¹ Yesus mos sula gom tomol, pa-in rihela ipenind lang dawan lo, waden wang lat de idus dag me lo imandis, tomol, pain lang dawan lo dimand i awan dilong. ² Yesus i sula gom hun-hun hongan lo ipaind. ³ Along ne hun inan hurat tomol idug ile, inan ai nanun piai wi. ⁴ Sa-in me lo nanun pehai i-yan dag, ai nanun tua dal lo ibal idu, dag daruk diseg ai nanun me di-yani. ⁵ Ai nanun tua ibal tantan lat de, pati inan aban lo, ke me wi tantan ri-an ta eh. Ai nanun mane pasak mok itansa mata wi tantan tande ta eh. ⁶ Sa-in ad imais dag inan wanana ino karain ibol, mata wi i waraton eh. ⁷ Ai ta waramb ilonde dibal, waramb ilonde u-yan dimais te-eh, ai patun me nagon ta ino te-eh. ⁸ Ai nagon tu tantan u-yan lo idu ke me nagon ri-ela ino. Inandin nagon iseg 30 menenan tua me 60 tua 100 dipihai. ⁹ Imais ibol ait i tingilani tap benip i ilong. ¹⁰ Yesus iban imand dag worou tua i-sisir de inan megalaum me gom inan hun wi diseme. ¹¹ Imais ipand hang mug Tibud inan lalain hengele, tua ari dawain lo me di-nge-le te eh, sa-in gom matalain me hangeleg. ¹² Mata wi sa-in dinai tap gan melendin lo ambas dinai wi, dilong tap gandilong mon wi. Menenan tap tua Tibud disemeni inandind au-pasek wi. ¹³ Wadan nengede ibol, hangu kankan hun me along te-eh, gom me inan. ¹⁴ Hum inan hurat ai ait i ai nagon pia ke, i gan tomol me din idu-idu Tibud inan gom dipia wi. ¹⁵ Ai nagon tua ibal dal dawain lo, me hegede ibal sa-in me lo mok dilong pasak mon alan iseg gom me ipesi sa-in ilonde ibal. ¹⁶ Ai nagon mane dibal tan lat de ge pati mon, tomol, pa-in gom me dilong dag pasak mok dingele yon-din ise. ¹⁷ I tan de lo war ta he me wi sa-in tu-tuk mon i-yan.Wadan, wur-van mos dihebind gom mata ilon de i-yan ke, pasak mok dibal, mur-van me wi. ¹⁸ Ai nago tua dibal reh lulung lo, dag Tibud inan gom dilong. ¹⁹ Tan mane inan mur-van me gagin god lo ababa ise, tan inan u-yan me aba u-ya u-ya mon iseg ilon de, dag Tibud inan gan nagon ta eh. ²⁰ Wadan ai nagon tua ibal tan u-yan lo, me worou ait Tibud inan gom dilong, dag gom me dinghele, me wi nagon ino itansa ge tua nagon 30 mon dag tua nagon 60 mon, pi-mok neneri dag pi-yai. ²¹ Yesus hangede ibol, hang along dag lalaman hamb ilonde hangeleg hise, dag sareg ilonde dinou o bet atapai lo, hang lalaman agelep asop inan aben lo onop lalaman iror wi. ²² Mata wadan, aba dimumun inan me gan i dilong be-eh dag aba ta-eh gan bangat idu wi. ²³ O, worou tua telegenind lo dilong mok wi. ²⁴ I hengede ibol, tigila u-nou hulong. Mata wadan wi guni u-nou, guni me wi hengede dinou, o gan lat de. ²⁵ Mata wi, ait abata din i tinin lo gan ri-an ipani wi dag ait o i, ibeni ke me gan aba mata-mata gan dingel wi. ²⁶ Yesus ibol, Tibud inan u-yan tomol menenan inan tan lo piai wi. ²⁷ Nali ise inan nambun imais de ilong te-eh i dodog itansa. ²⁸ Fan iban inop nambun itansa de, inan nambun itansap raun inou wadan nagon ri-eh-ri-eh inou wi. ²⁹ Sa-in ma nagon inou, hum inan hurae tomol badir inoig isa de ma sogoit inan, ma ngalek inan sa-in. ³⁰ Ind Tibud inan lalain tabata naip inan matalain gom di tonou inan lalain bangat itansa wi. ³¹ I sahor patun maka-maka hengede, piaik inan sa-in lo i tan hotu lo maka geb. ³² Sa-in dipiadag ai gugul hun ilonde tewenaind inan rain malain inou de me lo Tibud inan daruk disap inan yaung lo dimand wi. ³³ Gom mataleng kurum ipaind, kurum mok dilong wi. ³⁴ Ge gom kurum mataing lo ipaind sa-in ibandin dap inan megalaum gar inan gom bangat inou wi. ³⁵ Sa-in nali me lo, sa-in ad imais dag heng ipaind hind lang lot de tala wi. ³⁶ Worou kurum alan me dibinind Yesus i inan megalaum wang imand ke me lo dipodow. Wang tua din dile. ³⁷ Pasak mok sa-in alan itansa wang yarum mung awan wang pikatap ting ilon de idul wi. ³⁸ Yesus i wang murin de kalik inou i-yan dag dileg dipunig imais dipai, garek mangau tamat wi hurer te-eh ne. ³⁹ Imais tim ibibiyanig masi ipei o bodo hubol wadan tim masi de ibening idu. ⁴⁰ Wadan inan megalaum gar ipaind, abata wi arer de hang ilum lo mok te-eh. ⁴¹ Inan megalaum gar direr alan, dimais dibol eh ait mok kwi masi, tim de awan dilong dibining idu.