¹ Aku amba kwabo, '' Ke niti ndimi sukurwira ye, kubena bamwi kwenu abo bazyimene hanu abo kali neba bone orufu mbita neba bone o mubuso wa Nyambe u kezya ne maanta." ² Mazyuba e anja lyonke ni lyonke achilila, Jesu aku hinda Pitorosi ne Jakobo ne Joani ne kuyenda kwe rundu ere, bonke.Cware a ku zoka habuso bwabo. ³ Ezi zwato zakwe niza tuba hawa, oku hitiliza, kutuba hawa, kutuba kuhita zonshe hanshi ezo ziwola kutubisa. ⁴ Mi Eliya ne Mushe ne ba bonahara ha buso bwabo, kaba wamba ne Jesu. ⁵ Pitorosi a ku taba Jesu ye, Muruti, mburoti okezya kuba kunu hanu, mundoko tuzyake mazyuwo o tatwe, yako, ya Mushe, niya Eliya." ⁶ (Mi kali kazyi choku amba kame kaba tiite.) ⁷ Ezyova lyo kyeza kuva umba. Ezywi lyoku shuwahara oku zhwa mwi zyoba, "Ozyo ndimwanangu ndishaka chaha. Mumu shuwe.'' ⁸ Haho bulyo, aho sheva tonda tonda, kwaazya ozyo neva bona, mbita ndi Jesu bulyo. ⁹ Aha kava kyeza okuzwa kwi rundu, aku bashwimwina ye basha suimwini vatu ezyo bana boni, mbita Mwana o Mutu shaka na buke kwifu. ¹⁰ Boku zili bikira, kono bo kuzyi ambauramu kati kabo ye '' oku buka kwa bafu'' chinji kutoroka. ¹¹ Boku mubuza ye, '' Chinji abañoli aho bata ye Eliya a swanera okyeza tango?" ¹² A ku bata ye, '' Eliya a swanera ku kyeza tango kyeza ku bika nenja zintu zyoshe. Nga chinji aho ku ñorete ye Mwana omuntu a swanera ku nyanda zintu zingi hawa noku zimbiwa? ¹³ Mi ndi misuimwina ye Eliya na kyeza, mi niva tenda zyoshe ezyi kaba shaka kwakwe, shina eñoro aho amba zakwe." ¹⁴ Aha sheba boora ku ba zyiizwa, boku bona chinalyanga ciba zimburukite na bañoli abo kaba kanana nabo. ¹⁵ Mi aha sheba mu bona, enyangela yonshe boku komoka noku mu butukira boka mumelisa. ¹⁶ Jesu akubuza bazyiizwa bakwe, "'Zinji mukwesi mukakana kazo?" ¹⁷ Zyumwinya mwi dxhandiya aku taba ye, ''Muzyiizi, ndaka reti mwanangu kwako. A kwesi Omuzya mubbi ukere kwakwe ka umuambisi, ¹⁸ Omoya mubbi okumu kwata nokumu shohera hashi, aku zwa furo mukanwa no kukwenga meno, no ku pwerera. Nda kumbili bazyiiswa bako ye ba chizwise, kono neba kangwa." ¹⁹ Aku bata kute, '' Enwe be sika kali zumini, njinako ikuma kwi eyo kandi kare nenwe? Njinako ikuma kwi shaka ndi zuminize o mukwa wenu? Mu murete kwangu''. ²⁰ Boku mureta kwakwe. E dimona ho libona Jesu, lyo ku mushoha noku musiya aazya manta. O mwanche aku wira hanshi ne furo ku mulomo. ²¹ Jesu aku buza beshi ye, ''njinako ikuma kwi nahinda nafwana bulyena?'' Beshi bokuta ye ''kuzwa ha budana bwakwe. ²² Chimu shoheranga mu mulilo nomu menji noku lika kumu shinya. Haiba kwinecho wora kupanga ho, tufwire nshe tu tuse.'' ²³ Jesu aku muta ye, ''Heba owola? Ezintu zonshe zi pangahala heba mu zumina.'' ²⁴ Haho bulyo be shi wo mwanche boku takuma kute ye, ''Ndizumina! Ndituse kusa zumina kwangu!'' ²⁵ Jesu aho abona e dxhandiya