sapta 2

1 Afo eyec tintewe , puka indira awakurono. 2 Acnom waintaukac oc wayaya tiyimekac, eran wayasinke awokuc mararikac oko,nanayintimi enaukam wayani wanaci maranakomi. 3 Anon ininam awokuc indira tiyimekac, yenyic wan daimekac, eyarac ukidewac , iyewa mini waini nonic yokam wainta iyewac ukewac, eyarac ukikano. mini mukami nec awokuc wenafi miniwac tiyimeno. 4 Mini wantoni pumara ini nami yocwic yacwic ure, mini wantoni en awafu namac eyakafandauc yoyikano namino . 5 Minici awokuc indirac wananac, mini indinanawac wano, awokuci wac mini makim wanam koci, iken yiwafu yiwaya indire, mini wantoni Kocti awayani mini makimi wantemi. 6 Minic mana wac urec, pumara intauc yiman yimirayaci awokuc indirac marako. 7 Umac den awafac waric manawac ukano eyic awokukac yoyic kano. Eyic tiyimin timi awokuc yoyic kewac, eyic awokuc indirac yimeno. 8 Antekenim wayac teno, iye wakac umac teno,aminic mukami iyec emi awayayic intenafi wenic ayorini maremi, newarafic payukami mandac tisinkan teyo. 9 Tiyime , yokarintau yeyic yokam wantauc yiwayac indirec awakuroc. Yenamac eyowac teko , iyewac yenamac uman idiric oko . 10 Iyewac yenkinke umoroko , minic mukami ye uwararic ukami uwarec umpo , Koctinac mini wantameno tasasim waintawe . 11 Koctini nanayini afotafic eno , anasi wantayic yaum maran wayasimi yiwikan teno . Mayauni yocwic yac wic uranaci , mana makaka kena umac koctimi ec anakomi. 12 Mini tinawisikinke, mini kinke yewekec mayauc sakaci dafisewac , awokukawec , make wec ona yamuci umac koctinkac iyewa awakurono. 13 Macnem, mayausic onani wenimi , mayausic indini awawac mararare . Minici iyena Kocti weyic eran kakan timi mare afotafic intemi , Jisasin tofa emi . 14 Jisasin tiwikanani nani , eyon tiremi umaden manda kinke kuntiwic ekem awokukac demi , wenac uni awokuc iniyac wainta iyec awokuc yokan marenafi yiwikantemi . 15 Mana ukam tiyimeko , anasi wanta awokufic ure yiman yimirayac uwarako , yenyic eran wantinac antec yinkako , iyewac ec anan eno enawaya yuc indino .