¹ Jeso a kudzwamo akwenda mulyuvu lya Judeya kumuguru umurwanga a Jorundani, kwa lyikuya uwunji wabato. Kalyikubakuruta hapyee shukutikya kyelyi ndumukwakye . ² Bafalyisi balyikuya kokuke kuya kumumbuza shumulyuko, "Atikya iswanero atikya munyana kuraki mukazake?" ³ Jeso akubarataba akutikya, "Mushe matanityeya atikya?" ⁴ Balyikutikya, "Mushe matatishira munyana atikya matukwana kuñwera mukazi lyuñoro lyukumuraki. ⁵ "Shilyibaka lyimitima enu wukukutu nanga a matanuñwera murawo iwangahapa," Jeso akutiya kokuwo. ⁶ Nanga ndipakyo kwintanzi ulyuvu, 'Urezja matapanga munyana indu mukazi.' ⁷ 'Shilyibaka lyopa munyana matuswanera kusiya bashe indi banyina akumalyere mukazake, ⁸ Muwubiri wawo babe i nchuto shixiki.' Mi sheri kababiri, cheri inyama ixiki. ⁹ Urezja shama shanganisa paxiki, kunjemwa i matuswanera kushikawuhana papakati." ¹⁰ Pubarana mwinjuwo, barutuwa balikuya kumumbuza hape. ¹¹ Akubarataba, "Akutikya imatishita mukazake ndu karoura urwezi mutirasi wushashi. ¹² Ati mukazi matishita bake, indi karouruwa kurwezi matirasi wushashi." ¹³ Balyikulyeta bapundi kokukye atikya abapatye, barutuwa bakye balyi kulyikakanisa. ¹⁴ Jeso pukalyikumwana akyopa akuranxa kalyi kutikya, nibasiye baye kumye, "Shukutikya muwuso wulyiro watufwana tandi wawo. ¹⁵ Shiniti ndatitikya, kwekye yahatitishira kumuwuso wulyiro tandi mupundi yo mudana kamuni shamwene lyiro." ¹⁶ Kalyi kuyisa bapudi akubabika mumanja akye kalyi kubafuyaura manja akye kangana pulyiro lyawo. ¹⁷ Jeso pukarana mwinjira,umutu uyumwe akamutira akuya kuwa shamadzi, akutikya, "Muruti yomuqha shikya shiditeri kurasi akya ndi shangane wuparo iwahatimana?" ¹⁸ Jeso akutikya, "Shikya pumatindibera atikya yo muqha? Kunjemwa yo muqha, kwanda Urezja yeke. ¹⁹ Uyizire mirawo: 'Usiye kumbura, nisiye wushashi, siya uwuzi, siya kupaka izimbuzi, siya kushinyeza umutu, kutyeka basho indi banyoko'." ²⁰ Akurataba akutikya, "Muruti, kozo zopa ndazimamera shinako koyo kudzwa madana anga." ²¹ Jeso a kumulyaya akushaka akutikya, "I chuto shixiki shumatuswanera kurasi ushukye ukawulyise zusitye kozo ukazipe babahungwe,mi mbutsuwe shufumu shilyiro ukuya undiraqhama." ²² Shilyibaka lyintaba yopa akulyuyuvwa ahuru wubbi matayenda mubbiraera shukutikya karana zutsuwa zizinji. ²³ Jeso akulyaya akutikya kubarutuwa bake, "Kuzuwo nabbi atikya babafumu banjene mu mu muwuso urezja!" ²⁴ Mi barutuwa bake bakubbemuka shintaba yopa. Jeso akutikya, "Kokuwo nabana banga kuzuwo ahuru tota akya ibatsuwa izutu zizinji banjene mulyiro. ²⁵ Sheshitere kutikya uhashi anjene mwilyusho lyindwanga, qha kutikya ya tsuwa anjene mu muwuso a Shikati." ²⁶ Balyi kubbemuka ahuru, "Balyikuhwetizana bakutikya bashaba palyuswa imbani?" ²⁷ Jeso akubalyaya akutikya, "Kwa bato kwatishiturwa kono ko ku Shikati kunjemwa, i shatipara. Shukutikya koku Shikati izuto kozo zatukwanahara." ²⁸ Pitrosi akutikya, "Kamwana yetswe tatasiya izuto kozo tatakuraqhama." ²⁹ Jeso