¹ Akubatyeya akya, "injahamu yindatinisumushira mopani kuna ikya kabamuni kumwana rufu nshebayekumwana lyiiro lyurezja indi qhumu akyee." ² Bamana lyanja indi kaxiki, Jeso akuyisa Pitorosi, Jakowo indi Johani kwenda nawo pwinkakumuko wekye ngaha. Akuyarumuka puwuso wawo. ³ Shidzato shakye zakumwenika, zakuntuntuba nanyina, kuqhu yamantu kwana kuywesa pani pyenshi yamatilyeta intuba yangahapa. ⁴ Eliya indi Mozesi bakuba kuwo, balikuhweta ni Jeso. ⁵ Pitorosi akwitaba akutikya ku Jeso, "'Rabbi, wuqha kokutswe nkunkwa umwana kopani, tiradxini midzire mitatu wa Mushe, Eliya.'' ⁶ [yeye kankarayizire shukwisi, shakyopa bataradzuwu]. ⁷ Lyudzudzo lyakuya kubacheka. Lyiyii lyalyukudzwa mulyudzudzo, ''Yopa ndumwananga yomurumbwana yamatishakuwa. Rakyekye. Kokumye. ⁸ Inako, yibalikulyalya kwo indi kwo, kunjemwa yibatamwana tana Jeso. ⁹ Pubalyukutsurumuka pwinkambamo, akubarayera atikya basekuzira ntindi muxiki shibamonu, nakana Mwana Muntu pushakutambuka kubafu. ¹⁰ Balyukulyibishirazo babyenye, balyukuhwetizana kutambuka kubafu ndishikya. ¹¹ Balyukumuwuza akya shikya bañoli batikya Eliya ndamati intadzi?" ¹² Akubarataba,akya injahamu, "Eliya ndamatiya intadzi kakuli inje ndamatisi izuto kwozo. Shikya pukuli kuñwara atikya Mwana Mutu matuswanera kuyubuswa wutuku ahuru indukushwawurwa? ¹³ Yeme ndatinizira akya Eliya mataya, batamwisi mubalyukushashira komo, tandishukwata ñoruwa shayeye." ¹⁴ Pubalyu kashuka kubarutuwa,balyukumwana bazunguruzwa kwilinji lyabato, bañoli balyu kulyikakanisa. ¹⁵ Pubalyukumumwa, ilyinji lyabato kolyo lyakubbemuka balyikumutira kamwiwaya. ¹⁶ Akuwuza barutuwa, "Shikya niseni kulyikakanisa?" ¹⁷ Umutu yakwi lyinji akwitaba, atikya, "Muruti, ndakulyetiza umwana yamanjenwa mupupo wumuntu yahatuhweta. ¹⁸ Kuwutumutwara ndukumuwusiza pyeshi. Tana kulyeta lyugwe kumuromo akye, akushanganisa amyeno akye indikukutira. Ndaringiri barutuwa akya bahyidyekye mupupo wopa; Nanga ndipakyo imabakwene.'" ¹⁹ Akubarataba, atikya, "Izja iyahatuyubwa dyekye ndiyise inako yidyare? Inako idyare yinda kuyinda kurumara nanwe? Nindilyetize yee." ²⁰ Balyukulyeta murumbwana kokukye. Pukalyukuya kumumwana Jeso, murumbwana akuwa pyeshi, akutundana katudzwa ungwe mushuporo . ²¹ Jeso akumbuza bashe, "Indini shatamukalyisa?'' She akwitaba akya. "Shudzwa madana akye. ²² Mupupo walyukumwikyamina mumuduro hali mwamyi akya zumubbure. Atimatukwana kutiyubura kumasiza ututuse." ²³ Jeso akutikya kokukye, '''Atimatukwana'? Izuto zoko zatukwanahara kuyamatitishira." ²⁴ Papangaho bashe mupundi bakushupura akya, "Andatitishira!" Ndutusa mukutishira kwanga!'' ²⁵ Jeso pukalyukumwana abato kowo batyenda