¹ Cware Jeso kalikukalisa kubaruta shuzunguli, akutikya, kwarana,umutu ya matalima mityi izi veyine, akwiyidxa rukwakwa, akusa liqho lyuku kaminamo i Veine, akwidxini rutara, pukalyukumana akubika mobalimi, iwi veyine akya bamamyere ifuba yopa, pukalyukumana akushimina musipiri. ² Mwinako iyitiswera, kalikatumina mubberiki, akya yayise kuzupata zi veyine. ³ Pukalyukuya balyukumupata undukumwikyamu, undukumutanda ngaho kunjemwa shamatayisa. ⁴ Hape umuni ifuba yopa akutuma yuyumwe mubbeki hapye, balikuya kumuremika mumushuro indukumu shandisa nabbi. ⁵ Hapye kalikatumina yuyumwe mubbereki, balikuya kumubbura indiye. Balyukwi kyamu babamwe, induku bbura babamwe. ⁶ Kwarashina umutu yuyumwe muxhiki yamataka kutumina, umwana yamatishakuwa nabbi. Kalinduywa mamyenisizi yamataka tumina. Kalikutikya mbwa tumine mwanakye, mi mbutibamu, mupye lyukutye. ⁷ balimi balyukulyu shwanga, akya bamubbure bayore, shufumu shibe ishiwo. ⁸ Balyuku mubbura, indukumwiki kwinje rurukwakwa rwi veyine. ⁹ Cware balyukutikya, umuni ifuba iyi veyine shikya kakuya kwisi? Mbutiya shinye balimi iwi veyine indu kuyipa babamwe. ¹⁰ Yemwa nibare liñoro? Liwe libata shita baradxini ,ndilyata dxini lizungu. ¹¹ Ngalikudzwa kumulyumo hapye, yali mayi ngama naxha nabbi mwa myesho etu.'' ¹² Balikushaka kumupata akya bamushimine, balikuywapa ilinji. Bata yanakana akya tyema pu Rezya pukalikuruta shuzunguli akya tyema ibbo kalikutyeya. Balikumusiya balikakyita. ¹³ Cware balikatumina Bafalisi indi Mahereda akya bakamuwuze mayi ngama zuwo. ¹⁴ Pubalikuya koku Urezya balikutikya, Muruti tiyizire akya kunjemwa maikuto etu nguti yimatiyimina papakati lyetu mi ziyatura zwe zi shiyama. Maturuta shinjira u Rezya. Balikuwuza akya, kana iswanero akya tikya tityere Sesare Mutyero? hali tisiye kumutyeraa? ¹⁵ Urezya ayi zire zuku lyukumusa kwawo, akutikya shikya punatindixhaba? ''Kalikubatyeya atikya balyetye ushereñi yopa yamumwene." ¹⁶ Balikulyeta ushereñi muxhiki koku Jeso, kalikubawuza atikya shiswaniso shopani ishina pushereñi yopani shayani? " Balikutikya shiswaniso sha Sesare." ¹⁷ Jeso akutikya nepye Sesare izali iza Sesare, hapye nipye Urezya izali izu Urezya. kalikutikya zina naxha nabbi kokubo. ¹⁸ Baharuku yuvusisa balikushapura kutambuka kwabafu akya wowo kabaku yizire. Baku muwuza atikya, ¹⁹ ''Muruti, Mushe mataba ñwera atikya, hati umutu mafu ndukusiya mukazakye papyeshi, hati yemwa asiye ko abana, muzata amutu matiswanera kumurowura ndukupaka nakye abana. ²⁰ Kwarana barumbwana ibatimana lyanja lixhiki indi tunye tubiri wurusinga ruxikyi; mukura mutu akali kuyisa mukazi kurowura, kalikufwa hapye yemwa pakye numurwakazi yopa. ²¹ Muzata amutu uyuwubiri, kali kurowura murwakazi yopa , indiye kalikuya kufwa kunjemwa umwana yamatapaka nakye. ²² Uyutatu kali kuya kurowura indikuya kufwa hapye kunjemwa umwana ya matapakako. ²³ Kowo barumbwana balikumana kufwa, kumamyenisizi murwakazi