama itoboloro. ² Ne gigilo lobo ojo ajien ngete ibwo nasinge, obu ele twani ojien toho otum ngete ojenitere. ³ Nyuo hati nakwama lobo la twani Najyok, ile twani ojieni to nakwan ho ngete. ⁴ To nanyasu ho ngirang na isiarahini niho najiohi: Ohijien ijie ojo '' nakialare ho jiok niho anya fok obe hebwo nasinge, ''Obe ibwo najiok nyuo hati abito.'' ⁵ Tarihe obwon najyohi huja omutari nihide kuya nifok, toho obwoniterete huja olwaji ''najyohi ce bu Lohobuhok,'' ⁶ ''Nyuo hati niho jie obwon Najyok abito Monye ija, niho ngete ngete nareji fad, ce bu ho twongereje, ce bu Lohobu Yesu Kristo abito, to nihongete nareji fad obwoni, ce bu to niho ngete obwonitere jie.'' ⁷ Dobu, anya lofero obu niho miji fad. hati, ilihe tihitik olime monyo najyohi, ce bu sing onyasite anya ngirang toho iciarahini niho lamonyohok ho nareji. negigilita ho sing lo gile tonanyo itaban. ⁸ Nyuo hati obu nangirang otum ohiyaru ijie niho Najyok. Obu jie ohiroho nabu jie ohinya, kuya ohingida nahinya ijie. ⁹ Nyuo hati to bwanata angida ojo nahisabita hote ikie obe ora ahiram niho lobo latwani la oniama nihiruk nihuyajiere. ¹⁰ Natel lobo latwani iji, la ibwon ho nolofero, inyasu nangirang nihaji ho lamojere ho reji, obe lora negigilita ho sing, lobwon na oniama, isusuhi sing ninyasu nasinge na isieri niho nareji? ¹¹ To najianan hote natarihe ho bwanan ho reji, lahilasi kuya hinasi na oniama, la/na oye Kristo to sing,ipalari. ¹² Nepalasi te niho hilasira ho hinasira iriafusu nahigigilita ho sing huja oniame, epalayasi te niho Kristo. ¹³ Inaha, neyaru nangirang hilasi ho ne kuya hinasi nepal, abu ne anya natiang hari, ongida ne abe hetuhuya hilasi kuya hinasi ho ne.