¹ Mi okuzwa ko, nokukezya kukavira mumunzi wakwe, mi ava zyiizwa vakwe voku muhumpa. ² Ahaliñatura ezyuva lye Nsavata, aku zyiza mu masinagoge. Avantu vangi nevamushuwa mi kava komoketwe. Vokuta ye, "Oku nawana ezi ezyii kokwi?" "Ovu vutali nahewa, vutali munji?" "Ndi makazo munji ezi atenda nama yanja akwe?" ³ "Ozyu, kalindeye mubezyi, mwana wa Maria, nchiye wa Jakovo ne Josesi, ne Judasi ne Simoni? Va nchiye vavakentu kali ye mukati ketu vena?" Mikava vengese Jeso. ⁴ Kame Jeso akuamba kwavo ye, "Omu azya ekute muporofita, mu munzi wakwe, ne hakati kavayenze, no mwinjuwo yakwe." ⁵ Kali kawora kutenda misevezi minene mbita kubika mayanja akwe havakuli nokuba hoza. ⁶ Na komokiswa kokusa zumina kwavo. Mi akuyenda-yenda muminzi na kutaza. ⁷ Cware akukuwa ava zyiizwa boli 12 nokuva tumina kunje, bo bile bobile, mi akubaha amanta hewiru lyo ruho rubbi, ⁸ mi akuvaha entaero ye bashahindi chintu chomunjira, mbita enkoli bulyo: kwazya kuhinda enkoko, kwazya chipaupau, kwazya nanga kubika shereñi mumi nsunga yabo, ⁹ kono bazwate nshangu, kame bashazwati ziha zomukati zobire. ¹⁰ Mi akuwamba kwabo ye, "Hamushikabira munjuwo, mukare mumo mbita shaka nemuzwe mwecho chibaka. ¹¹ Mi heba owo munzi kaumi tambuli kapa kumishuwa, shaka nemuzwe mwecho chibaka, muli kunkumune edudusa kumatende enu ko bupaki kwabo." ¹² Bokuzwa kunje neba amba ye bantu bazwe kuzibbi zabo. ¹³ Niba tanda madimona mangi, no kusinga bakuli bangi ne oli nokuba hoza. ¹⁴ Nfumu Heroda okuzishuwa, kakuli ezina lya Jeso si kali zyibahere chaha. Bamwi kabata ye, "Johani Mukorobezi nabusiwa kubafu, kebaka elyo,ezi makazo za manta aseveze kwakwe." ¹⁵ Bamwi kwabo kabata ye, "Ndi Eliya", Kame bamwi kabata ye "Muporofita, mbwe zyumwi wa maporofita benako yakare." ¹⁶ Kono aho Heroda ashuwa bulyaho akuta ye, "Johani ozyo ninda koshora omutwi shana buki." ¹⁷ Kakuli ndeye Heroda ozyo natuma ye Johani ashuminiwe no kumubika mwintorongo kebaka lya Herodiyasi (mukentu wa mwancu wakwe, ozyo kakuyiwa Filipi), kakuli sika musheshete . ¹⁸ Kakuli Johani nasumwina Heroda ye, "Kwazya kuzumininwe kuta ye osheshe mukentu wa mwanchu wako." ¹⁹ Kono Herodiyasi kabengere Johani keyo ntaba, mi kashaka kumuyaya kono kali kawora, ²⁰ kakuli Heroda katiya Johani; kazyi ye kali mukwame achenete mi karukite, mi kumubika nenja.Kuteeza kwakwe nikwa mubengisa chaha aha ashuwa bulyaho, kono namuteeza ke ntabo. ²¹ Kame enako ye nkupuzo ko kuretwa kwa Heroda yokukezya, mi bokurukisa zilyo za batompehi naba yendesi, naba ba raeli, mane naba yendesi ba Galileya. ²² Mwana wa Herodiyasi womukentu, ndeye nakezya kubazanina, mani Heroda neba bara bakwe niba botererwa. O nfumu akuamba kumu kazana, "O ndikumbire chonshe echo oshaka, mbondi chiku tendere." ²³ A kukonka nokumuta ye, "Choshe echo oshaka ondikumbire, mbondikuhe, nanga orubazu ro mubuso wangu." ²⁴ A kuzwa kunje nokuka buza banyina "Chintu munji shaka ndikumbire kwakwe?" Akuta ye, "Mutwi wa Johani Mukorobezi." ²⁵ Haho bulyo akuhwera kukabira, noku kezya ku nfumu nokumukumbira, nata ye, "Ndishaka ye ondihe hahanu bulyo, ha kasuba, omutwi wa Johani Mukorobezi." ²⁶ Na kubaziwa hawa nfumu keyo nkupo, kono kali kawora kukana enkupo yakwe kebaka lyokuta ye, kakonkete kare mi ni kebaka lyababara bakwe. ²⁷ Cware onfumu akutumina