1 Kotinic yokan wainta Poli weni Jisasinic yokan wainta wemi.Koti ukac dukan iniya waintauic puka wayasimi awokuc indin mandeni manda andauci iye marenone. 2 Wanana wam aum marantewe eyic erarindin Kotin kin dano.Weni umac iyen temi.Mini andandauc ampamin temifo,weni wani tirukami. 3 Awokuc yamuci,wen awaya mandanami mini waya enkim wanami Kocti nacono warac tenati inonami. 4 Taitusi, puka intawe erarindin dukemi. wenafo Kocti namac ikenamatic tasasin waintan Jisasin kinken awacwac namac nanayin namaci maranteko. 5 Teni emi tame kunawe, mini makusinkena anon waintauc manan ukacde manan antekano wani, mini anda wani emi wani Kritic yere ankeko. 6 Anasi awafu eni dafisin waintan wanamifo emi mana andanda kimac iyewakac amofin oko. Awokufic ure anuc yiman yimiranayac awokuc waric oko. 7 Koctinic yokan wainta mana anda wac iyen dukemi amankaci andanda ukac dafisintemi, wen awic iyen yanic emi, akaka aran iye maremi, eran non iye nemi weyaranana iye indewam wainta. 8 Micni mukami yen yikanda yimir anda kinaci awokufikac ino. Weyaci awokuc indi marenaci, antekenim waric enaci umac Koctinic iye ewaci esakac dafiseno. 9 Puka wayani tameyone kikikac tirec pakano micnukami ikekanda namac enu namac awokuc waya tiyimeno. Iyec enani uman wayani tamin teyafo, yenyic manda wac antec yinkano. 10 Micni mukami amucna iniya waintan yiyini untikewani, indin dac iyewam wayayuc teni manda kim yiwike weyouye, mini wainta uci yu uc akeyauni wenone. 11 Amankaci aosinonano, wen ankumaci yiyorini marantenofo mini anda iyewakac uwarako. 12 Mayac eyon yokam waintauci teni, icnayenkena wainta uci umac wainta uci wanteyo. Manda andandauc namac unkikifeyona awariye eyouni wanteyo. 13 Mini puka wayanino, micni mukemifo, yem manar erarure antec danayaci, yindun erarure yaci antekako. 14 Jiu iniya wainta ucyic peyam warukimi iyewakac indikarac oko, akac anasi wanta puka wayani yere oyen amireni weyou yiwayayac iyewakac indeko. 15 Umacden andanda antekanaci, eyandawaci anteci kanonami. Afo iyec eni anan kakec andur iye munkefe, umacden andanda kimi iyen antec kanami, indin tinke namac eyic wantinke namac anana mukanami. 16 Yeyani teni Koctimi indin kekon tenofo yeni uware yonkimi umaci tikeyo. Awokuc yokaruc erarure iyem mareni waya iye indeni yifo kankameyo.