¹ Nali tua hileg, Yesus haun i-mul Kaperneam de hile wadan tomol pa-in on-de dil-ong i iseg hamb hilon de himande. ² Tomol, pa-in riela diseg hamb hilon de ditemanig, hiseg dal hawan lo hileg dawain me hawn ³ Tomol ni-en, ni-man halan ke me, Yesus hir-in de di-nge-leg, tomol pali mos diyewereg di-le. ⁴ Hilon de didul hinan hidus te-eh, hun me tomol pa-in ditemanig di-mand, dinoe heg dileg lat de Yesus itour ke me lo morrot dipesi. Morrot dipesig tomol me inan worou lo dinog hidu. ⁵ Yesus malan hileg tomol pali me hilondin hineig, himais ke me ni-en, ni-man halan me hipei, ''hangu hai, nga hina hau pasek ngepesi''. ⁶ Ge kibiyaing inan magau tomol tua honde ibendin me hilondin lo kankan dinou dag dimande. ⁷ Dodok wi tomol me hiseg gom menan hibol? I tibud wi gom ha-reng hibol, tomol ta hau pasek hipasi hinan eh, me tibud mon?. ⁸ Yesus mugmon huri lo kibiyani, hinan de din lo kankan dodok i-yan ke me hinae. ''Me wi himais ke me semineind,'' ang mata wi bubim hilon de kankan me honou de?. ⁹ Gom dodog muru-wan eh, me gom tomol ni-en, ni-man alan me gom tapai wi, ina hau pasek nge pesi, o gom menan tapai wi, hina wonong ababa borope humasip hula. ¹⁰ Ge ang gan along wi, tomol re-an hinan hai tomol tan otu me lo hau pasek hipasi hinan gagaun de. Yesus tomol ni-en, ni-man alan me ipae. ¹¹ Nga ngipeyau, humaisp, hina taing hugalp hina hamb lo hula. ¹² Pasak mok himaish hinan taing hingalep, tomol pa-in gugul melandi lo, hamb hilon de sosoug tan de hidu. Me dinaeg dirut, Tibud per dipenig, hangede dimaisg debol, ''Ham aba me mugan pik hanae te eh.'' ¹³ Yesus himais bahang me hibenig haun te yow huliling ta gigin de hidu. Tomol pa-in dinage durig didug dilitig dimand. Himais ke me Tibud inan gom holelep. ¹⁴ Sain hitor hileg malan birek ke me Livai hinei, Alfius nanun tomol, gang mala ngalek hinan haban lo himandug hineig, hipae ''husap nga hurung,'' himais ke me Yesus hurig dile. ¹⁵ Sain Yesus Livai, hinan hamb lo dileg ma di-ya-nig dimand dag, tomol gang malan dinon inan dag, haw pasek tomol, pa-in didug, Yesus hinan megaluam me gugul ditemanig tei ma diyanig dimand, dodok wi tomol, pa-in re-ela i duri. ¹⁶ Ki-bi-ya-ing hinan mangau tomol dag, Farisi worow me, sain Yesus dinieg dibol dodok wi himaisg tomol gang malan diino me, dag hau pasek tomol worow me de ma diyani de? ''dimaisg Yesus hinan megalaum me hangede dipeind.'' ¹⁷ SainYesus me hilong, himais ke me hipeind, ''tomol, pa-in ambas,ambas Talek tomol dinaind wi dile de-eh. Me mayar tomol pa-in mon, dinai wi dila de. Nga hau pasek tomol , pa-in wi ngese.'' ¹⁸ Jon hinan megalaum dag Farisi de ma diwind. Diseg i depai, dodok wi Jon dag hinan megalaum, Farisi de ma diwind te-eh?. ¹⁹ Yesus himais ke me hangede hipeind, tomol , pa-in hingal wi tap me, hinan worow ma diwind be eh wi, sain idi ketei dimand tap ne? me ma diwind hinan sain eh. ²⁰ Ge sain wadan tomol, pa-in ngalek inan me, ding-ngalap il-lap dal maline dibenip, nali me lo gan ma dibeni wi. ²¹ Tomol ta yamil haun dag samoi diketei temanind de eh, u-an me gan yamil gan yamil samoi me in-oup gan pi-te-ngi-nip gogon re-an gan itansa wi. ²² Tomol ta wain haun ingalep, wain gat alan me lo haun ti i-walighidul be eh, angede inou tap me, wain gat trapalep gan wain pitingini wi. Ge wain haun inglep gat haun lo i-walip idul wi. ²³ Yai-ing nali lo Yesus dag inan megalaum di kukurus u-um ilon de ditor'g i leg inan megalaum dimais kukurus patun imair ke me dinon di-ani. ²⁴ Farisi dimais, Yesus angede dipei, ''nai, dodok wi ababa yai-ing nali lo dinou inan eh, me dinou de''? ²⁵ Dag Yesus imais ke me i-peind, ang pik Davit inan gar-garek i-se-eni te-eh, inan tomol worow di dodok dinou, sain petil di-mand?. ²⁶ Davit, sain ta Tibud inan hamb ilon de idulg naun de pasa i-yan ke me ingaleg yani, sain me Abiata i-gaten himand. Pasa me o'bou inan gaten tomol mon me di-yani de. Me so tomol, pa-in gugul inan di. ²⁷ Yesus, gom re-ela i-bol, yai-ing nali me tomol pa-in gugul inan di, so tomol pa-in yai-ing nali me lo yai-ing dinou dak me mon inan di. ²⁸ Me, wi tomol ri-en inan nanun tomol me, i mon yai-ing nali terini de.