¹ 1 jeso kali kukalisa kuluta shizy zinguli a bato babeji bali kuya kusikama murupati ² Rwakye akusikama muwoto dikukalisa kuluta ³ 3 mulimi yuyumwe kali kwenda wukuna zintanga ⁴ 4. zizimwe zarukuwulya muninjiraa zinyini zakumana kuzilya ⁵ mumubu yiyimwe ya kuwulya muni mubu wamacwe wakufwa shili baka lyamacwe kali munjemwa mubu wumunji yemwa ushangane musumo ukuyima pawo . ⁶ Lyara kukakuka wu wumwe wara kukalisa kwinqwa shilibaka likutikya kali zinjemwa zinzi ⁷ , zakukuta ,zintanga zizimwe za kuwulya ,muni miti yemi fosahara ,wata shitira kuba ni zipata . ⁸ Zizimwe zata wulya muni mubu wo muxha mi watibika ahulu wuwumwe mashumi mane wuwumwe mashumi inga timanalyaja idka kiki mashumi ⁹ akutya yuuna matie ukuyubwa nimusiye ayubwe ¹⁰ Jeso pukarana yekye, a bato indi balutiwakye batiye shifupyi nakye kumuwuza izinguli. ¹¹ Akutikya, ''Yenwe napewa kuyiba zuwumuso wu Urezya. kono ku ibana penje zinguli ngaho, ¹² Indi pubati lyaya iyi bati lyaya, kono yemwa baku mwana, indi pubana mati bati yuvwa, kono imaba ku yuvusisa, shuku tikya nibata yarumuka mi Urezya abapatire.'' Mark 4:10–12 — Yeyi ¹³ 13. Akubawuza akya batiyubwisisa? inguli yopa ingahare bakuyubwisisa zizimwe zinguli? ¹⁴ Mulimi yikali kukuna zitanga dyiye kukali kukuna ryi. ¹⁵ Yiyimwe yata kyna umungulo wi jira mulyata kyna ryi pubatiriyubwa satana akuya kurisa kubo riyi lyana kubo ¹⁶ Babamwe bata kwina imbeyeo mumabwe wa macwe mi bati amuhera shiputako indi kutaba ¹⁷ Mi bali bakuu zizimi yemwa zisikame inako yinde kakuli itumelo kali ikuko she manyando ameji batiyibala mulimo kapili mi batiwa ¹⁸ Zizimwe zita kwnwa umimiti, bata yubwa riyi. ¹⁹ kono balikushaka nabi zi ribu. zuwufumu indikulakaza zulyubu zatyi jena umwinikyo zatisa riyi mi bari kukara kuku musero umunikyo lyabo. ²⁰ Ndikwatya ba bumubu wo mukya batayubwa riyi bata li amuhel bata bika zipato babamwe 30 60 babamwe 100. ^{23 21} Jeso akutya kuwo,'' Natilyeta i rambi mwi juwo dokuyibika umuni shizuma, kapa umunikotela mumbeta? nati ibika pwi nandareza akya imwenise mwi juwo. ²² Kunjemwa sheshi zikwa shashahala kumwanahala. Kuku zibishila zaharu kuya pyeje dukumwanahala pokucena. ²³ Yuna matyi ayubwe; ²⁴ Aku batyeya akya, ''nirakeke ahulu kuzinati yuvwa, kulikanerelwa kunina nako ndi kulikanerelwa, kuna kuba nako, mi nati yekelezwa poo. ²⁵ Akya, kupewe yuna i cito kono yumuku kuti ayagiwe indi shana naco'' ²⁶ Aku tikya, '' Hape mubuso wu mulimo wati fwana indi umutu imati kuna zitanga umubu. ²⁷ Nanga mati kwama kapa kuryaya masuku indi mushikati i mbeyo inisite kukura mwahayizire. ²⁸ Lyuvu lyatili bika lyolyo. ²⁹ Amenisizo mabele kali kabuzya macekesi ngatiya inako kali yaya yubuna. ³¹ Akutya muwuso wu mulimu kuti tubapaye indi shikya hali shezy nguli ³⁰ Zire i mbeyo ya masitete puyatikwinwa mumu yati mwenisa budana kuzi mbeyo zoshe munilibu. ³² Puyati kunwa yati kula kumbala miti koyo yamuni libu mane zinini kwana kubika ziyaleto po ³³ Shezi nguli zizingi nzimali kuhweta akyopa kali kubaluta riyi.muba tikonela kuyubwa. ³⁴ Kakaru kuhweta nindi balutiwa tana shizi nguli kono kulupati kali kuba zira ziniti balutiwa bake ³⁵ Ishili liba lyopa inako ya makyehumu jeso kali kuzila balutiwa bake akya basile baye mubuse bubumwe ³⁶ Balutiwa pubati mana kushusa ubuji batenda nake mushisepe mwakara sisise ³⁷ 'Kwaru kutambuka linungwa reri kuru ami ngatikarisa kujena musisepe mi mane kali ndikuyira kwaco. ³⁸ Miye arana kwishi risisepe matikwama bakumutambusa abumuzira akya aku itokomelo batifwa' ³⁹ Kutambuka akuyimisa mupupo akuzira liwate akya riyime l rari tuu ⁴⁰ akuba wuza shikya naywapa; nibaku itumelo balukukomokwa baru kuli uza yuyumwe -indi yumwe. yo iyan kutkya mupupo indi i liwate limuyubwe. ⁴¹ Bata ywapa nabbi ndupu barukuhwetizana akya, ''Yo iyani? iyukutikya mupupo ind'a mi zatimuyubwa?''