¹ Hape a kwenda mwisinagoge ,kwarana munyana yo mukukutira lyanja. ² A bato baku wuha,bamwene kapa matimupwelisa rwisabata bashangane shibaka shuku muvwera zitaba. ³ Jesu a kutikya kuyu mukukutira lyanja ,yima a kuya papakati lyawo. ⁴ .Akutikya kwabato shatishakahara rwi sabata kupanga naxha kapa wubbi,kupalisa kapa ku bbura ,bakuti xhamu ⁵ A kubayendisa shuku menga indi ku fwazishoni.shimeyo awo ye mikukutu akutikya kuyopa wara lyanja lywe ,akuwara,lyanja lyake lya kupwara . ⁶ Bafalisi puba rukudza ,bakuyambara indi heronda ,shiba kumu bbura ⁷ 7.Jesu indi barutiwa bake ,barukwenda indilinji baku mura xhama baru kudza mo galirea indi mo judea. ⁸ Mojerusarema indi mo idumea indi ko joridani koko kotyre indi sidon,pubakuyuvwa zisi za marasi,babenji barukuya kuke. ⁹ Akuwuza barutiwa bake,bamuru kisize u woto wo mudana, shilibaka lilinji, A kunjena muwoto akya tabakumu kakatiza. ¹⁰ Akupwelisa babenji ,kowo baru ku mashira baru kuya kumupata. ¹¹ Mupupo wu mubbi puwa rukumu mwana, waruwa puwuso wake ,ndukulira ,ndutikya,umwana shikati ¹² Karu kucikisa akya basiye kumu yibahaza. ¹³ Karukwenda kumarundu ,aku bera baru shaka kowo. ¹⁴ Akuketa wu lishumi indi babbiri,{baru kuberuwa baapositola} atikya basikame nake indi kutwara liyi. ¹⁵ Indi kuba ni xhumu yu dzisa mupupo womubbi ¹⁶ Akuyirika wulishumi indi babbili,saimon,ikaruku bberuwa pitrosi; ¹⁷ Jakowo mwana zebedia ,johani muzata jakowo ,akubika lina lya boanergesi,atikya abana wi vura . ¹⁸ Andreasi ,filipi,bartolome, mateu,tomasi,jakobo mwana alufea,tadea,simoni mukanana. ¹⁹ Judasi isikariota yu shumu beteka. ²⁰ Pukaru njena mumunzi ilinji bakumu xhama,bakukini shibaka shulya. ²¹ Ba kwa ke pubaruku yuvwa bakuya akya bayise,shikutikya kashiliyuvwa. ²² bañoli baru dza mo jerusarema barukutikya ,una mwi xhumu abeelzebule,indi pukaruku hindika mupupo wo mubbi,ishikati yu mupupo wo mubbi, ²³ Jeso a kubabera kuke , akuhweta nawo shinguli atikya ,satani ema kukwana kuhindeka satani hape. ²⁴ Miwuso wa kulirwenisa ema ya kugipa. ²⁵ Induwinjuwo ,bakulirwenisa ,Injuwo yopa i kukugipa . ²⁶ Satani a kulirwenisa, matikauhana ,kamuna gipe ndukumana kake. ²⁷ K uku u mutu yi matinjena mwinjuwo u mutu yomuywope,atikya a kya shinye,takana kati shimina yo muywe pe. ²⁸ Njahamu ndatini zira, ndatikya,zibe kozo shizi patire abana babato,indunyazurusa kubata hweta. ²⁹ Umutu nu mutu yu sunyazurusa mupupo wu mucena,muku kupatulwa,kwendilira,ana shibe shahati patura. ³⁰ Jeso mahweta ,shikutikya,bali kutikya una mupupo wo mubbi. ³¹ Banyina indi bazatu bake bakuya, pubarana penje, bakutu ma umutu kumubera ³² Ilinji lya bato barasise, bamubiki mwikyo, bakumuzira,akya, banyoko indi bazatuwe batuku shaka papenje. ³³ Akutikya ma i yani,indi bazatu banga imbani? ³⁴ Bakulyaya banamo,bamubiki mwikyo,akutikya nu mwene bama indi bazatu banga,ndibapani. ³⁵ Umutunu mutu imatipanga shamatishaka shikati imuzatanga indi ma.