¹ Karu kudzwa ko Kapenauna kwenda ko Nazareta kwamata pashurwa, barutiwa bakye baku mwiqxama. ² Rwi sabata purwaru kuya akunjena muzibaka zimaraperero kwenda kuruta, bayeyi babwenji baruku muyuvwa baku hakamara kwamata shangana zamatiqxe, ikure amashanga wu tali wopa? ³ Baru kukalisa kuli wuza zini zisi zaseni kwisi shamanja akye ikure zadzu. Kandiye mwana Maria indi mukura Jakowo, Jose, Juda indi Simon indi baqxeni bakye kandi wutina nawo? baku mwanahara kwikxa ku Jeso. ⁴ Jeso karu kutikya muporofita ka muporofita kuwu rusinga rwakye. ⁵ nagweza kuku zozu kuru zikaru ku kwana kubara sama tana kubika lyanja lyakye kubaru ku twanga kuba pwelisa. ⁶ baqwe zabbi ibarako baruku hakamara kuzisi zakye. Mi kali ku dzera kuwuso ku minzi yiyimwe kwenda kuruta. ⁷ Karuku bwera barutiwa bakye aku kalisa kuba tuma babiri babiri akubapa indi qxumu pwiliro limipupo yemibbi. ⁸ Nangweza akuba zira atikya basiye kuyisa zulyuwa indi malyapa murwendo rwawo. ⁹ Barare zi shangu zutuhara kazezi wumbira. ¹⁰ Akutikya kuwo, koyo injiwo inaku njena mwayo ni tswutswu rukye ndina kudzwamo. ¹¹ Ati kuna shikiriti muba hamuni bani chinjire indi kuni yuvwa, puna kudzwamo ni kukumunwe ududusa akuma kondo enu ibe wupaki kuwo. ¹² Baruku dzera pwenje kuzira bayeyi atikya badzwe kuzibye zawo. ¹³ Baruku kalisa ku dzusa maDimona indi kwi chacha bayeyi ibaru ku mashira ni oli indi kuba pwelisa. ¹⁴ Shikati Heroda, karu yuvwa zuku kura kulina lya Jeso, aku tikya Johani Mukolobezi kali maka tambuka kubafu, nanga ziqxe za kwisisini shayeye. ¹⁵ Babamwe baru ku tikya i Elia babamwe baru ku tikya mupolofia ngaho tandi yuyumwe ya bapolofita baka tanzi. ¹⁶ Mi Heroda pukaru ku yuvwa akyo aku tikya, 'i Johani ya mata tsura mushoro, mata ka tambuka ku bafu' ¹⁷ Shuku tikya Heroda inje bata tuma bayeyi atikya baka patye Johani indi kuya ku mushinina mwi torongo, sha Herodias mukaza Fillipi muzatakye ya mata rowura. ¹⁸ Johani mata zira Heroda atikya amaku tishwirwa atikya asikame ni mukaza mukaza muzatakye: ¹⁹ Shishi ya mbara shopa mataraxa nañina karuku tikya amubbure akun shitira: ²⁰ Heroda karu ku ywapa Johani; kakuli kali muruka indi wuchana aku mubika naqxa. kumwi kyekye ka kwaru kumu panga naqxa kono kwidze. ²¹ Litohonoro lyakuya pu Heroda karu ku shangana liba lyakye lyuku pakuwa, akupanga zulyuwa zukuli dzekawo ni babberiki bakye indi bayendisi ba Galirea indi bayeyi: ²² Mwana Herodiasi yushikazi akuya kuzana naqxa shikati Heroda indi malinda zikanga bakye bakwidze nañina shakye. Shikati aku zira karwakazi atikya ka hwetye kozo zikati shaka mbwa mupezo ²³ Akuli shimina kukye atikya, kocho shukoku ringira mbundi kupecho, nanga kuku tswira pakati injendiso anga. papa ngaho akutira kuba nyina aka bazira kozo aku tikya pani shikya ndaka rungira: ²⁴ Ba nyina baka tikya mushoro a Johani baka ku bishire wo mushiliro aka shuka ku Shikati akuya ku tikya: ²⁵ Ndati shaka papani ngaho Mushoro a Johani mushiliro. ²⁶ Shikati akwitse mutima mi aku shutira shika kwisi shuku tikya matali shimina ku bayeyi kowo; ²⁷ Shikati tuma