wutiya, akukalyimyera mupupo omubbi, ndatirayera akya dzwa kukye, ushekunjena kukye nagweza." ²⁶ Mupupo wakudzwa shukushupura shilyiyii lyelyigi. Murumbwana akulyayishika nokoti umutu yamafu, wunji wabato balyukutikya, "Mafu.'' ²⁷ Jeso akumupata kulyanja ndukumuyimisa. ²⁸ Jeso pukalyikunjena mwinjuwo,barutuwa bakye balyukumuwuza kurupati, "Shkya putahiti kungusa' lyudyumona lyopa?" ²⁹ A kubarataba akya, "Lyatudzwa shukurapera." ³⁰ Pubalyukudzwapo,balikakiti mo Galilea. Kakaratsinye akya umuntu ayibye. ³¹ Shukutikya kalyukurata barutuwa baky. Akutikya kuwo, "Mwana Mutu shapyewe munanja abato, bamubbure; pyishakubburuwa kwakukita mayiba atatu, akutambuka hapye." ³² Wowo kalyi balyukutishira lyiyii lyopa, balyukuywapa kumbunza. ³³ Balyikuya mo Kapernauma, pukarana mwinjuwo, akubambunza, akya, "Zikya nakuyakuhweta moninjira?'' ³⁴ Balyukuti qhamwi kowo, shilyibaka lyukutikya moninjira balyukulyikakanisa zayomukuru iyani kokuwo. ³⁵ Akusakama, akubyera lyushumi indi ntubiri, akutikya kuwo, "Kwekye yamatishaka puwuso, ibye akya inje ywama myenisizi kubabamwe kawoindi shukombwa shabato kowo." ³⁶ Akuyisa mupundi yo muxeninye kumubika pakati lyawo. Akumubika mumanja akye, katitikya kokuwo, ³⁷ "Yamatambura mupundi yo muxeninye tandi yopani, lina lyanga, manditambura; yamundinchinjire. Paqha kutikya lina lyanga amatambura, yamandutumu nduyumanchinjiri kukye." ³⁸ Jwahani akutikya kukukye, "Muruti, tamonu umuntu yamatihyidyeka mipupo yemibbi shilyina lywe; tamunchikisa shukutikya amakunchera indutswe." ³⁹ Jeso akubatyeya akya, "Nisekulyika kubanchikisa, shukutikya kunjemwa yisharasi zipono shilyina lyanga, ishandibetyeka. ⁴⁰ Yahatuturwenisa, mandiyimina. ⁴¹ Kwekye yishanipa shunweso shamyi shilyina lyanga, shukutikya Kresite, injahmu kamunishasinyehyerwe wuparo wakye. ⁴² Kwekye ishalyetisa akya muxiki kokuwo babadaana bashekushangana ipuruso kokumye, wuqha akya umuntu ywangahapa alyishiminye lyuwe monu mulyuwu akye araqwaminwa mumurwanga. ⁴³ Lyanja lywe lyushukutwara muzisi zezibbi, wuqha kulyutsurako, Wuqha kunjena mulyiro indi lyanja lyixiki paqha abyiri, ndukwenda muwuparo, indukumuduro iwahatizima. ^{44 45} Lyukondo lywe lyukushutwara muzisize zibbi, wuqha kulyutsurako. Indikanjena wuparo ushuhwere, indu kukurakyamina mumunduro. ^{46 47} Ilyisho lywe lyukutwara mushibe, ulyuguseko, wuqha kumwana munso wulyiro shilyinsho lyixiki kwahanjena namesho abyirii mumunduro, ⁴⁸ Imwahatufwa lyubunywu indukuzima munduro. ⁴⁹ kwekye yasha bikuwa isawutu, shumunduro. ⁵⁰ Isawutu inchuto ishatulywapa hape imashakutopuka, Ingahare yakuba isawutu hapye? Nibye nisawutu mokunwe; umuntu kwekye apalyusuwe shikozo."