¹ Natianya ne to nangadefo ho lati cebu niho anjiloji, nyuo hati ne abu abwonitere ho nakwama, alotu ne rahan hegogworitani kuya ihobo. ² Nabwon ne ho neyalita ho hiramahita ho hiramita cebu ajien netenyita ho tarihe fad huja idimahini ho nolofero, cebu nabwon ne ho nahiruk otum iduhaya nadengeto. Nyuo hati nabu ne abwonitere nakwama, abe ne hebwo singe. ³ Nesiarahi ne reji ho ne fad nihitanyasere lahaparitak, nesiarahi ne nakwan iduhuni, nyuo hati ne abu abwonitere nakwama, abu ne ahorihi ibwo nasinge. ⁴ kuya nahigereji. Obu ora nahigiama ho kwan,obu lora nahilongijita kerem, ⁵ kuya otuna ngete nepalita. ⁶ Obu ngete okwama nabwanan nepalita, nyuo hati okwama niho natarihe. ⁷ Obwon nakwama ho nareji fad, iruk nireji fad, obwon ho nagolon nireji fad, cebu odik nareji fad. ⁸ Obu nawahan ichung. Nabwoni nahiramahita nahiramita, otuhere hadi sing ; nabwoni na ngadifo obotie hadi; nabwoni nolofero, otuhuro hadi. ⁹ Ohijien ijie kai cebu ohiramahita nahiramita ho Najyok kai, ¹⁰ nyuo hati nalotu lahanyilajani, nasinge na obu otuhohini otuhohino hadi. ¹¹ Lo fa hara ne ahito, atianya ne toho lahito, egigilo toho lahito, ehuyasu toho lahito. Nalotu ne rahan toho latwani la abolo, ne eduha nareji ho imusak. ¹² Noho tahanya ohitiala jie nikiyio, toho nidimelle ho sura, nyuo hati tinya nihomo ho nihomo. Nyuo hati tahanya ajien ne to kai, nyuo hati ajien ba ne angida toho ajienitere ne. ¹³ Nyuo hati tahanya huja hutik atongi: cebu nawahan; nyuo hati na obolo niho hunya nigete nawahan.