¹ Mene me Tibud hinan gom, Yesus Tibud nanun. ² Mug ( Propet Isaia i bol, " mene me hangu urat tomol mug naum de itor ate i hina dal pingini wi" ³ Hotu wodou lon iwing ise, dag engande ibol, dal ipingini, tomol rien hinum dal ipinginip dal ilap uyan intansa wi. ⁴ Jon bari tomol, hotu wodou lon itansa ise, Tibud inan gom ho-lele, tomol lon tap inan a-u pasek gan ipesi wi tap bari pinind wi. ⁵ Tomol pain gugul Juda dag Jerusalem hurind diseg dinei, dag inandin au pasek dipesi. Dag Jon i bari pinind, Jodan yo-u lon. ⁶ Jon inan nulak inou ke me, kamel inan tinin sungulan lo inou dag let luan lo ipou keme gan wi sese ngalep yani wi dag aun bur paur inan. ⁷ I bangat gom gagau i-bol, tomol ta wadn'p isa wi, inandin gagaun me lat de mok, dag inan gagaun me angu neneri. ⁸ Dag nguyung he, wari nien lon war dipasi wi aten lo ngapasi inan he. nga yo-u lon bari ngapanang, urgun inan bari gan i-pan wi. ⁹ Dag nali nali ile dag, Yesus Nasaret Galili lo imul Jon bari tomol i mos bari ipeni, Jodan yo-u lo. ¹⁰ Yesus yo-u ibenig lat de ise, dag rerei ileg did awan ipesig, Tibud inan uri gan durug engede i-buli i-du. ¹¹ Dag did lon gom i-tansa, o me angu ai mok o me angu mok. dag nali nali ile dag Yesus, Nasaret, Galili, dag mos bari ipeni. Dag nali nali ile dag, Yesus, Nasaret, Galili lo imul, Jon bari tomol i mos bari i peni, Jodan yo-u lo. dag did lon gom ta itasa, o me angu ai mok. ¹² Pasak mok ur-gun, mos idorip otu wodou ile. ¹³ Nimanpali mok otu yodou lo ileg imand. Dag tomol mos i hewerei, i bur pau hanin daruk aba-ba di-mand. dag Tibud inan ( ensel ) didug didini. ¹⁴ Wadan Jon diyebi, Yesus imul Galili lo ise, gom bangat inou. ¹⁵ Dag ibol, sain mug itansa, dag Tibud inan mumuneng aben mug iseg sisir. Au pasek apasi dag inan gom ilum lo mo ¹⁶ Galili inan masi dineneri dile dag, Yesus, Simon, Andrew din dimand. Andrew, Simon inan tain masi lon kakang bire, ke i aul worou. ¹⁷ Yesus mos ipaind, nga urung dag nga ngunuwang tomol, i-ya engede iwan wi. ¹⁸ Pasak mok kakang dibenig i duri . ¹⁹ Dag Yesus dal malain pik ile dag, i-rerei ileg Zebedi inan nanun Jems, inei dag Zebedi inan tain Jon wang ilonde kakang disamap-de. I ²⁰ pasak mok i-wengind orobid dimais temendin Zebedi dibeni inan dinek tomol worou di dag i duri dile. ²¹ Dag ditor Kapenaum ilonde dile sabat nali lon. Dag obou lo ile gom holal. ²² Dimais inan gom olele ke me wi dirut, dag inan gom olal keme inan gagaun din ke iso manau tomol tengeni. ²³ Sain me lon dibob amb lon dimand dag tomol ta uri alan di tinin lo, dag tomol me i ta ibob. ²⁴ Am mata o-di onou wi Yesus Nasaret wain am pitinium wi u-se nga ngalong o ait o me tibud inan mok. ²⁵ Yesus uri ipesind, dag ibol, bodo abol dap tande adu. ²⁶ Wadan uri alan mos dibireg ibal dag uri alan lat de mok dita dag dibob dag didu. ²⁷ tomol pain gugul aba me dineig dirut alan ibedin diseme ila ise me aba ta? me gom aun ta tob? uri alan di inan gom dilong dile. ²⁸ Gom me otu gugul i-ngele Galili i londe. ²⁹ Me wadan Judia obou amb bangat didug, haun Simon, Andrew andin amb lo Jems, Jon di dile. ³⁰ Mereme Simon rawan pain maya unig i-yen pasak mok Yesus dipei i wi. ³¹ Me-wi iseg niman yebig biseg i-mais, inan maya ibenig ile. ³² Me mug yo-ur and idug i dingeleg maya tomol, tomol uri alan ³³ di.Bang rien tomol pain gugul dal awan lo di-temeni. ³⁴ Tomol pain kurum, inandin maya gugul hun hun uri alan di i peseind, ge uri alan alan gom dibol inan he-e, aba tawi i wi dilong. ³⁵ Bomug tindom lo imais, aben mataing lo ileg gading inou de. ³⁶ Simon gar dimais i direrei. ³⁷ Di deme nig dibol tomol pain gugul o-wi di-rerei de. ³⁸ I mais i paind, bang ta lo alap, Tibud inan gom alal wi, me -wi ngese ke. ³⁹ Galili ileg obou amb i-lon de gom holeleg uri alan di i-peseind. ⁴⁰ Tomol ta iseg turun lon imand Yesus i simi-yeni ilo ibol tap. I ⁴¹ londi, irinden ileg niman i-weteg tinin yebig ibol eng'd dinou wi, mere o aun u-tansa. ⁴² Pasak mok, inan maya tinin i-beni i-haun itansa. ⁴³ Yesus i-pei ulap aba me-wi so sai wani mon ile. ⁴⁴ Yesus i pai ulap aba me-wi tomol ta so pai mon ge ulap obou inan gaten gar tini me i patanganip nima panek lon e-ya inou, tini aun kwi, Moses i mug i-bol ke, me patanganek ta inaip ila wi. ⁴⁵ Ge imais tomol pain gugul ipaind Yesus i aba me inou, me wi Yesus i bang i-lon de idul te-he aben kararak ta ileg tomol pain bang hun hun i wi dise.