¹ Yesus i juda hundin obou hamb ilon de haun idul . Dag tomol te me ait i niman imat ke me i me lon imand de. ² Tomol tuwa melendin ileg Yesus dodog wi inan ya-ing nali lon i pinginind wi dag tamanek lon de nou me wi dal direrae. ³ Yesus mos tomol niman imat ke me i pe, tomol lulung lon houn humais utour. ⁴ Wadung tomol, pa-in semieni ya-ing nali lon urat ngonou ke me, ngipifinginind, inan din bas ngip, inind, ngunind dimat? gugul bodo dibol. ⁵ Yesus i-nehind ke me burun mok ise, wadan ilon ipinin hinan hun me, buben din huneti, imais tomol me ipei nima tuduk noup itansa, dug Yesus mos niman pingini u-yan. ⁶ Sa-in Farisi me dineig pasak mok deleg Herod inan worou din gom duhuni Yesus duhuni imat wi. ⁷ Wadang, Yesus inan hurat ai din lang de didu tomol, pa-in rehela hon dinehind ke me Galili dag Judea. ⁸ Jerusalem, Idumea lot lon ileg ke me Jordan, dag worou Taia dag Sidon dimais i duri. Hehela dimais inan hurat me wi dilong dise. ⁹ Yesus mos inan megalaum ipain wang makata agelep honop i-yan. Hun me tomol, pa-in rehela i dinawi dise, itor dup sipini sipini, dibitung wi. ¹⁰ Tomol, pa-in rehela i pinginin, worou rehela ma-ya hun-hun di me ibendin pri-bi-ti irinde dise, hun me i dinahiwi. ¹¹ Sa-in uri alala i dinage, hi bendin i naun de dibal, ibob dag ag dibol i me Tibud nanun. ¹² Gom wananan din ibol nga bang hat so hu-nu wung mon. ¹³ Babi lat de ileg i-ving ibol, ang ait-ait agivigiang ke me, ang me mon, agn i-ring de asa. ¹⁴ Me lon hon de tomol pilianind, nimand oru kukun oru(twelve) ang me Apostol, hangu total urat onoup bhang-bhang ila. ¹⁵ Deg gagaun ipinin, huri ala-ala dipesind pinind hinan. ¹⁶ Tomol pilianind ke me, nimand oru kukun oru. Me Simon, Simon, ngian ta me, Petrus i ipei. ¹⁷ Jams, taman me Zebedi, Jon, inan tain me, Jams inan ngian ta me Boaneges, hinan hun me angede ai tomol me i tim tain me wain. ¹⁸ Deg Andru, Pilip, Batelome, Matiu, Tomas, Jams, hundin temendin me, Apeaus, Tadius, Saimon, ait i me ngian Zilot. ¹⁹ Dag Judas Iskariot, tomol me Yesus i nge ileg ager nimendin lon inou. ²⁰ Wadung i mul hamb lon ile, tomol, pa-in rehela haun dise ditemenig sapalang di-yani te-eh. ²¹ Sa-in hinan gar dilong, mug i didori wi dile, dag angede dibol, hinan kankan mi po mok ibol te-eh. ²² Jerusalem inan mang au tomol kibiaing digargar dug ke me, eng dibol, ''(belsibal)'' u-ri me i ide, gaten me inan u-ri me, u-ri ala-ala ipasindak e. ²³ Tibud iwi ngoin irind de dise dag gom hu-on ipaind, ''tomol alan me gan do-dok tomol alan ipasi wi?'' ²⁴ Hotu me ita-re delep bo i horu, i do dok iban agare pani wi, ibandin ditor inan idus ba eh. ²⁵ Dag hamb ke-tai ta-re pelap oru itansa, me wi hamb me hiban itoure inan idus ba eh. ²⁶ Tomol alan(satan) imais agare iban ipeni, iban ita-re-pelep iban ito-ure inan idus ba eh, ngian haun itansa ba eh. ²⁷ O tomol ta, tomol gagaun inan hamb ilong di u-dul inan idus ba eh, inan aba-ba pana u-bol wi tap mala-mala tomol gagaun me nean niman po-pe. Me wadan lon inan aba-ba ng-laind. ²⁸ Mok mon ngipiang de, tomol rehela aupasek kagin, deg Tibud wi gom bala dibol ke me, Tibud i gan hun din muruwan ipasi pinind vin. ²⁹ O ait urgun wi gom bala-bala u-bol tap, Tibud gan hundin aupasek ipesi pinind ba pe-eh, muruwan me gan sa-in gugul pei gan inan wi. ³⁰ Gom menenan ibol ke me, dag tomol rehela i wi angede dibol, i me u-ri ala-ala din. ³¹ Tin-an inan tain gar di disek tan di di--o-ure, tomol ta dinoug ileg i weng-ge tan de u-dup. ³² Tomol, pa-in rehela dimandis Tibud di-li-li-te, i dimais ag di-pai tina dag tai gar idisek tan de di-mand de, o wi di rae-rae de. ³³ ''Gom'' naun ag ipinind ait me ang-gu nan dag ang-gu tain gar? ³⁴ ''Malan rae-rae worou re-an i di-li-li-ti dimandis, dag engede ibol, i me hang-gu nen, dag hang-gu taing gar. ³⁵ Mok mon, ait i Tibud inan ilon u-ri ke-me, tomol, pa-in me, ang-gu taing, ang-gu li-ung, ang-gu nen gar