muganteli ye akamuretere omutwi wa Johani. Omuganteli akuyenda mwintorongo nokuka mukoshora o mutwi. ²⁸ Akureta o mutwi wakwe hakasuba noku tambika mukazana, neye ozyo mukazana akui tambika banyina. ²⁹ Aha bashuwa bulyaho abazyiizwa bakwe, boku kezya kuhinda mubili wakwe noku uralika mwibita. ³⁰ Cware ma apositora aho kabakere muchighughi ne Jeso, boku musumwina zitendantu zonshe ezi neba tenda noku zyiya. ³¹ Kame akuwamba kwabo, "Mukezye mwenke kuchibaka echo chaazya bantu muka shwene." Kakuli bungi bwabo kaba kezya nokubora kono kali kabena enako yoku lya. ³² Cware bokuyenda mubwato bonke kucibaka chaazya bantu. ³³ Kono nibababona bantu mane nokuba zyiba, mi boku butukira ko namatende kuzwa muminzi yonshe, mani bokukahura ko nibashini kuhurako beni. ³⁴ Aha bekezya kuhura hama fwikiro, akubona dxhandiya nene, mi okubafwira enkumbu kakuli kabafwana mbwe mberere zaazya mulisani. Kame okutatika kubazyiya zintu zingi. ³⁵ Enako ya mantengu, aba zyiizwa bakwe bokukezya kwakwe nokuta ye, "Kunu kuntu nkure, kame sheku siha. ³⁶ Batume kuti ye bayende muchishi chikere hafwihi, nomu minzi bakali wulyire chokulya." ³⁷ Kono akutaba noku bata ye, "Mubahe enwe chokulya." Boku muta ye, "Cware tuyende tukawure enkoko itenda 200 denarii, noku yibaha balye?" ³⁸ Akuamba kwabo ye, "yoti enkoko mukwesi? muyende mukabone." Aho bawana enkarabo, bokuta ye "Enkoko yoli 5 nenswi zobire." ³⁹ Akuraera bantu bonshe ye bakare mutughughi hesozu ndotu. ⁴⁰ Boku kara mutughughi; ghughi katwina bantu bo kabahura mianda , tumwi katuhura mwichika lyo mwanda. ⁴¹ Akuhinda enkoko yoli 5 notuswi tobire, okutonderera kuwiru noku fuyaura enkoko nokuyichora, nokui tambika bazyiizwa ye batahwire bantu. Mi akubayabera enswi zobire bonshe. ⁴² Nebalya bonshe mane mbita kukuta. ⁴³ Boku hinda marambirambi enkoko niya siyalira, bokuzyuza ezitutundu zoli 12 mane notuyemba twe nswi. ⁴⁴ Mi abakwame abo nebalya enkoko kabahura mwa 5000. ⁴⁵ Haho bulyo akurongesa bazyiizwa bakwe mubwato ye bayende kubuso bwakwe kuyenda kwa Betisayida, eye natuma dxhandiya kuta ye babore kwabo. ⁴⁶ Aha shibaneti, akuyenda hewiru lye rundu kukarapera. ⁴⁷ Kenako ya mantengu, mi bwato shikabuyendera hakati ke wate, eye nashikere yenke hebu. ⁴⁸ Mi akubona ye kabena mubukababu hawa aho kaba zuwa bwato kebaka lyo ruho runene orukaba kokana noro. Kenako yo bune masiku, akukezya kwabo, naya buyenda hewate, kame kashaka kuba hitilira. ⁴⁹ Kono ahabakezya kumubona nayenda he wate, kabahupwire ye chirumba, boku tatika kujangaza, ⁵⁰ kakuli nebamubona mi kabatiyite chaha. Kame haho bulyo akuamba kwabo, nokuta ye, "Mugore! Ndime! Mwasha tiyi!" ⁵¹ Akukabira mubwato omokabena, mi noruho rokutontoza. Neba komokwa chaha. ⁵² Kakuli kali neba shuwisisa entaruso ye yina enkoko. Kono, e myozyo yabo kayishi zyuminine. ⁵³ Aho ba yenda shilya, boku kezya kuzwira mwa Genesareta noku fweka bwato. ⁵⁴ Aho bazwa mubwato, haho mpaho nibamu remuhera. ⁵⁵ Mi boku butuka muchishi chonshe, nokuka muretera bantu abo kaba rwara hama shasha, konshe oku kaba shuwa ye koko kaya. ⁵⁶ Muminzi yonshe omo kakabira, kapa echishi, kapa mu chishi, niba bika bantu abo kaba rwara mu misika, nebamu kumbira kuta ye aba zuminine kukwata kumamanikizo echizyabaro chakwe. Mi bonshe aba niba mukwata niba hoziwa.