1 Yakac urayaci anom waintauc nama eran wantauc yiwayac indireyaci awokuc yokantin tesa oko . 2 Iyewac umac waya ena namac teno , iyewac ena namac aruec asiec wano , eyen payanic urec ena iniya wainta awoku manawaci yoyikano . 3 Manaci nuram ikeunamac awoku waya iyetec waya iyewa awkure , mini manda kimi tiwike ,weni minikimic maro pakakec weci ,awokuc waric iye mukecu , timoyin iye mare . mikimi weci uma nana mare weuc . Mikimi weci mayauc tira awoku waric iye muke umpe . 4 Afo mimukamic Koctini awokuc awawaci anasi wanta kimi afotafic emi . 5 Ikeunamac kakan yokarac manda nanaci weyic akunan usinkan andafoni tiwicman awokukim demi , temi manan nompim demi Holi Spiriti foni temi mandem oyac intemi . 6 Koctin anon andanda timemi , Jisasini tasasin toni ikeunamac timemi . 7 Mini foni wenic awokukimic awawaci mareci , amakaci wenkinke wanana wam yaumi maranteno . 8 Mini wayani awoku ukami . Teni indekuna minic ukaci uwarako , minic ukami iyeyauc mini indikan teyafo , Koctini ayokuc yokantinac pekantinkewaci yec munkokoc . Mini andanda ayokuc yokaric meno anasi wanta kine . 9 Manda wayasinke yankakac onoc , mini nanatinke iyewakac daimono , newarafi mini Lo wayani wenim awokuc namac yokan namac iyewami . 10 Iyec tenanaci mana yakafic kanda yac tenananci iye indenafi , mifakac yerec ec ano . 11 Indiwakano micne niwe , awokuci oyen amiremi manda uwaremi , weyani iyen antekemi . 12 Tenac Atemasi nafi Taikasi tiyinkana eweonafac yiyawe , akakac ukanac tewe kunafac Nikopolisikac yeno , newarafi teni indin uwareci tisowac yenin okac mifaci wanteuc . 13 Awokuc dafisiric ewaci tiyinkayaci Yenasiuc Apolosi kanda koc daimeyom wanta weyopac orenic manaci wac iyen eyo . 14 Minic mukami ikeunamatic anasi wanta yowic yawic eyaci yenafu ayokuc yokantim manan dako , mine yaci umac akam eyewac irako . 15 Tenamaci weyon iniya wainta yimonuc ankeniseno . Iyeuyaci yimoyu sinkekafe yindun munkin timi tiyikarac mano . Awawac ikenamaci wantemi .