ikaru ku mwana zuku shimina (Gateli) bayeyi atikya aka yise mushoro a Johoni: ²⁸ Aka wubike mushiliro awu lyetye ya wupe ka rwakazi akape banyina: ²⁹ Barutiwa bakye pubaru ku yuvwa itaba yopa bakuya kuyisa shutupu shakya baka shibika mwizimba (LIbita) ³⁰ Bapiki wuliyi lyu lyeqhe baka shera Jeso kumu zira zubarasi indi kuzira bayeyi; ³¹ Aku tikya kuwo, nakuya ita kwenda kuli khanda nika tswutswururu shireko kaxinine amana, bayeyi babenji baru kuya indi kwenda kali baku khakhanda kukulya: ³² Baku njena muwoto kwenda kuli khanda kowo. ³³ Babenji bakuba mwana batyenda bakuba yiba, kowo bakutiya kuzungura wukuwa iwa rana shufupi ninda shimakondo bakaya wowo kaba chire baka bashangana ko; ³⁴ Pukaru kuya pulidzo, aku mwana babenji akuba fwera zuxuma shubaru ku mwanahara tandi Zungu zezi njemwa yamat zifulisa, aku kalisa kubaruta zututo zizinji nanyina'. ³⁵ Pukwaru kwenda kuzima barutiwa bakye, baka shera kukye baku tikya, lini Likhanda kakanda kakyiti: ³⁶ Bazira bakwenda pyi minzi yina shufupi baka wurepo zukulya. ³⁷ Akubara taba atikya,''nibapye zukulya balye' baku tikya kukye'' tati kwana kwenda tika wure 200 yimi kamu itibape balye? : ³⁸ Akutikya kuwo,' nina mi Kamu ilyare? Nakwenda nika mwene'' pubaru ku shangana, baku tikya 5 yati mana lyanja ind Zushwi zi mbiri ngaho. ³⁹ Aku tyeya bayeyi kowo atikya basikamye pyeshi (Tukwata-kwata) muturwi turwi pumutswodzo womuthara; ⁴⁰ Bakusikama muturwi turwi twati kaya 150: ⁴¹ Akuyisa Mikamu ya timana lyanja indi Zushwi zimbiri, aku lyaya kuLyiro aku kyitisa zeziqxa mi aku vunjara Mikamu akuyipa Barutiwa bakye kuyipa kubayeyi, akupa akyopa indi Zushwi nangweza. ⁴² Kowo batalya kukuta: ⁴³ Bakuyisa ziqxhauqxau bakuyiza zukumbu zulyu shumi indi zibiri kubikapo indi zu Zushwi: ⁴⁴ Kali bali 5000 banyina batalya Mikamu. ⁴⁵ Papa ngaho aku tyeya barutiwa bakye kunjena muwoto bakwenda kuwuso wakye, yeye kati kauhana shurwi: ⁴⁶ Pubaru kakyita, aka kyita kwikambamo (marundu) kuka rapera: ⁴⁷ Rutsitsi rwa kuya, Uwoto warana pakati lyulyu Wate, yeye akali njekye kulidzo. ⁴⁸ Aku mwana atikya banjene muwuzuwo kuku jwuwa Uwoto shumupupo uwata bashangana . Pukwaru kuba shichacha kakanda kuwuNe karu kuya kuwo, karu kwenda pwiliro lyami (Lyuwate), mata tikya aba kyitire : ⁴⁹ Pubaru ku mumwana matyenda pwiliro lyulyu wate, baku tikya tama shurumba baku shupura: ⁵⁰ Shuku tikya bata mu mwana bata ywapa. Papa ngaho aku hweta kuwo nili Gise! imye! nisiye ku ywapa. ⁵¹ Aku njena nawo muwoto, mupupo wakutupo (qxamyi). Kowo baku hakamara (komoka): Ama baka yuvusise sharuku torokuwa ku mikamu. ⁵² Shuku tikya Mitima awo kali mikukutu. ⁵³ Pubaru ku lyuwuka, bakaya mulyuvu ya GENESARETA: ⁵⁴ Pubaru kudzwa muwoto, papa ngaho baku mulyemuha: ⁵⁵ Baru kukalisa kutiya shikiriti kocho ku lyeta bati twanga (mashira) kokukye pumachecha awo, koko kubaru ku muyuvwa matiya. ⁵⁶ Komo mumunzi mukaru ku njena, mireneñi inaha yopa, baru kubika baruku mashira muzi baka zimawulisizo, baru ku rungira atikya baku pata kuzuxhu zuzi raro zakye. Mi Uwunji baru ku mupata barku pwara.