¹ Aben mene ibenig inan bang hun lo aun imul, inan Megalaum ² .Sain nali niman-ta kukun ketei, Juda inandin obou amb i londe gom i pinind ga tomol pain kurum dilong dirut dimais, engede dibol, dom de tob sula mangau me i-ngele? kan kan u-yan dom-ta lon i-ngele? kobul aun mok niman lo inoug itansa? ³ Me so tomol amb inou dake - me Maria dag Jems, Jos, Juda, Saimon li-undin? inan li-undin pain gar mata wi i-di dimand tehe? Yesus wi i-londin alan. ⁴ Dag wadan, Yesus tomol pain engede i-paind, " Tibud inan mangau tomol sain aben lo dile tap bingan dingal de. I nandin aben ri-en lo bingan dingal dehe tirendin worou ketei. ⁵ Urat ri-en inou inan i-dus behe, ge iben idus maya tomol gar i-noup u-yan wi niman lo mon, sain niman getedin yebi tap. ⁶ Irut inan ingele, mata wi, i-londin lo he. Dag wadan otu gugul lon i-leg tomol pain Tibud inan gom pinind. ⁷ Dag wadan inan niman ta kukun oru urat tomol i-wengind dileg ga oru oru inound dile. Dilap Tibud inan gom bangat dinou wi. Dag Tibud gagaun i-pinind uri alan dipasi inan. ⁸ Dap engede paind, gang malan tang, sapalang, tang aba mene nan so angalep ketei-tor mon, toreng inan gus abi. ⁹ Tinin nulak baba nganek oru so unou mon, tinin mulak mon nou. ¹⁰ Dag Yesus engede i-paind, aben dom-ta lo ele ga amb i-londe amand tap, u-yan.Aben mene lo llo mon amand'p ilap idus ebenip aben ta lo ala. ¹¹ Aben rien ta lon di-ngili-um tehe tap o inum gom dilong tehe tap sain otu mene ebenip aben ta lo ala wi tap nium aten inan sogou apasip i-en dap ala me inum sai engde. ¹² Aben ta lo dileg tomol pain gom engede dipaind i-nandin kagin lo muri panek wi. ¹³ Uri alan dipesi tomol pain maya di goreng gatendin lo diweli i-nandin maya ibeni. ¹⁴ Gaten Herot, Yesus inan sai pik ilong engede dibol Yesus ngi-yan bangat mok itansa. tu-wa engede dibol, kobul aun nauk inan gagaun di. ¹⁵ Tu-wa engede dibol, me Ilaisa, " dag tu-wa engede gom dibol, " Tibud inan urat tomol mungan inan. ¹⁶ Herot sain gom mene ilong, engede dibol, " Nga mos Jon bari panek tomol inan gaten ngo-so-go-ti keme, aun ti i-mais. ¹⁷ Herot tomol tu-wa inound dileg Jon bari panek di-yebig dile pauk aben lon dinou. Mata wi, i Herodias mok ingal wi, i-nan tain i-wan. ¹⁸ Herot Jon engede i pei, " i-na tai i-wan so ungal mon me so u-yan. ¹⁹ Herodias Jon wi burun iseg huni inan, ge idus tehe, ²⁰ Herot Jon wi i-rer. I ilong, Jon i tomol u-yan tinin lo nuni he. Mek-kwi Herot tirini soso ibo. Sain Herot Jon ian gom i-long, ilon alan mok, ga inan gom dilong ya-un ise. ²¹ Dag wadan, nali mene lo itansa keme inan urat gaten dag y-u gatendin gar dag Galili inandin gaten. ²² Herodias inan nanun pain iseg naundin lon itari. Herot dag tomol tu-a ma di-yani wi dise keme yondi-se. Herotengede i-pai, " simi-yug mata wi i-lo ibol tap gan ngapan wi." ²³ Herot gom pauk engede i paind. " Mata nga wi seme tap, gan ngapan wi. O angu mumuneng aben lot u-seme tap ngapan wi." ²⁴ Aria tan de idug ileg tinan simi-yeni, " nga gaten mata wi ngi-simi-yani wi?" Dag nen ibol, Jon bari panek gaten wi simi-yeni. ²⁵ Pasak mok aun imul'g ileg gaten aun i-seme, " O gan Jon bari panek inan gaten ai daig ilon-de noup ngalep u-sop ponug. ²⁶ Gaten me ilong ga ilon alan mok, ge inan gom i huri, mata wi, tomol gar di-yani wi dise sain mene lon gom dipou. ²⁷ Y-u tomol ketei gaten mos inoug ile, ilap apaip Jon inan gaten ingalep aun imul wi. Aria y-u tomol ta pauk aben lo ileg Jon gaten sogo-ti. ²⁸ Jon inan gaten daig lo ingeleg iseg Herodias nanun pain i penig ga aun tinan ipeni. ²⁹ sain Jon inan urat tomol engede dilong, diseg Jon inan sasanun y-a kaba rek lon dingeleg dile. ³⁰ Yesus nan urat tomol aun dimul'g dileg Yesus dipei urat dodog dodog dinou ke. ³¹ Ga wadan Yesus engede ibol, talap aben tomol he me lo ya-ing pik tonou, mata wi tomol pain kurum ya-ing he dila dise. ³² Me-kwi di-podou wang lat den dileg aben tomol pain he ke me lo. ³³ Sain dile dag tomol pain di-neind i wi di-long. Megatanun hun gugul Yesus du-hurig aben dom-ta lo ile ke. ³⁴ Sain yo-u gigin de diseg, tomol pain kurum di-temeni keme. Yesus mos i-neind i-lon ise. Mata wi? belelek mene i-neind keme engede i-nandin tirinek tomol he, aba kurum wi sula i-pininde. ³⁵ Sain and idu, Yesus inan urat tomol diseg Yesus engede di-pei, bang mene lo tomol pain kurum he mung and idu de. ³⁶ Megatani ta lo i-nound dileg i-rinde me-lo amb tu-a di, idus i-bedin ma di-rerei wi. ³⁷ Aun Yesus gom engede i-peind, ang aba tu-a i-pinind di-yani inan. ga engede dipei, idus'p am alap sapalang gag andred oru ga pinind'p di-yani? ³⁸ Yesus simi-neind, ang sapalang pi-di? Alap anai. Di-rereig dinei, engede dibol, am sapalang dag i-ya oru di. ³⁹ Tomol pain engede i-peind alap bubus lat den a-tamanip amand. ⁴⁰ Di-temenig niman oru nimanta dag niman ketei nima -ta engede dimand. ⁴¹ Sapalang dag i-a oru i-ngele, malan di-di lat de ileg bari i-peni. sapalang tere-peleg i-nan u-rat tomol i-pinind ga, tomol pain i-wain i-wai pinind. Kagin hun ketei i-a oru lon i-nou i-pinind. ⁴² Tomol pain gugul di-yenig i-dus. ⁴³ Urat tomol gar ma lot di-temenig sareg nimanta kukun oru i-lon de dinoug i-a lo di engede dinou. ⁴⁴ Tomol gar di-yeni keme inandin si-yanek me niman ketei u-liling toli. ⁴⁵ Yesus kobul u-nta inou inan urat tomol pasak mok wang lo dipodou dileg Betsaida inan igatanun gigin de. dag wadan tomol pain i-nound dile. ⁴⁶ Sain dileg ibeni, babi lat de ileg gaing inou. I ⁴⁷ nandin wang lulung lo i-en dag bo demenind, Yesus iben ketei babi lo imand. ⁴⁸ Yesus i-neind keme inandin wand tuduk dinou inan idus tehe. Mata wi, tim rien inandin wang biti. Bo sain mug sisir i-binind yo-u lat deitor'g ile. ⁴⁹ Yesus sain yo-u lat den itor dinei. I inandin kan kan engede, me ngitun alan ga dibob. ⁵⁰ Mata wi, dineig direr alan. Pasak mok Yesus engede i-paind, kan kan ketei di amand. nga mon so arer mon. ⁵¹ Yesus wang ilon de idul tim rien me ibeni. Megatanum gar me dineig dirut ga ⁵² dimais.Urat gar sapalang wi dilong tehe me mata. Me-kwi i-londin muru-wan. ⁵³ Sain yo-u u-liling lo mug lot lot de. Otu mene Genesaret lon diseg inandin wang yo-u i-rinde didou. ⁵⁴ Sain wang dibeni tan de didu tomol pain i dineind dilong. Maya tomol pain gugul lo dingeleind diseg Yesus lo. Aben domta lon igatanum dom-ta otu i-londe. ⁵⁵ Maya tomol pain dadeng aben ilonde dimand, ga Yesus di-simi-yeni binum'p ina yamil abi wi. engede tomol pain maya di di-noug u-yendin. ⁵⁶ Aben domta lon igataum domta lon otu i-londe. Maya tomol pain dadeng aben i-londe dimand, ga Yesus di-simi-yeni binum'p ina yamil abi wi. engede yomol pain maya di noug u-yendin.