¹ Pukwara kukita mayiba ,Jeso ashuka ko kapenawuma ² ,A bato ba kuyuvwa akya ana mwinjuwo ,mi ba kuya kushengena shuwunji ,mi kali kunjemwa shi baka ,Jeso aku hweta liyi kokuwo . ³ Mi a bato ba kuya kuke ,ba kumu lyetiza u mutu ikara ku kutira ruñañali ,mata kakulikuwa kwa bato vaNe ⁴ ,shilibaka lya bato ba banji kabara kukwana kuya shifupi ni jeso ,ba kubbutura shutuwa shinjuwo mukarana jeso ;mi ipwata bbuturuwa ba kunjenisiza po u wuro wa ya kara kumashira ruñañali indiye akyopa . ⁵ Jeso pukara kumwana itumero awo , aku tikya kuya mati mashira ruñañali mwananga zibe zwe zapatirwa ⁶ ,Kwarana bañoli i barana mo ba kukalisa kuli hwetira muni mitima awo ⁷ ba kutika yopa shikya pwama tihweta akyopa ,mati nyefura ,i yani kakutipatira zibe ,tana ,uredzya yeke . ⁸ Jeso aku pwera kuremuha shu mupupo akye , zi bara kuyanakana zi zawo , A kutikya kokuwo ,shikya puna tiyanakana zopa muni mitima enu, ⁹ sheshitwere ,icire indi kutyeya u mutu yamati mashira ruñañali ,zive zwe zapatirwa indi kutikya tambuka u ise u wuro we ukwenda . ¹⁰ Mi akya ni yibe akya mwana mutu una mata nguku patira zibe pani peshi , ¹¹ Ndati kuraera namushi [jeso akuhweta kuya mati mashira ruñañali ] aku tikya tambuka u ise uwuro we ushukye kwinjuwo aye ¹² ,Mi akutambuka akuisa u wuro wakye pu uso wa bato kowo ,kowo bakukomoka ,ba kurumbeka ,uredzya ,ba kutikya katicire kumwana ishapangahara . ¹³ Mi aku shuka hape kuliwate ilinji kolyo lya kushera kuke ,a ku baruta ¹⁴ ,Minjira akumwana mwana livi mwana alfea ikara sise muni ofisi yu mutero ,a kumutyatikya undi qama ,livi akuyima aku mwiqama , ¹⁵ MI jeso pukarana muni njuwo a livi kaba tilya , batelisi ba benji indi baeza libi bakuya pwitafure ,indi barutiwa bakye shilibaka likutikya a bato ba benji bata mwi qama ¹⁶ .Cware bañoli pubara kumumwana mati lya ni batelisi indi baezalibi ,ba kuwuza barutiwa bakye ingahare amatilya ni baterisi indi baeza libi . ¹⁷ Jeso pukara ku yuvwa zopa ,akwitaba ,a kutikya , ibati para naqa yema ba kushaka i ñaka ,i batmashira ndi batishaka iñaka ,yema indi bere kuya kubera ba bacena ,ndata yera baeza libi . ¹⁸ Barutiwa ba johani indi bafalisi bara kuliyiminanga zulyuwa , abato bakuya ku jeso ba kuya kutikya shikya pu barutiwa ba johani bafalisi barakuliyiminanga zuliwa ? bawe ba rutiwa yema ba kuliyimina zuliwa ¹⁹ ,Jeso aku hweta kuwo ,kwati kwanahara akya bambiya ba ya matirowuruwa bati kwana kuli kuyimina zulyuwa nashina ko ? kumwana ngaho ya matirowuruwa ashina nawo yema ba kukwana kuli yimina . ²⁰ She kube ni liba i mati rowuruwa pushakudzwa muni nkyo lyabo ,mu mayiba ngapa sheba liyimine ²¹ ,Kunjemwa u mutu inga nali kubika shikamba sheshipiya pushiraro i shakare nisheshi kyarukye . ²² Kunjemwa u mutu yatyeli ku bika i waine mushibiko ishakare ishi waine, ikali nga supara ,akutitikya ingahopa i waine she ishinyehe u bikye i waine musheshipiya ²³ Mwi liba li limwe rwi sabata ,jeso kara kukita muzimbwa ,barutiwa bakye bakukalisa kutwara zulyuwa ²⁴ .Bafalisi ba kumutyatika kalyaya barutiwa bwe zi batisi ,shikya puba tipanga iza hatitishirwa mwi liba rwisabata . ²⁵ A ku barataba atikya kani cire kubara i shama tapanga davida pubara kwikini ,indu kufwa injara yeyinduwu kararana nawo ²⁶ ,.Shamata njena mwinjuwo u yu redzya ,pukwarana mupurisita yo mukuru abiatare ,mi aka lya kwicira ishata bishurwa u redzya ,ishara kuswanera kulyuwa ku ba purisita ngaho ,davida a kupa wu kara kwenda nawo . ²⁷ Jeso a kuwekeza akutikya , i rwi sabata lyata panjirwa u mutu ,ka mutu kupanjirwa rwi sabata ²⁸ .,Mi mwana u redzya ishikati iyu rwi sabata .