akutikya, ''Shiniti ndatitikya,kunjemwa imasiyi injuwo ake, hali mukurake,hali bashe, hali banyina hali abana bake, hali zumbwa zake,shilyibaka lyanga,indi lyiii lya shikati. ³⁰ .Izuto zizinji zinji kunjemwa tindi shixiki shibasiyi mulyuvu: mayuwo, bakurubawo, bazatubawo, abana baba kwowo, banyina bawo, zumbwa zawo, mimu mayiba ingatiya muwuparo iwahatimana. ³¹ Babenji kubakuwuso,shababe imba mulyuqho,.Ibana mulyuqho shababe kuwuso. ³² Barana moninjira, balyukwenda ko Jerusarema, Jeso kalyukwenda kuwuso wawo. Barutuwa batabbemuka, mi ibatamuraqhama balyukuywapa. Jeso kalyikuyisa lyushumi inda bato babiri hape kalyikubazira shikya shibayera. ³³ "Numwene, Tatikotuka. Kwenda ko Jerusarema, Mwana Mutu shibamubapye mumanja mapurisita indi bañoli, ba muyatwire rufu, bamutwere mumanja aba Mulyuvu. ³⁴ Bamuranxa, bamutsere matswe, bamurakyamu shizichipa bamumbure; mi mumayiba atatu shatambuke." ³⁵ Jakowo indi Jwahani abana ba Zebediya, balyikashera kokukye bakutikya,; Muruti, mbutishake putakukutyeya shitati shaka kokuwe. ³⁶ Akutikya kokuwo, shikya natishaka atikya ndinirasamina?'' ³⁷ Barukurata bakutikya;Utishire atikya pukusikama pushupuna ishatumwenika,yuyumwe asikame kumakhamu aye, yuyumwe kumamosho aye.'' ³⁸ Yeye Jeso akutikya kuwo, "Kaniyizire shinatiringira. Kana natukwana kunwena mushunweno shindatunwena halyi kukorobezwa shikorobezo yinda tukorobezwa shayo?'' ³⁹ Bakutikya, "Tatukwana.'' Jeso akutikya kokuwo, "Mbununwene mushunweno shinda kunwena. Nukorobezwe shikorobezo yinda kukorobezwa shayo. ⁴⁰ Nanga ndipakyo kuzukusikama kulyishikhamu,kapa kwimosho,kamye ndatinipa izabapana ibatlyitukiseza." ⁴¹ Iba lyushumi idni babiri pubalyukuyuvwa akyopa bakumenjira Jakowo indi Jwahani. ⁴² Jeso akubabera, akutikya, niyizire atikya ibatilyaya indi mashikati Ulyuvu batyendisa babakuru, shiqhumu awo. ⁴³ Nanga ndipakyo kokumye kangahapa. Imatishaka kubayomukuru, abe shukombwa. ⁴⁴ Imatishaka kubaya kuwuso, abe muvuya enu kwenu. ⁴⁵ Shukutikya Mwana Mutu,matayera kutikya a seberezwe nanga ndipakyo kutikya a sebereze abato, abape wuparo wake, apalyise abato babenji." ⁴⁶ Balyikuya mo Jeriko. Kudzwa mo indi barutuwa bakye, mi uwunji wa bato, kwarana ikalyi kuringira akya mupofo, imatuberuwa Bartimeya, mwana Timeya ikarasise kurupati rwinjira. ⁴⁷ Pukalyi kuyuvwa atikya i Jeso uywa ko nazareta, akukalyisa kushupura akutikya, "Jeso, yewe Mwana Dafita, unduyuvure kumasiza!" ⁴⁸ Babamwe bakukalyisa kumutyeya atikya atupo, nanga ndipakyo yeye akushupura ahuru, akutikya yewe, "Mwana Dafita, nduyuvura kumasiza!" ⁴⁹ Jeso akuyima,akutikya, numubere, bakumubera yopa yomupofo bakutikya, "lyigisa! Yima! Matukubera." ⁵⁰ Akuraki inguwo akye, akuyima shamakondo akye, akwenda koku Jeso. ⁵¹ Jeso akumumbuza atikya, "Matishaka atikya ndukukyare?" Yo mupofo akutikya, "Rabbi, ndatiringira kumwana." ⁵² Jeso akutikya, "Ukwenda, kutishira kwe kwakupwelyisa." Papa ngaho a kupuwa kumwana, akuraqhama Jeso mwinjira.