indiye kali kuya kufwa. kumamyenisizi balikuya kuwuza atikya cware, pushebafu pushe bakuya kutambuka iyani yishaba umuni umurwakazi? Kowo ba mana lyanja indi tubiri bata murowura. ²⁴ Jeso aku tikya, ''lyopa kalibaka natyi chichanisa, kaniyizire atikya liñoro lyatiqxe za mata Urezya? ²⁵ Pushaba ku tambuka ku bafu shebafwene ngaho tandi mañiroyi Urezya muliro. ²⁶ Kuyamana indibafu ibata fwa indukutambuka , yemwa nibare mwibuka a Mushe muzuzi ya mbara za mu mudxa, Urezya aku hweta akya, yendu Rezya a Abrahama hapye yendu Rezya Isaka indi Jokowo. ²⁷ Qha Urezya iywaba bafu, Urezya ababayimi, batipanga zezibbi. Ndu Rezya iywa bato kowo. ²⁸ Muñoli muxhiki kali kushera kokuwo pukalikuyuvwa Jeso akya matabarataba naqha. kali kuwuza Jeso murawo iwuwutokwa iwure? ²⁹ Jeso kali kwitaba atikya murawo uwuwutokwa ingukutikya Shikati ndi shikati etu muxhiki iywa Isiraere Shikati ndishikati yekye. ³⁰ Matiswanera kushaka Shikati Mulyumo , shumoyo aye kowo indi muhupuro aye kowo. ³¹ Murawo uwuwubiri ingukutikya ushakye, umutu ni mutu shumutima aye kowo, ngaha shimatilishaka yewe haline. kunjemwa murawo iwuwutokwa kumbara wopa. ³² Muñoli kalikutikya , ''Muruti yo muqxa! Mahwetyi shuwuqxa Mulyumo matahweta initi akya Mulyumo injekye, hapye kunjemwa yuyumwe hapye. ³³ Hapye tumushakye shumoyo etu kowo indishu muhupuro etu kowo indi shimata.Hapye ushakye umutu nu mutu ngaha shimatilishaka yewe haline indi kubbara zitabero zuku pisa. ³⁴ Jeso pukali kumwana atikya marataba naxha ikarawo iyina nanaxha kali kumutyeya atikya una shifupi nukumwana muwoso a Mulyumo. Pubalikumana kunjemwa yamata wuza Jeso zupuzo nangweza. ³⁵ Jeso kalikwitaba atikya pukarana mwi kereki kuruta abato, kali kutikya Muñoli ingahare pwa matihweta atikya Jeso imwana a Dafita? ³⁶ Dafita kali kuhweta shumupupo wo muchena atikya, Mulyumo matahweta ku Mulyumo nga atikya, asikamye kulyanja lyakye ilikamu, kufitera pukakupanga ibatimutanga akya babe malyaturo akye. ³⁷ Dafita kali kuwuza atikya ingahare Jeso mwana Mulyumo pwali imwana a Dafita? Ilingi lya kumwikyekye nabbi naxha. ³⁸ Jeso pukali kuruta abato kali kutikya, nimamere baruti ibatishaka kudzata ziraro zezire, indi kurumerisuwa muma wulyisizo. ³⁹ Hapye batishaka kusikama puzupuna za Mashikati puzupuna iza mo ku Sinangoge indi mumikyiti. ⁴⁰ Batishaka kuyisa mayuwo aba kazi ibata fwerwa babe bawo indu kubaraperera zitapyero zezire, atikya abato baba mwene. kushangana zi katuro zezi kuru. ⁴¹ Jeso kali kuya kusikama kuru pati rudishi mwi Kereki; katumwana abato babafumu shibati kunewura zinewo, kono balikudzisa mali ngamyengi nabbi. ⁴² Mukazi yamata fwerwa bakye kali kuya kunewura mali ngamache. ⁴³ Kali kubyera barutiwa bakye kalikutikya, ''Wuniti wundati niziira wuni, mukazi imatafwerwa mabiki kubbara kowo ibato . ⁴⁴ Uwunji wawo batapa ahuru shufumu. Kono yomu fwerwa, muwu hungwe wakye, matapa mali kongo ngukara sitye atikya apyerepo."