¹ Ngete anya nihoi na otum latwani ohitarak ijie, ohira ijie ahegiamak ho Kristo cebu ahatunak ho tarihe na idimaru no ho Najyok. ² Niho anya, ora ahigemi ho legiamak ojo ongida sing orahi ha ngidarak. ³ Nyuo hati niho ne ora asinge na omuta na otum ite ingotohisi niho ne nipal kuya to nolobotiari ho lati. Abu ne atum angot nakwan ho ne. ⁴ Abu ne ajien ibwo nepal na ongotohini niho ne, obu na itelehi ojo abe ne abwon hebwo nepal. Lohobu ngete longot ne ⁵ Inaha, hengialata na ngoto niho ibwo nasinge hobe no holong ho ngete, hobe Lohobu olotu. Iyeno hadi nafangan nareji huja idimahini nidimelle cebu iteleu nahigemita ho taji. Tinya ifwotusu hadi te nakwama hote niho Najyok. ⁶ Tahanya, hilasira ho hinasira, egiamari ne hunya reji nikwan ho ne cebu Appollo to nangidari hote, ojo ongida nihojie ite ijianata nafotiri ho tianya, ''Hefwasi i langata nanyuo igierehini. ''Ora anya ojo ongida lobo nihote obu noho oliwa niho lobo. ⁷ Ngai lotel nangidari hote niho lati hilihe ? Nanyuo te ibwoniterete na obu te ihorihisi naharus? Nehorihisi te naharus, nanyuo te ipufati toho obu te igiamata? ⁸ Ebwoniteretete ho nareji huja iwahatate fad! Ebaratite! Ichahatite golon cebu ilamajata niho jie! Tarihe, igigilo ne ojo hebolorotote, ijie ohibolo hote. ⁹ Egigilo ne ojo ihwanahi Najyok ite ahetejianak, hula ititihahini many nilohichungi ho ho hititiha cebu toho lati hula ongotohini nayeyi. Ohira ijie akiyoji niho nafok-niho Anjiloji cebu niho lati. ¹⁰ Ohifajaya jie to Kristo, nyuo hati ileferojoto te niho Kristo. Ohiniama jie, nyuo hati igolotote. ¹¹ Ohibayangi ite, nyuo hati obu obayangi ijie. Many niho anya holong, ohinyasu ijie nahure cebu nahifiriyong, obu ohitejiefi ijie angida, ohilumi ijie bebe, cebu ohibe jie ho nahang. ¹² Ohigiama jie to nagolon, to nehes hojie. Nomo nahimore ijie, ohijohi ijie.Nomo nahitegiame ijie, ihidik ijie. ¹³ Nomo natianye lati ijie, ohitianya jie nariajan. Ahifwonu ijie rahan, cebu ahitarahi ijie ohira, nahidayariso ho fok cebu nerohojita ho nareji fad. ¹⁴ Abu ne egierehi hunya reji nihisiarahinere ite nariri, nyuo hati nihitipitahinere ite toho lemusak ho ne hula akwama ne. ¹⁵ Dobu ibwoniteretete lahatialak na lif tomon niho Kristo, obu te ibwanariti ho monye hote hula olwaji. Ara ne amonye hote niho Kristo to na nefanjelio. ¹⁶ Elelia ne nihote ojo ongida ite irahata ahetetiamak ho ne. ¹⁷ Ngete naja lasulajiete ne nihote Timateo, iha ne la akwama ne cebu laheruhutani niho Lohobu. Ituhuyahi ba ngete ite nehoiha ho ne niho kristo, to ho itejianari ne sing nimasik fad cebe nikelesiaji fad. ¹⁸ Tahanya, obwoni hilihe nihote ho napufa, igiame toho abu ne alotiniso nihote. ¹⁹ Nyuo hati alotu ba ne nihote kerem, nawak Lohobu. kuya nawak Lohobu. Tinya abu ba ne ajien natianyita ho hula opufe, nyuo hati atel ba ne nagolon hosing. ²⁰ Nahang ho Najyok obu obotia to natianya nyuo hati nigolon. ²¹ Nanyuo te iwahata? Ikie ne alotu nihote to nahite kuya to na kwama cebu to nolohailong ho riajan?