¹ Bafalisi ni bamwi bañoli a ba ka ba ka zwila mwa Jerusalema bo ku shanganina ha buso bwa kwe. ² Ni ba bona ye ba zyiizwa bamwi bakwe ka balya e zilyo ne manja a masila, o ku sha cena. ³ (Kakuli ba Falisi ni ma Juda ku nje yo ku shamba ku manja kakuli ka bena mu cizo ca bakulu. ⁴ Aba Falisi aha kaba zwa ku misika, kali ka ba lya kunje yo ku shamba ha mubili. Kame ka bena e milao e mingi eyi ka ba cilila, ku hindilila no ku sanziwa kwe komoki, empoto ni hankanza aha kaba lila ezilyo.) ⁵ BaFalisi ni bañoli ne ba buza Jesu, ''Cinji a ba zyiizwa bako aha ka bayendi ko kuya ke cizo ca bakulu, kakuli balya e zilyo ne ba shini ku shamba ku manja?'' ⁶ Kono na amba kwabo, ''Isaya na polofita nenja za kanyanso kenu. Aha na ñola, 'A ba bantu ba ndi kutika bulyo ha milomo kono mezyo ya bo ina kule neme. ⁷ Ba ndi ha e milumbeko ya bulyo, no kuzyiisa e milao ya bantu bulyo.' ⁸ Ne mwa siya mulao wa Nyambe noku kwatilila o mulao we cizo ca bantu.'' ⁹ Mi na aamba kwabo, ''Enwe muzyi ku kana o mulao wa Nyambe no ku cilila e cizo cenu! ¹⁰ Kakuli Moses na amba ye, 'Mu kutike beshwenu ni banyinenu,' hape, 'Ozyu na ambe bubi ku banyina ne beshi na na fwa.' ¹¹ Kono mu amba ye, 'Haiba o muntu a amba ku beshi kapa banyina, "Conshe eci mwa tambuli kwangu nji Kobbani,"' (ko ku tiye, 'Ci hetwe kwa Nyambe')_ ¹² ka bulyaho kali na zuminizwe ku tendela hangani cintu kweshi kapa kwa banyina. ¹³ Mu manisa e milao ya Nyambe ke baka lye milao ye cizo cenu ni mwa reta. Ne zingi ezi mutenda. ¹⁴ Na kuwa e cinalyanga no kezya ku amba kwa co, "Mu teeze kwangu, mweshee mu shuwe. ¹⁵ Kwa azya eci cina kunje yo muntu eci ci wora ku mubisa haiba ci kabila kwakwe. Chibisa muntu checina ci zwa kwakwe. ¹⁶ Yenshe zyo akwesi matwi oku shuwa, mu mureke ashuwe." ¹⁷ Jesu a ku siya cinalyanga no ka kabila munjuo, a bazyiizwa bakwe bo ku mu buza ze nguli. ¹⁸ Jesu a ku amba ye, "Kanti nenwe kamushuwisisi? Mwa zya kuzyii ye conshe ici ci kabila ku muntu na ci zwila o kunje kaci mubisi, ¹⁹ kakuli ka ci huli ku mozyo wakwe, kono ci ya mubumo no ka shohelwa ku nje?" Ka bulyaho Jesu a cenesa e zilyo zonshe. ²⁰ Na amba ye, ''China cizwa ku muntu checho ci mubisa. ²¹ Kakuli kuzwa mukati ko muntu, mu mozyo wakwe, mo mo ka tangisiza e miashalo e mibii, yo bushayi, busa, buyazi, ²² bushayi bwa bantu basheshete, kushilila, bubbi hawa, buhomi, noku shaka hawa za bamwi, bubi muna, buhata, mane no kuli hanjika ni zo busilu. ²³ Zizi zoshe zi zwa mukati ko muntu, zezo zi reta o bubbi ku muntu." ²⁴ Na yenda ku zwa ho no kuya ku chishi cha Tire ne Sidoni. Na kezya munjuo mi kali kashaka o muntu ku zyiiba o ku kena, kali ka botelwe ku zikwa. ²⁵ Kono haho bulyo, o mukentu ozyu kena o mwana ozyu kena matuku a bazimu, na mushuwa, za kwe, a kezya ku tongama ha maulu akwe. ²⁶ Kali mukentu o mu Gerike, wa kwa Siro- Fenisiya. Na mu kumbila kutanda o ruho rubi kwa mwane o mukazana. ²⁷ Na amba kwa kwe,''Muhe o mwance ezilyo tango, kakuli kali nji swanelo ku hinda e zilyo za bance no shohela abambwa,'' ²⁸ Na mu taba no ku amba ye,''Ndi hawa Nfumu nanga mba mbwa ba lyanga a makolola mushi ye tafule ya bance.'' ²⁹ Kakuli no ambi cico, "o shimunukite ku yenda, o moya o mubbi wa zwi kwa mwano," ³⁰ a ha bola kunjuo yakwe no ka wana mwane a rere mi o ruho rubi shi lwa zwi kwakwe. ³¹ Na yenda hape mu chishi cha Tire, na hita ke chishi cha Sidoni ya ku Wate lya Galiree no ku hura mu chishi cha Decapolisi. ³² Bo ka muretera o muntu we muru mi kena o bukababu mu ku ambaa, bo ku kumbila Jesu ye a mu bike a manja. ³³ Na muhindila ku mbali ku mu zwisa ku cinalyanga, no bika e minwe yakwe mu matwi a kwe a kusuha amate akwe no ku kwata ha mensho paho ka kwata o lulimi lwakwe. ³⁴ A ku tondelela ku wiru no ku amba kwa kwe a,'' Efiphata'' eyi ka itaye ku alula!'' ³⁵ Haho bulyo a ku tangisa oku shuwa mi eci kachikakatize o lulimi lwa kwe ni chizwa mi a ku tangisa ku amba nenja. ³⁶ Na ba kanisa o ku sumwina o muntu, omo kaba kanisiza o kuamba kabazwila habuso okuamba. ³⁷ Bo ku komoka hawa, No ku amba,'' Na tendi zintu zoshe burotu. Awola oku tenda o muntu ka ambi oku amba nezi purupuru o ku shuwa no ku amba,''