¹ Aho kaba kezya mwa Jerusalema, niba hita hembali ya Bethphage ne Betani, ha rundu lye zishamu za Olive, Jesu aku tuma bazyiizwa bakwe bobire. ² Noku bata ye, ''Muyende mwawina munzi tuli tonderere nowo. Mushi kabira bulyo, mbomu kawane e mbongolo ishini ku peresiwa. Muka ishumunune muirete kunu kwangu, ³ Ati nokwinozyo ka mibuze ye, 'Chinji chi mipangisa bulyaho?' muba tabe ye, ' O Nfumu akwesi musebezi wayo mi mwi nako nchenya mboi kaboore.''' ⁴ Bo kuyenda kwecho chibaka kaiwana e mbongolo ishumininwe he chiyazo ha nkanza, mi boku ishumununa. ⁵ Abo kaba tonderere boku babuza ye chinji chiba shumununisa embongolo, ⁶ Boku wamba bulyaho bana katewa ku Nfumu, boku ba rukurura. ⁷ A Bazyiizwa bobire bo kareta e mbongolo kwa Jesu no kuzyaraho zizyabaro zabo ye a perese ho. ⁸ E chinalyanga choku zyara zizwato zacho ne mitabi yo niba hotaura mumawa. ⁹ Abo kaba muyenda mumashara ni habuso kabaya bujangaza ye, ''Hosanna, Ku fuyaurwa ozyo akezya mwi zina lyo Nfumu. ¹⁰ Ku fuyaurwe o mubuso u beshwetu ba Davida ukezya! Hosanna mu bunene bwakwe!'' ¹¹ Cware Jesu aku kabira mwa Jerusalema nokuya mwi tempele no kutonda-tonda ha zintu zonshe. Aho sheku siha, aku boora kwa Betani na bazyiizwa be kumi ni bobire. ¹² Eli lizwa ko, bo kuboora kwa Betani, mi shi kafwire njara. ¹³ Aho atonda habuso akabwene cikuni ce feiga cina mabuna cikena kure, na kaya ko ye tema mbwa kawane ko ziyango, muku kahura ho akawana kute caazye ziyango mbita mabuna bulyo, kakuli kali kaili nako yazo. ¹⁴ Aku ci kuta ye, '' kali ne kuliwe ziyango kwako hape.'' A bazyiizwa bakwe kaba mushuwire. ¹⁵ Bo kezya mwa Jerusalema, mi a kukabira mwi tempele no kutanga kutanda abo kaba wulisa noku wuramo zintu. A kuwisa e ntafure zabo kaba chinca mashereni ne zipura zabo kaba wulise nkwilimba. ¹⁶ Kali ka zuminiza kuhinda zintu zo kawuliswa mwi tempele. ¹⁷ Aku baruta kute ye, ''kwaazya ku ñoretwe ye,'' Enjuo yangu yara kuiwa enjuo ye ntapelo ya machishi'? Kono muizorete chibaka cho busa.'' ¹⁸ A ba Pulisita bakuru na bañoli bo murao boku shuwezo naambi, mi boku shaka enjira yoku muyaya kayo. Kaba mutiite kokubona e chinalyanga omo kachi komokerwa e ntuto zakwe. ¹⁹ Mantengu ezyuba ne zyuba kaba siyanga o mureneñi. ²⁰ Aho bezya kuhita masikusiku, boku bona e chikuni che feiga chizyumite kuzwa kumisi yacho. ²¹ Pitorosi a kuazyara nokuta ye, '' Muruti, bone! E chikuni cha feiga china niwa kuta nicha zyuma.'' ²² Jesu aku bataba ye, '' Mube ne ntumelo kwa Nyambe. ²³ Ke niti ndimi sumwina kute yensho zyo nate e rundu ye ''Nanuke o lishohere mwi wate,' haiba ka zunzunyi mu mozyo wakwe noku zumina ye echo naambi mbochi pangahare, chicho nchecho ka tende Nyambe. ²⁴ Ka bulyaho ndimi sukurwira ye: Zonshe zo muraperera noku kumbira, muzumine ye mwa ziwani mi mbozibe zenu. ²⁵ Hamu shi zyimana noku rapera, mwina noku kwatira yenshozyo mu nyeererwa, nkokuti ye eshwenu ozywena ku wiru neye ami kwatire mafosisa enu. ²⁶ Kono haiba kamu kwatili, ne shwenu ozywena ku wiru kali na mi kwatire zibi zenu. ²⁷ Bo kezya mwa Jerusalema hape. Jesu aho kayendaura mwi tempele, aba pulisita bakuru, a baruti, na bakurwana bokezya kwakwe. ²⁸ Boku musukurwira ye; Ka manta nji awo pangezo zintu? hape ndini nakuha manta wo ku zitenda?. ²⁹ Jesu aku bata ye, '' Mbondi mibuze mpuzo yonke. Mundi sumwine neme mbondi misumwine ye ka manta ani ndi tendesa ezi zintu. ³⁰ E nkolobezo ya Joani, nkuwiru kaizwa kapa nkubantu? Mu nditabe.'' ³¹ Boku i kandeka mu chabo noku likananisa ye, haiba netu ta ye, ''Kuwiru izwa'' mbwate ye ''Aho kali katu zumina kwakwe nchinji?' ³² Kono shaka tuambe ye ''Kubantu.........'' Kaba tiite bantu, kakuli bonshe kaba shuwisisa ye Joani kali mupolofita. ³³ Bo ku taba Jesu ye ''Katuzyi''. Mi Jesu aku bata ye, ''Neme kali kandi misumwine ye manta ani ndi tendesa ezi zintu.''