¹ 1 Barukuya mokyo wu liwate, mushi baka sharu kuberwuwa garamase. ² Po jeso a kudza muwoto,u.A kushupura kwakuya munyana yakara tire ku mabita . ³ .Munyana karukupara kumabita ⁴ .kali mashiminuwa shamaceni indi mawenge, kono kali mugi nañina mi akungaxsura hape kuku ikarana iqumu ikumu dzisango ⁵ indi mushikati karukupara kwi kambamo indi kumabita. ⁶ Katilira nañina indiku twara mawe kati liremika. akumwana Jeso shikabaka akumutira aka xita madzi pumaswa Aakye ⁷ Kali kulira shiliyi lyelikuru.shikya ndatisi nawe mwana shikatyanga. ⁸ JESO Sakundi shakundishandisa Akubera dzw a kumutu yopa we mupupo wumubbi. ⁹ 9 kuwuza ? linanywe we ndiyani ? Akurataba me ndimpi kuli tabbenji. ¹⁰ Aku mulapera nañina atikya a siye kumu twara shire ni livu lyopa ¹¹ Cware kwarana zi gurube zizinji za rukufura pwikambam ¹² Mumpupo wo mubbi wa kurapera ku jeso, atikya titishira tinjene kuzi gurube ,jeso a kuwo ¹³ tishira Mpopa mupupo wo mubbi wa kudzwa wa kunjena kuzi gurube ,mpopo mutapi wa kulira murupati rwinda za kukira mo kuliwate,za zi li 2000 za kufwera mwami ngu liwate. ¹⁴ Balindizi ba zo bakunywapa .bari kazira mizi ye mi bambana nawo itaba yopa ,abato baru kuya kumwana za zapangahara ¹⁵ Bakuya ku jeso,bakumwana ikarana mupupo wo mubbi asise ,murara mati liywavwa,ye ye imatanjenwa mupupo wo mubbi , ba ku nywapa ¹⁶ Bata mwana shata rasisini ,bakukandishira babamwe shata pangahara kumutu yopa i karana mupupo wo mubbi i ndi ku zi gurube ¹⁷ BAru kalisa kuringira jeso kudwa mulivu lyawo. ¹⁸ puka kunjena mushisepe,mutu ikarana mumpupo wo mubbi aku rungira atikya asikame nake ¹⁹ Jeso a kushita a kumuzira , u kwenda kumuzi kubakwe u kabakandekere mwamata kwisamina shikati indi mwa makwixsama ²⁰ Akwenda kumuzi ,a kwendisa mo dekapolisi zitaba kozo za mata mwisamina jeso ,ilinji lyabato lyakwenda. ²¹ .Jeso pukaru kushuka mokyo shishisepe, ilinji lya kushangena kuke,karana pulidzo liliwate ²² u nduna yuyumwe yu sinagoge,imati beruwa jairusi akuya kuke. ²³ Akurapera nañyina a kutkya mwananga yu mukana ndukufwa kake. ²⁴ Jeso karu kwenda nake ilinji bakumucera ,taba ru kumusinanisa. ²⁵ .Cware he,kwarana mukazi ikaru kumashira wu tuku wi gazi,zi lyumo zi lishumi lixiki indi tubiri ²⁶ Mata shanda nañyina,pukarukupanguwa kuziñaka zizinji ,matashiñyehera zixsuwa zakekozo ,ahata shangana i tuso indi kanxenene,tawutuku wake waka kura. ²⁷ .shikutikya mata nyuvwa za jeso a kunjena mwilinji ,akushera kujesu mulixho ,aku pata kushiraro shake. ²⁸ ,Kali kutikya punda kupata kwinguwake ngaho ndati pwara ²⁹ . mpopa i gazi ake ya ku yima ,a kuyuvwa mumumbiri ake atikya maporu kuwu tuku wake. ³⁰ Papa jeso a kuiba akya ixhumu ake ya dzu kuke ,a kucewuka mwikyo ilinji,akutikya mapata kushiraro shanga ³¹ Barutiwa bake ,bakumuzira atikya ,matiwuza,akya imandipata iyani,koti mwana ilinji bati kusinanisa. ³² Akwendisa amesho mwilinji kolyo,amwene akya i yani mamupata. ³³ makazi akulilyeta kuke shikunywapa ,indi ku chachalika ,shi kutikya kara izire,shatarasisini kuke ,a kuwulya pumaswake akuhweta i njahamu ³⁴ Jeso a kumuzira a kutikya ,mwananga i tumelo a ye ya kupalisa, u yende naxha u pwelilire kuwutu we. ³⁵ pukaru kushi hweta zopa ,kwakuya a bato barukudza kwinjuwo u nduna u sinagoge, monwe mafu sa kukataza muruti. ³⁶ Jeso ema,cerize mai ngawo,akutikya ku muyendisi we sinagoge sakunywapa tishira ngaho. ³⁷ Akucikisa abato kumura xhama, tana pitrosi indi ³⁸ jakowo. Jeso pukaru kuya mwinjuwo u nduna yi sinagoge ,a kuyunva lirata lyabatilira ,indi bati batotuza. ³⁹ Pukarukunjena ,a kuwuza a tikya ;shikya punati kwezira lirata ,mupundi yemafwe matikwama. ⁴⁰ Akumwana bakusheka, pukarunjena ,a kudzisa ,barana mo ,a kunjena indi bashe indi banyina ,kubika bakaru kwenda nawo. a kunjena mwakarana mupundi. ⁴¹ A kupata mupundi ,kulyanja,akutikya talita tambuka ⁴² Mupundu a kutambuka popa a kwenda ,shikutikya karana zilimo zilishumi inditu biri , bakubbemuka. ⁴³ Akutikya nisiye kuhweta shara sisini,nu mupe zu lyuwa.