lyabantu lika butukire kwabo, aku tanda ruho rwazya kuchenete nokuta ye, ''Oku sha shuwa nokusha wamba ndimi laela kute muzwe mu mubili wakwe, mi nemu siye kaboola mo hape." ²⁶ A ku huwa nuku renduka mubili endimona lyo ku zwa mo. O mwanche ka bwene here ku fwa, bantu boshe boku wamba kute, "a fwite." ²⁷ Jesu aku kwata ku anja neku muzyimika muwiru, mi aku zyimana. ²⁸ Cware Jesu akyeza ku njuo, bazyizwa boku mubuza kumbari,chinji nswe aha katu zwisi zowu mushobo , ²⁹ akubata ye kwabo e,zi zowo mushobo kazizwi kwanda tapero, ³⁰ Haba zwaho boku yenda munjira ya Galileya, kali kashaka kute ye kube nozyo azyibe oko bakere,kakuli ³¹ karuta bazyiizwa bakwe, Akute kwabo ye, "Mwana o Muntu nara tambakiwa muma aa nja o mutu neku muyaya, Aho neba muyaye, nara kara mazyuva o tatwe aku buka hape." ³² Kali kaba shwisisa ezyi kaba wamba mutaba yi, neba tiya ku mubuza. ³³ Aha kezya kwa Kapenauma. Nakere munjuo nabo akubabuza, "Chinji kamukwesi muamba munjira? ³⁴ Kono abo bo ku tontora. Kakuli kabaya buamba mukati kabo ye mukuru hawa ndini. ³⁵ Akukara anshi nokubakuwa bekumi nibo bire , akuta ye aiba, "Muntu ashaka kuba we ntanzi, aswanezi kuba kurushara hape abe mutendi". ³⁶ Na hinda o mwanche mukati kabo,na muhindira mumaboko akwe ³⁷ ,aku amba kwabo ye,yenshe ozyo tambura mwance mu zyina lyangu a ndi tambura heba a zyumina a nditambura kanditamburi ndeke a tambura neye naka ndituma, ³⁸ Johani na amba kwabo, Murutu, twaboni muntu ozyo a zwisa madimona mu zina lyako,nitwa mu zyimika kakuri katu chiriri ³⁹ ,neye Jesu na amba,kute ye mwansha muzyimiki kakuri ku azya ozyo okona kupanga mutendo o munene chaha muzyina lyangu,kawoli ku amba zimango mwi zina lyangu, ⁴⁰ Yenshe ozyo katurwisi ⁴¹ ngwetu,yenshe ozyo a miha enkomoki ya menji o ku nywa,kakuri oli wa Keresite, chaha ndi amba ye,kari na nzyawe mupuzo wa kwe. ⁴² Yensho zyo na wise zyumwinya kwaba banche ba zumina kwangu, a botere ku shuminwa e chintu chi rema munsingo noku mushohera mwi wate. ⁴³ Haiba a maanja ako aku wisa, a koshore ko. Mburotu ku kabira mu buharo bwe cihore kuhita kuya muhere lyo muriro na ma anja obire, Oku hito kute ye naye mu muliro kawu zimi, ⁴⁴ oko kakufwi mashene no mulilo ka umani. ⁴⁵ Okutiye etende lyako likuretera ecibi, oli koshoreko. Mburotu ku kabira mubuharo no buyanga kuhita ye oshoherwe mu mulilo. ⁴⁶ Oko kutiye eshene kalifwi ne muriro kawu zyimisiwa. ⁴⁷ Okutiye lyinsho lyako likuretera chibi, oli nxombore mo. Mburotu kukabira mu mubuso wa Nyambe ne linsho lyoke kari ne mensho o bire no kushohera muhere, ⁴⁸ oko kutiye ne shene kari lifwi, ne muriro kawu zimi. ⁴⁹ Kakuli bonshe nebana rungwa no muliro. ⁵⁰ E zwai ndirotu, cware haiba shelya mani burotu, mbuti nshoko libike burotu hape? Mube ne zwai mukati kenu lileta e nkozo ku bantu bonshe.''