¹ Ditor masi lot pai de dile, Gerasen inan otu lon. ² Yesus wang ilonde imais, tomol ta huri alan di dimais. tomol me mateng aben ilon de ise. ³ Tomol me mateng ilon-de imand da-ke haun tomol ta yabip ipau inan idus te-he, haun hari ta ipau inan idus te-he. ⁴ Tomol me mug mug deyebeg, nien niman dipou pok hamb ilon de dinoug idul. Ge pauk aben inan aba gagau -me tisinig idug pik pik. ⁵ Sain gugul lon bo hun di. Mateng aben ilon de dug babi sain gugul lon ita de, awan rie-rie lo dap pati inaglap iben tinin sogo tide. ⁶ Sain i Yesus dal malain ise dag inei, kiwi ipolu ileg Yesus nien lo ibal idug. ⁷ Dag yau-an ri-en lo iteg i-wing, nga o-lo mata ngonou wi Yesus, o tomol rien lat de inan nanun? nga ho ngisimiyani wi anut ngian wi, nga iror inan so ponug mon. ⁸ Engede-tap Yesus mos engede ipai, " O tomol me bain tan-de hu-du o uri alan." ⁹ " Yesus mos i simiani, ngia ait?" dag tomol me engede ibol, " nga ngiug Lijin, mata wi in-di kuro." ¹⁰ Tomol me Yesus sir sir simiani mata wi i demeni bang mene lo so hunounp dila mon. ¹¹ Bor pik kurum engede babi makan lat de dinaig dag dimand. " ¹² Huri ala-ala mos Yesus dipai bor ilonde binump ala," Agad i londe binump ala. ¹³ Hu-yan, mug mon gom u-yan ipan; ga huri ala ala tomol me di benig bor ilon de dile, ge bor masi ilon de leg dimat. ¹⁴ Wadan, worou me bor dibenig aben Aben ri-en ilon de dile dag bang tua dawain lo me dileg dipaind maya tob dina keme, mek wi tomol pain dile mata tob itansa keme dinai wi dile. ¹⁵ Wadan Yesus lon disir, dag tomol dinai huri ala i ilnde diman dake, tomol me Lijin i inan gaten, i man i-yan, i aba-ba u-yan i nou kan kan u-yan di imand ; dag i direr alan. ¹⁶ O ait o inai keme mata tob tomol me lo itansa keme o uri alan. ¹⁷ Wadan i disere mene andi bang ibain wi. ¹⁸ Yesus sain wang ilonde idul, tomol me uri ala-ala i ilon de awan, i imais Yesus simi-yeni ou paindidus oro-biddila wi. ¹⁹ Yesus i huan apai te-he, ge i engede ipai, " ina amb lon ulap ina worou paind Yesus mata tob o-lo inou, dal dodg lon Yesus inan ilo panek o ipan." ²⁰ Tomol me uri-uri i ilonde dimand ke, i dimais dibo Yesus i aba rie rie ino dikapolis niman oru ilonde. ²¹ Sain Yesus i aun masi lot pai de ile, wang ilonde tomol pain kurum di-temeni, dihiliti sa-in imasi dawain lo iman dag. ²² Wadan obou amb inan gaten ketei, Juda wain ngi-an Jairus iseg Yesus inan nien hun lo ibal idu.I ²³ Yesus sisir simi-yeni, ga engede ibol, " angu ai-pain imat wi inou de. nga o ngisiminau, o usop nima gaten lat de unou dap i gan aun imais wi. ²⁴ Haun, Yesus di oro bid dile, dag tomol pain kurum alan mug diseg Yesus diti-li-ani. ²⁵ Pain ta di i man-de i dar pasek maya di, sinasin niman oru kukun oru imand. ²⁶ Iror inan ingele, talek tomol kurum inaind u-yan ta ingele tehe, inan aba gugul i mug mon u-yan inan ge maya me ileg ri-en mok. ²⁷ Sain pain me Yesus inan gom ilong, i lat pai uri tomol pain ilon-de dag Yesus inan yamil yebi. ²⁸ Mata wi pain me engede i-bol, " sain nga Yesus inan yamil ngebi tap nga gan u-yan nga-tan-sa-wi. ²⁹ Sain pain me Yesus yebi dag, dar tinin lo me ibeni, i nan tinin ilon de dob ipeni-ke me i u-yan mok i tansa inan maya lo. ³⁰ Pasak mok Yesus i-londe doub ipei inan gagaun gugul geb i-benig ile. Tomol pain lulung lo ibulig i-bol, " ait mos angu yamil yebi?" ³¹ Inan megalaum mos engede dipai, "o tomol pain kurum alan me-nan engede ubol, o ait nga ibi-yug?" ³² Yesus i rerei aitob mos i-yebi ³³ Pain me iben idang-sa, irer ileg tara-ra inou mai, i iseg Yesus malan lo Yesus i-pai mata tob i-lon itansa keme. ³⁴ Yesus engede ibol, " nanu pain, ina ilo lo mok me inog o hu-won lo. O ilo maror di u-lap ina maya gan ibeni wi. ³⁵ Sain Yesus i gom ibol dag, worou dug obou amb inan gaten dini wi dise, dug engede dibol, na-nu pain mug mon i-mat, mata wi garek mangau muru-wan peni?" ³⁶ " Gom dibol keme Yesus ilong, obou amb inan gaten apai," so urer mon. ³⁷ Yesus, tomol pain tua i-paind tehe duhuri inan, Pita, Jems, dag Jon, Jems inan ta-in. I ³⁸ diseg obou amb inan gaten amb lon dile tomol onde ling-an mok; i diseg dibob tomol ri-an o umande. ³⁹ Sain amb ilonde ile, i engede i-paind, " mata wi ilum alan dag ata de? ai makan i-mat tehe i-mande." ⁴⁰ Inan gom wi di dibol. Yesus gugul geb tan-de inound didu, pain me tinan taman dag worou ait i di dile keme pain me amb londe dinai wi didul. ⁴¹ Yesus i makan niman inai engede ipai, " Talita koum! sain o gom me bulip, pain makan, nga o ngipi-yau o mais." ⁴² pasak mok ai makan i-mais i-tour ( ai pain makan me i-nan u-mar me niman oru kukun oru). ⁴³ Yesus mos gom gagaun i-paind worou tua-tua so mok dilong mon, Yesus mos engede i-paind ai makan me ma-ta apanip yani.