¹ Pubarakuya po Jerusarema, barana shifupi indi Betefage indi Betani, pulirundu lya olive, Jeso mata tuma barutuwa babili. ² Mata hweta kukuwo atikya, nakwenda mu muzi una shifupi nanwe mboni kashangane u hashi yomu shimina, yahacile kuka wukwa ni mulyetye kuni. ³ U mutu puka kunuwuza, shikya puna tikyopa? nirataba atikya: Shikati matikashaka, popa mbwaka tumine kuni . ⁴ Balyu kwenda baka shangana u hashi mushimina pumumbelo papenje, muyati hambushira injira. ⁵ Abato barayimine papa bakutikya shikya puna tichutura u hashi? ⁶ Barukwitaba mwa matarataba mina Jeso, baruku basiya. ⁷ Barutiwa babiri Balyu kulyeteza Jeso u hashi, balyu kuyara zunguwo zawo Jeso a ku kauka. ⁸ Abato babenji balyu kuyara ziraro zao mwi njira, ba bamwe balyu kuyra mapara ngu bata kakara muzimbwa zawo. ⁹ Balyi kuya kuwuso indi kulyugho: balyu kuhuwelyeza hossana! Kurumbuwe yamatiya shi lina lya Shikati. ¹⁰ Kurumbuwe muwuso watiya, muwuso wa sheetu Dafita. Hossana, muliiro, kuliiro! ¹¹ Jeso pokali kunjena mo Jerusarema, kali kwenda mwi keriki, pukali kumana kulyaya i zuto kozo, liiba kalilya takita, kali kuzywa mo indi lishumi ka bababili , kali kwenda ko Betania, ¹² Pulyalikuca bakusiya Betania, Jeso a kufwinjara. ¹³ Pukarana shire a kumwana mutyi wi feiga yina mapapa, a kalyaya ati matikashanga cicimwe kuyo . pukaru kushera ema shangane cicimwe tana mapapa ngaho , kali kanako i feiga. ¹⁴ A kutikya kumuti wi feiga, atikya kurakini u mutu yu shulya shati bikiwa kuwe, kudza papani indi kwendilyira barutiwa bake baruku muyuvwa . ¹⁵ Bakuya mo Jerusarema Jeso pokali kunjena mwi keriki, kali ku kalisa kuhindyeka i bali kwendindisa i bali kuwura mwi keriki, Kali kuwusiza papeshi zitara zawo i bali kuncinca marwapa, indi bana barana zi puna ze zi kuru baruku wulisa zinkwilimba. ¹⁶ Ka kali tishira u mutu yire nayire ku njena mwi keriki, mapindi shichumwe. ¹⁷ Kali kubaruta, atikya ema kuñoruwa atikya injuwanga, she iberuwo injuwo ya ma raperero urushika koro? yenwe natyisi malibiko abezi. ¹⁸ Maprisita ba bakuru indi ba ñoli puba rukuyuvwa kyopa baku shaka shuba kumubbura, barukuywapa shuwunji warakuya kuzututo zake. ¹⁹ Mayiba kongo maxhuhumu karu kuzwa mu muzi. ²⁰ Shicaca maxhehumu pubarukuya baku mwana mutyi wi feiga kali wakukutiri indi kuzinzi. ²¹ Pitrosi a kuyanakana a kutyika : Rabbi mwana mutyi wi feiga wu matakuta wa kukuta. ²² Jeso aku barataba a kutikya : ni bee ni tumero ku Shikati. ²³ Shinjahamu ndati nizira atikya ; U mutu kweke yushuzira lirundu lyopa , atikya yima , akaliki muliwate, akaha bbirayela mumoyo ake, matitishira atikya sha mahweti shati rasisini kuti apewe akyopa ku Shikati. ²⁴ Ndatitikya kokunwe; Kocho shi nati rapera indi kurungira nitisire atikya natishishangana, mbuzibe inzenu. ²⁵ Puniyime kani tirapera ati nina intaba nu mutu nu mupatire , Shenu yakulilo ani patire mirandwenu. ²⁶ Nakwaha patira shenu yaku liiro muku kuni patira mirandwenu. ²⁷ Balikushuka mo Jerusalema. Jeso pukali kuya mwi keriki, Maprisita ba bakuru indi bañoli, Ba bakuru kuya kuke ; ²⁸ Bali kutyikya ; u tizire i qxumu yu matirasi shayo? Hali iyani mata kupa i qxumu yu marasi? ²⁹ Jeso a kubarataba a kutikya, indime kuti ndiniwuze chichimwe, ninditaba koo; kuti ndini ziire i qhumu indatarasi shayo. ³⁰ I korobezo ya Joani yara kuzwa kuliro hali kukumye? Ni nditaba . ³¹ Bali kuhwetizana paxiki bali kutikya; putakutikya; ndatizwa kuliro, Yeye mbwatikya ; shikya punahatitishira? ³² Putakutikya; ndatizwa kwa bato, popa bali kuywapa ilinji, Ilinji lyaraizire atikya joani muporofita. ³³ Barukurataba Jeso ba kutikya : Katiizire. jeso akutikya kukuwo, Indime kamuni ndiniziire i qhumu indatisi zopa.