1 Ijifetete nakwama cebu tohayinoto niho na hisiarita ho holohailong, bebe huja iramahitatite. 2 Ngete la otianya to nangadef obu otianya niho lati nyuo hati niho Najyok. Obu lobo ojien ngete tonanyuo otianya ngete nareji huja idimare nilohailong. 3 Nyuo hati ngete la iramahita, otianya niho lati nihitobolorore sing,nihitotosere sing. La otianya to na ngadef itoboloro nakwan ho ngete. 4 Nyuo hati la otianya la iramahita nahiramita itoboloro nakelesia. 5 Tahanya egigilo ne ojo ite fad itianyatite ta nangadiefo. Nyuo hati dobu na ilany naja, egigilo ne ojo iramahitatite ba te. La otenyito obolo ilany la otianya ta na ngadiefo (ile iramahini nafotiri ), ojo ongida nakelesia ifaha. 6 Nyuo hati tahanya, hilasira ce bu hinasira, nalotu ne nihote nyuo hati atianya to nangadiefo, tatiali ba te ihorihisi nangidari? Abu ne, mayak natianya ne nihote to nahiramahita, kuya najianan, kuya nahitejiana. 7 Narahi nangobwoji huja obu isuji toho nelwere kuya neliho obu okwati hujavobwonivhama hama, tatali hatiba lobo ojien ani ohute? 8 Nahuti nangobwo tebwo nakwatan, tatali ba lobo ojien ojo noholong ho ehuhumahi ho ngalasu? 9 Obwon niho ji: netiany ji natianya na obu ongida, tatali ba lobo ojien nanyuo ji itianya? Itianya ba ji, nyuo hati lobo obu ohitiyir iji. 10 Obwoni netenyita huja olwaji nifok, obe ibwo obe ho nafotiri. 11 Nyuo hati nabu ne ajien nafotiri ho tianya, ara ba ne atwani la abwon hama niho lahatianyani, cebu lahatianyani ora atwani la obwon hama niho ne. 12 Nihote cebu: toho iwahatate naleyeji ho Lohailong, to hayinoto nihitoboloro nakelesia. 13 Latwani la otianya to nangadef ikie omojo ongida ngete eramahi nafotiri. 14 Namojo ne tanangadef, nolohailong ho ne omojo, nyuo hati nohou ho ne obe nahigigilita. 15 Nanyuo ne hatum ehon? Amojo ba ne to Nolohailong ho ne, nyuo hati amojo ba ce bu tanohou ho ne. Eruho ba ne to nolohailong ho ne, cebu eruho to nohou ho ne. 16 Tarihe nemojo ji Najyok to no nolohailong, tatali lati ho liger ojimi ''Amen'' nomo nesiarahiso na awa, nabu ngete ojien nanyuo ji itianya? 17 Isiarahitatite na awa na ongida bebe, nyuo hati lobo latwani obu ojien angida. 18 Ajo ne awa niho Najyok ojo atianya ne to na ngadefo angida ilany ite fad, 19 nyuo hati nikelesia atum ne ateny nahiramita miyet to najianan ho ne ongida ne heramahi hilihe, ilany nahiramita namiya tom ningadef. 20 Hilasira ho hinasira, hegigilete ho lemusak. nyuo hati, niho nareji huja iboti, tokialariti toho ledoleji, nyuo hati nihigigilita hote toboloroto. 21 Igierehini nichihita, ''To lati hula otianye to nangadefo huja obwoni hama ce bu tanahutuhe ho hatomonok Atianya hadi ne niho hule ti; cebu dobu abu sing ohitiyire ne,'' ojo Lohobu. 22 Inaha orahi nangadefo ahitelehita, obu niho laheruhok, nyuo hati niho hula obu iruhi. Nyuo hati natianya niho Najyok ora ahitelehita, obu niho lati hula obu iruhi Najyok, nyuo hati noho laheruhok Nijyok. 23 Nomo nalotu nakelesia fad harabito sing fad ho natianye to nangadefo, lati ho niger cebu hula obu iruhi ofwoni nihotwa, habe sing ojimi ojo ilafayangatate ? 24 Nyuo hati hetianyatite netenyita ho Najyok fad lobo la obu ora aheruhoni kuya latwani ho niger olotu nihotwa, atwarahino ba ngete to huja litiyiru ngete fad, ongoti ba ngete netenyita fad huja oteny, 25 cebu namwanga ho taji hongete iteleni ojo ongida, to nahuyari to nohomom ho ngete, omojo ba ngete Najyok cebu iramahi ojo obwon Najyok nihiji hote. 26 Nanyuo hotong, hilasira ho hinasira? nefwosu te harabito, ite ibwanatete ho nafure, nahitejienita, nahitelehita, na ngadef, kuya nahiramahita. Igiamati nareji fad ongida itoboloroto nakelesia. 27 Natianya lobo to nangadef, ikie hilihe harik kuya hutik obwoni da, ongida sing iramahite; ce bu lobo itetelehita nafotirok hetenyita huja otenyi. 28 Nyuo hati nabe lobo la itetelehita, ikie sing fad ininge nikelesia cebu ikie ngete otianya nikwan ho ngete hama ho niho Najyok. 29 Ikie laheramahitak ho hiramita ho Najyok harik kuya hutik otianye , hilihe itiyire nanyuo otianye. 30 Nyuo hati neramahini nafotiri ho tianya niho la itwongo, ikie la otianya iningo. 31 Hatum ite fad itenyitite nahiramita ho Najyok ojo ongida ite fad ijianata cebu ongida ite fad ohitogoli, 32 nolohailong ho laheramahitani ho hiramita ho Najyok obwon nihes ho laheramahitak ho hiramita. 33 Obu Najyok ora Ajyok ho hihongwala, nyuo hati loho yomo. 34 Niho nakelesiaji ho lahanyijalak, ongida nangorwo ininge nikelesiaji.Obu iruhi sing otianye, nyuo hati ongida sing isiarahite, toho ojo cebu nechihita. 35 Nabwon ibwo nasinge na owahi sing jianan, ikie sing ifi habiehin ho sing to hang. orohojaya ningorite nitianyari nikelesia. 36 Olotu natianya ho Najyok nihote? Ite hama natianya ho Najyok isiahita? 37 Negigilo lobo nakwan hongete aheramahitani ho hiramita ho Najyok kuya ahamojoni, ikie ngete iruk nareji huja egerehi ne nihote orahi echihita ho Lohobu. 38 Nyuo hati nabu lobo iruk anya, ikie ngete obu iruhi. 39 Hilasira ho hinasira, towahata nahiramahita ho hiramita ho Najyok heriamariti lobo nitianya to nangadefo. 40 Nyuo hati ikie nareji fad igemi angida.