¹ Ahitiyir ijie natianya ojo obwon nasomon nihiji hote, nasomon na obu owahi nihji ho paganoji. Ojo natianya lobo nihote ogetere nguru monye. ² Cebu ite ibwanatate ho nahitadara bebe! Habe te ilongojita hati? Latwani la igem anya ongida iduhari to hiji hote. ³ Dobu abe ne to kwan nyuo hati abwon ne to nolohailong, angoto ne la igem anya, toho nodwo habwon ne da. ⁴ Nefuretete harabito to nafure ho Lohobu Yesu hojie, cebu nolohailong ho ne obwon da to nagolon ho Lohobu hojie Yesu,angot ne ale twani, ⁵ Ehon ne anya nihisiarahinere ale twani niho lahesuswani nihipapalari ho kwan, ojo ongida nolohailong ho ngete italahino niholong ho Lohobu. ⁶ Napufa hote obu ongida. Ibe te ijianata ojo nabulati na omuta otum itodohu nebune? ⁷ Itinyilajata nakwanite hote niho nabulati nolongore ongida ite irahata ebune nangejuk ongida te ifwosu rahan toho nebune na obe ho nabula. Kristo, la ora abore hehoriang hojie, iyalahine. ⁸ Ongida ijie ohikwama anya holong, obu ta nabulati na irangang, nabu lati hemanyita na orohojaya cebu neniamita. Ati, akwamati to nabulati hebune noho natarihe. ⁹ Egierehi ne nihote niho newaraga ho ne nihote ojo ongida ite obu inyihajata ho lati hula osomi. ¹⁰ Obu ne ajo lati hula osomo na hanya fok, kuya la hehawurak, kuya la hoholisok, kuya lahamojok niho naharia ho nadengeto, nihitwengere niger nihosing owak ite ifwasi niger to fok. ¹¹ Nyuo hati egierehiso ne nihote ojo ongida ite obu itilati ho lobo la ongelese ojo lahilasi kuya nahinasi la/na obwon niho Kristo nyuo hati la osom,ihawura, kuya la omojo nikiana,niharia ho nidengeto, kuya la omomorito, kuya larumani, kuya la hoholiseni. Henyesete nangirang hala twani. ¹² Tatali ne hiruhi ningotere hula obwoni niger to kelesia?) Ati, obu te ingototo hula obwoni nihotwa ho kelesia? ¹³ Nyuo hati ongoto Najyok hula obwoni niger. ''Iduhasi latwani la ibot to hiji hote.''