¹ Jesu akutatika kuruta kenguli. Akuco ye, kakwina muntu ozyo kabyalite ewa lye zikuni zeveine, akulibika murukwakwa nokulisira amarambo mumbali yalyo kulisirereza akusiyamo abakuni nakaya. ² Kenako iswanera, akatuma mutanga kuba byali bewa ye bakezye batambureko zikwata kweco nicabyaliwa. ³ kono bokumuhinda, kumudama, mi nokumutumina nikwazya eco nahindi. ⁴ Hape akutumina kwabo mutanga zyumwi, mi bokukamuremeka mumutwi nomushandisizo uswabisa. ⁵ Akutuma hape zyumwi, ozyo cware nibaka muyaya. Bungi ni bwashandiswa mweyo njira, kudama bamwi nokuyaya bamwi. ⁶ Kakushina yenke ozyo kaswanezi okutumwa, mwane ozyo ashakiwa. Nguwama manimani kutumiwa kwabo. Akuwamba, ''Baramukuteka mwanangu.'' ⁷ Kono babyali bewa bokuliwambira bobeni, ''Swana ndozyo. Mukezye, tumuyaye, entutu ibe yetu.'' ⁸ Bokumukwata, kumuyaya, nokumushonjera hanje yewa lyezikuni zeveine. ⁹ Cware aho, ncinji shaka napange mwini wewa? Arakezya kushinya babyali bewa nokuha ewa kungi. ¹⁰ Kalinobara eñoro? Ecwelyo nilya kaniwa kumuzyaki, ndelyo likakuba musumo. ¹¹ Eci ku Nfumu kacizwa, mi citabisa mumatwi etu. ¹² Bokuhupura ye bamushumine Jesu, kono bokutiya bungi bwa bantu, kakuli kazyi ye naambi nguli kokubatunka. Bokumusiya neba kaliyendera kungu ¹³ Bokutuma baFalisi nibo nibomushobo wa Heroda ye bamuteyere kamazywi. ¹⁴ Aho bakezya, bokumuta ye, ''Muruti, tuzyi ye kobirayeri nemaikuto omuntu, kosundi kuba nenketururo mukati kabantu. Oruta eniti mwinjira ya Nyambe. Kana murao kute tulife mutero kwa Sisare kapa twashalifi? Tulife kapa mbuti? ¹⁵ Kono Jesu kazyi banyefuli akubata ye, ''Ncinji aho mundilika? Murete ekobeli nditonde ho.'' ¹⁶ Bokureta yonke kwa Jesu. Akubata ye, ''Eci cifateho nezi ziñoretwa ha nzani? Bokuta ye, ''Sisare.'' ¹⁷ Jesu akuta ye'' Muhe Sisare ca Sisare, Ne Nyambe celi ca Nyambe. ''Bokukomokwa. ¹⁸ Cware aba Saduki, ozyo nata ye kwazya kubuka hape ndini, kezye kwakwe. Bokumubuza aku co ye, ¹⁹ ''Muruti, Mushe natuñorera ye, 'Mukuru omuntu hasifwa nasiya kureka mukaziwakwe kulushara, nikwazya mwana, mwanci omuntu ahinde muka mukure, apepereho mukurwe bana. ²⁰ Kabaketa yanja ni bobire bantu nemwance; wentanzi akuhinda mukentu wakwe mi akufwa, kusiya azya bana. ²¹ Obubeli akumuhinda neye akufwa, kusiya nikwazya bana. Obutatu mbolyaho neye. ²² Bonshe bokufwa nibazya bana. Wamamanikizo kwabo, mukentu neye akufwa, ²³ mukubuka kubafu, aho nibabuke, kabe mukentu waani? Kakuti bonshe baketa yanja kabobire kali mukentu wabo.'' ²⁴ Jesu akuta ye, kali ndebaka mutengekete lili, kakuti kamuzyi eñoro nemantaa a Nyambe? ²⁵ Cware shaka nebabuke kubafu, kali shaka neba sheshe kapa kuhewa masheshwa, kono baswana mbwe mangiroi okuwiru. ²⁶ Kono kokubirayera abafu abo nibabuke, kali nimwa bara mumbuka ya Mushe, aho kawamba neye mucibuna, mbuti nawamba neye Nyambe, aho ataye, 'ndime Nyambe wa Abrahama ne Nyambe wa Isaka ne Nyambe wa Jakobo. ²⁷ Kali ndi Nyambe wabafu, kono wabo bahara. Ndiwana ye otengekete. ²⁸ Enke kubañoli akezya kushuwa ezo kabaamba; akubona Jesu na bataba nenja. Akumubuza murao munji obutokwa tuhita imwi yonshe? ³¹ Jesu akutaba, ''Cobutokwa nceci, 'Mushuwe, Maisirayere, o Nfumu Nyambe we tu, o Nfumu enke. ³⁰ Oswanezi kushaka o Nfumu Nyambe wako komoozyo wako onshe, kobuntu bwako, komunahaho wako onshe, nika maanta ako onshe; ²⁹ Wobubeli ngou, 'Oswanezi kushaka abo zyakite nabo buti o lishaka wemwini.' Sikwazya itanta yiyo. ³² Muñoli akuta ye, ''Mburotu, Muruti! Njiniti nowambi ye Nyambe enke hape kwazya zyumwi kuzwa hakwe. ³⁴ Kumushaka komoozyo onke, kokushuwisisa kwako konshe nika maanta ako onshe, mane nokushaka abo zyakitye nabo buti o lishaka o wemwini, nkuhita neneu zamatabero o kuhisa.'' ³³ Jesu aho abona ye natabi enkarabo nenja, akumuta ye, ''Wazya kwina kure nomubuso wa Nyamba.'' Kuzwaho, kwazya ozyo kasimubuza. ³⁵ Mi Jesu akutaba, aho kakwesi aruta mwitempere; akuta ye, ''Mbuti bamwi bañoli bata ye Keresite mwana wa Davida? ³⁷ Davida eye mwini, mu Moya ucenete, natiye, ''o Nfumu naamba ku Nfumu wangu, kare kulyangu lya malyo, kufitela nendipange zira zako malyatiro ako,' ³⁶ Davida eye mwini amukuwa ye 'Nfumu; cware mbuti aba mwana wa Davida?'' e xgandiya lyo kutabera kumuteeza. ³⁸ Mukuruta kwakwe Jesu natiye, ''Mulibonene kubañoli, abo bashaka kuyenda niba zyabere zizyabaro zire, no kushaka kurumeliswa hankaza ³⁹ mi bashaka ezipura zamarena muma sinagoge namumikiti yamarena. ⁴⁰ Abo bamina manjuo abansiwa, no ku rapera ntapero ndende ye bantu bababone. Bowo mufuta barawana okunyansiwa.'' ⁴¹ Cware Jesu kakere hafuhi necibiko camali mutempere, natonderere bantu buti kababika mali mweco cibiko, bungi bwabo banfumu kababika mali mangi. ⁴² Cware onsiwa akukezya kubika tukoberi tobire katurema kulikana ne penne ⁴³ Akukuwa barutiwa bakwe mi akubata ye, Njiniti ndiwamba kwenu, ozyu njebwe onsiwa nabiki kuhita boshe abo bokuli kubika mweci cibiko. ⁴⁴ Kakuli bonshe kababika kuzirura heco bakwesi. Kono ozyu nsiwa mubunjebwe bwakwe nabiki mali onshe , ao akukwesi ao nanti ahare kao.