¹ Cebu ne, hilasira ho hinasira, abu ne atum atianya nihote toho lati hula ho lohailongi , nyuo hati toho lati hula obwoni ho nakwanite ho sing, toho lemusak niho Kristo. ² Ahitamat ne ite to na lee obu natiang, hobu fa te ihuhumahinete nitiang. Dobu tahanya hobu te ihuhumahinete . ³ Hebwanatate nikwanite hote. Nabwon nahayini ho nangalasu nihiji hote, ibe te imanyati to nakwan, cebu ibe te idahati to newahita ho lati? ⁴ Nomo najo lobo , ''Ejifito ne Paulo,'' cebe lobo ojo, ''Ejifito ne Apollo,'' ibe te itwongete a lati? ⁵ Ngai hati Apllo? Cebu ngai Paulo? Lahegiamak hula iruhotote to sing, hula isiarahi Lohobu negemita nihosing. ⁶ Enujahi ne, Apollo itubulahi nahari, nyuo hati Najyok litoboloru. ⁷ Nyuo hati obu la inujahi kuya la itubula kuya ora ibwo nasinge. Nyuo hati Najyok ngete isiarahi na bolori. ⁸ Ngete la inujahi ho ngete la itubula orahi sing abito, omojini hadi nedumuta ho sing to nahigiama hosing. ⁹ Ohira ijie ahegiamak niho Najyok. Irahatate amanatak ho Najyok, nahaji ho Najyok. ¹⁰ Niho nangidari ho Najyok na isiarahini niho ne to lahajianani ho ho hifaha, etedetu ne nofotiri ho dafati lobo ho imumudahi todo ho ngete. ¹¹ Nyuo hati ikie lati fad ojieni tatali sing sing ifahe natodo ho ngete. Habe lobo latwani otum ifahahi nafotori ho haji na obu lora nafa otehehini , ngete , Yesu Kristo. ¹² Tahanya nefahahi lobo latwani nidafati namori huja omimil, nehejek, kuya namiyang ¹³ oleyo hadi nahigiama ho ngete to nafarani. Iteleni hadi to hima. Otem hadi nahima na higemata hosing huja igemi sing . ¹⁴ Natong ibwo nasinge na ifak latwani , ohorihi hadi ngete neyalita. ¹⁵ Nyuo hati naswaharu nahigiama ho lobo latwani, obu ngete ohorihi ibwo nasinge. Nyuo hati italahini hadi ngete , toho nomo ilunyuta to hima. ¹⁶ Ibe te ijianata ojo irahatate ahaji ho Najyok cebu omanya nolohailong ho Najyok nihote? ¹⁷ Nepalaya lobo nahaji ho Najyok, ipalaya hadi Najyok ele twani. Onyila nahaji ho Najyok , cebu ite. ¹⁸ Ikie lobo obu itonong nakwan hongete. Negigilo lobo to hiji hote ojo elefere niho anya nga, ikie ngete olotu ''Ahafajani'' ongida ngete olotu rahan aheleferejiani. ¹⁹ Nolofero hanya fok ora afajara niho Najyok. Igierehini ojo, ''Inef ngete la laheleferejok to nolofero hosing .'' ²⁰ Cebu hari, ''ojien Lohobu ojo nahigigilita ho laheleferojok obu ongida.'' ²¹ Abe ibwo napufa to lati! Nareji fad nohote, dobu Paulo, ²² kuya Apllos, kuya Cepha, kuya nafok, kuya nahisu, kuya nayeyi, kuya nareji huja obwoni, kuya nareji huja ofwoni.Nareji fad nohote, ²³ cebu ite noho Kristo, cebu Kristo ngete noho Najyok.