¹ Ma Phsirees indi babamwe vimishobo bataya kuzwa ko Jerusalem barukuya apato pakiki kumu bika Jeso umuni co ² Bakuya kuremuha akya.bthalutiwa bakye babamwe bari kulywa sha masira yemwe baywe kwa manja ³ manja,Pharisees indi majuda kabatuli zirwiwa tana kuywa ku manja baticera miira yaba shemi babo ⁴ Pubaruzwa pwipatero iyi khuta ,yemwa bakulya tana kuywa kuna mubarana mina zizimwe hape zibaru kucera ,yatizwa kubashemi babo ibakatazi kuyindi wesa zikomoki indi zipoto zurizupa, indi zisipize kywa. ⁵ Ma pharisees indi banoli baru kuwuza Jesu 'hikya balutiwa aye pubati cera shuzo sha ba kuru,kakuri batirwa zilyuwa yemwa baywe kwa manja?''. ⁶ Aru kutikya kubo Isaya mataporofita zizenu pumata hweta akya; batindikuteka shi miromo ,kono imeywa bo ina shire name. ⁷ Bati ndikubamera pokunjemwa ituso kakuli ituto yibati luta mirao ya bato ngaho. ⁸ Natisiya zitaero zu Urezya indi kucera zisi zabato.akuba zira hape akya niyizile naqa kumana murao u Urezya ni kugisa mirao iyi shuzo ⁹ Mushe kakutikya kuteka bashe indi banyoko ;hape akutikya yati kutyeka nyina indi she a buruwe.Nwe natikya umutu yimatikya kuteka she kapa nyina itusoni ndatyi tusa i korbani atikya i poo ndapewe ku Mulimo ¹⁰ . Yo niku kutishira akya nitiuse nyina kapa shee shicimwe .Natimana akopa riyi xhumu uyiriyi lywa mulimo she mikwa ya bakenu yina korisa indi zimwe zezinji ¹¹ Akutikya u mutu akutitya kuba she kapa banyina akya ituso yindati mitusa i korbani kutikya , ''(ituso yati dwera ku Urezya') ¹² .Mi akutishirwa kutusa she kapa nyina shishimwe ¹³ .Natidzisa mirao Urezya ndikuyi bika Mushizo shinina nacho. Indi zuto zati swana zinatisi. ¹⁴ Akubera bunji akubazira akya narakeke kwenu niyubwisise ¹⁵ .kuzito zina penje zati njena kumuto kunjemwa shati sirafaza.kono shati zwa kumutu ndicatisilafaza umutu . ¹⁶ .U mutu yuna mati ukuyubusisa ayubwe , ¹⁷ Pukaru kujeni mwiko kusiya abato penje barutiwa baku muwuza izi ingu ¹⁸ yopa.Jeso akya indi pani kani cire kuyubwisisa nyemwa nakure muha akya icitlo sisina penje shesi jena kumutu yemwa sha kumusilafaza? ¹⁹ Kakuli yemwa shakujena mumoyo akye kono shati njena umuniwula ndikukaraki kwinje. mwishimwe mo mwati njena izito kozo. ²⁰ Akutya shatizwa kumutu shishebbi shati silsfaza umutu ²¹ .Kakuli imwi meyo abato mwatizwa zezibbi kwatizwa mihupuro yi buwuki indi likute, indi lipurawo. ²² Uwuzi ,indi zitakazo uzu kufuma ,indi kulyaya sha mesho mabbi indi butanya. ²³ Kozo zopa zezibi zatizwa mwikyo, mi ndizo zati silafaza umutu. ²⁴ hape kalu kuzwa kwenda umuni museto uwa Tire indi sidoni akaruku njena mwi juwo a mutu mikakaru kushaka kuyibiwa mi yemwa kube akyo ²⁵ .She kulitahanela mukaz yuyumwe yukarana indi mwana uwu musizani yuma njeni mipupo yemibbi kara yumbwa za Jeso akukarangara puma kondo ake ²⁶ .Mukazi yopa kari mugerike wumushobo wama Siro `-fenisya. ²⁷ Aku tikya nisiye bapundi balye bakute pili kakwi tira icira kupa tumbwa bo kaba cire kukuta ²⁸ ..Yee akura taba akya ingahopa shikati indikutya tumbwa twatilya bungurulwa bwa tiwa pwi tafule. ²⁹ Sheri baka lyopa kwenda kumuzi mupupo o mubbi wazyu kumwanwe ³⁰ .Pwatisuka kwi jubo aye akushangana mwanakye matikwama pumarangaro akye mipupo ye mibbi yazwu kokuke. ³¹ Karukuzwa mwi naha ya Tire akutwara mo Sidoni kwenda ku liwate lya Garilia a kyitira mwi naha ya Dekapolisi. ³² Ba kumulyeteza umutu yimati mashira mati ,karukuhweta shi buzuwo.baru kurapera akya Jeso abike manja akye kokukye. ³³ Jeso karu kumuyisa kurupati koshire indi abato alukubika minwe akye mumati akye she mati akye akumupata purulime, ³⁴ Akulyaya muriro mi,akutura mupupo atikukya effata kutikya kuyazuka; ³⁵ Papa ngaho mati akya aru kuyazuka ,indi rurimi lwakye rwata chutuka akuhweta anakya karu kuhweta naqha' ³⁶ Akuba zira akya basiye kuzira umutu kono bo ndibatika i hweta ahuru mane ndiku mbara poo, ³⁷ .Bari kukomokisa zisi, ''aku tikya zisi zakye zina naqxa kozoo. Zimati tisi akya mati kwana kutiburura umutu indi kumuhwetisa ikari kuhahweta.''