¹ Omukiti we nkoko yazyao mumeno kayi shunine, ukwiiwa paseka. ² Mufilisita mukulwana nava ñoli kava kandeka moshaka mukuyaira Jesu,kono kava likalyilirwe bantu. ³ Satani ezya kukavira, Judas Sikalioti,wava lutiwa be kuve kumi ne minwe yobile. ⁴ Judas akuyenda ku mukuru wava filisita nikozywa muchilira kuka livoowa mo shaka aa tambikire Jesu kwavo. ⁵ Nivava mwimboterwa,noku nzumizana ye mbuva muhwe masheleñi. ⁶ Akunzuminzana, mi akutanga kushaka ecibaka cho kuvakwatisa ye,e chinalyanga nechisa zyi. ⁷ Ezyuva lyenkoko yazya mumeno aha lihura,ezyuva lye mboterwa ya paseka noku hisa e ngu. ⁸ Jesu akutuma Pitolosi ne Johani,ye, ''Muyende muka tenderere Paseka tulye. ⁹ Boku shimpu muka kumuvuza, ''Nkokwi oshaka ye tukatendere? ¹⁰ Akuva tava, ''muteeze,shaka mukakavire mumureneñi,mbomu shangane mukwame ategene nkwana ya menji.Mumuchilire mbwitaho kakavire munjuo mo, ¹¹ 'Cwarenwe mukate omwini wejuo ye, 'Muruti aco kwako ye;Kokwi china eciyemba che njuo,omo shaka ndizye ndilile Paseka nava baruti vangu?''' ¹² Mbwa misunde enjuo yokwiwilu, enene,eyo shaka mukarukise nenja. ¹³ Nivakakavira moo,Nokawana zonshe komo kavatera.Mi boka baakanya omulalilo we Paseka. ¹⁴ Enako aha yihura, a kukara niba Apasitora bakwe. ¹⁵ Akuva co oye,Idishukelwa kulya nenwe eyi Paseka nendishini kufwa. ¹⁶ Hanu ndimitaye,kali nendiilye hape mbita shaka neyi petahale mwimpuso ya Mulimu.'' ¹⁷ Mi Jesu akuhinda echinywinso,akuli tumela, ''akutaye,Muchili kombese kombese mukati kenu. ¹⁸ Cware ndimiteye,kali nendinywe ezikwata ze veyine nera, mbwita mumubuso wa Mulimu uu kezya.'' ¹⁹ Akuhinda Chikwa,akuli tumera,akuci camauna nokuva tahira, akutaye, oowo,mubili wangu ndimihwa. Okutendere mwa kundiaazyara.'' ²⁰ Akupanga vulyaho noku chinywinso,shibana mani kuralira, akutiye, Echinywinso eco,mbushere buya bomu maroha aangu,ao atikirenwe. ²¹ Muteeeze kunu.Kono eanja lyozyo andivetekete lyina neme ha ntanfure. ²² Haili mwana omuntu, eye shaka lyi yendera.Kono ovushomani mbozyo namulya enkweta shina aho kuambitwa. ²³ Bokutanga kulivuzaura, ndini kwavoo zyo aora kutenda entaveyo. ²⁴ Kokezya e nkani mukati kabo zokuzyiva ye omukuru mukati kabo ndini. ²⁵ Akubataye, ''Aba nfumu bahetwa okuvusa abantu vavo,mi avo bahetwa oku vusa abantu mba babareli vavo vakutekeha. ²⁶ Kono neyireke kuba buhalyo kwenu. Kono ,akuvataye musiye mokuru mukati kenu alyingane nomwance.Mi ozyo ayendesa alyingane no mutasi. ²⁷ Mi omunene ndozwi,ozywena he ntanfure,kapa omutasi? Kapa kali ndozyina akere he ntafure? Kono eme ndina mukati kenu nendi miverekera. ²⁸ Kono enwe mwa kozuhi neme mumiliko yangu. ²⁹ Mihe ndimihwa o mubuso wangu, shina vulyaho niba undihwa ba Tata, ³⁰ ye nemukalye noka nywa he ntafure mumubuso wangu. Hape nimwara kakara ha lubona kaatura mishovo ye kumi nito vire mumushovo wa Isiraere. ³¹ Simone,Simone, bone, Satani ami kumbira, amisefe shina mburoto. ³² Kono ndamirapereli, yentumero yenu yasha komwa. Shaka ovoore hape, ka gorese bancibako.'' ³³ Neye Pitorosi akuamba kwakwe, ''Mulimu, ndili tukiseze kuyenda newe kapa mwintolongo noku kufwa. Jesu aku mutava, ³⁴ ''ndikuco ye,Pitorosi, o mukombwe kali kaulire noshini kundishampura ko tatwe, ye wandizyiva.'' ³⁵ Cwale Jesu akubataye, Aho nanda mituma ni mwaazya ecikwama,nomu kotana wo mufaho, nkutiye kamuvulite chimunya? Bokushampura ye kwazyaco kaba bulite. ³⁶ Akuva coo hape, Kono hanu ozywena ne chikwama, achihiture,achi hinde, mani nozywena mukotana wo mufaho; ozyo shaka aulise nguvo yakwe aureho mupene. ³⁷ Kakuli ndimitaye, entava i ñorerwe mee iswanela kupangahala, 'Itiye a ñolerwa kuzi sinyi.'' kakuli zangu sheziya ku tendahala.'' ³⁸ Bokumu taye, '''Mulimu, tonde! Emi pene yobile nje yiyi.'' Aku bataye, ''Mpangi.'' ³⁹ Aha bamana mulaliro, Jesu akuyenda, shina omo atendelanga, Nakaya kwirundu lye zishamu za Olive, mi baruti bakwe bo kumuchilila. ⁴⁰ Aho shiba kahula, akuva choo ye, ''Murapere okuteye mwashavi mumiliko.'' ⁴¹ Akushonshoroka echibaka chiora kushonjiwa ecwe, mi akukuvama nokurapera, ⁴² nacoye, ''Tata, haiba mushaka, muzwise nci nywinso eci kwangu. Kono kwasavi kokukushaka kwangu,kono kokushaka kwenu.'' ⁴³ Eñiroyi kali kazwa kwiwiru lyokezya kwakwe, kumu goresa. ⁴⁴ Aho kene muma zea zea manene, aku zwilira havuso kurapera hawa, mane ecitukutuku chakwe chokuva,shina moroha axgonta, atikira hanshi. ⁴⁵ Aha shazwa mwi ntapero, akezya kubaruti bakwe, ezya kubawana balere baswabite, ⁴⁶ akuba buza, Ncinji muralire? Mubuke murapere, nkoti mwasa kabili mumuliko.'' ⁴⁷ Aho kashi amba, mukwatise, kokezya kubonahara baantu,ne Judas,wabe kumi nito bire, aba hitire. Akushuna hafwihi ne Jesu kezya kumu ñxumenta, ⁴⁸ kono Jesu akumutaye, ''Judasi, obeteka mwana wo muntu koku mu xhumenta?'' ⁴⁹ Aha babona bulyaho abo kaba zimburukite Jesu ezo kazitendahara, bokutye, ''Murena, katuoli kurwise mipene? '' ⁵⁰ Mi wabaruti aku koshora wa batanga bakurwana ba mafilisita,okutwi kwa malyo. ⁵¹ Jesu akuta ye,''Kwa lingaani,'' Mi akutora kutwi nokuku booza ko aku hozwa. ⁵² Jesu akuta aba kuru baba filisita na manduna, mani naba kurwana bayendesa avantu, abo niba muzokera,'' akuvataye, Mbuti aho mukezya ne mipene ne nkoli, kwina musa ozyo mwizya kurwisa? ⁵³ Aha kandina nenwe mwi tempere zyuva ne zyuva, kali nimwa ndikambika maanja. Kono nje nako yenu yinu, na maanta aa kansikwe.'' ⁵⁴ Bokukwata Jesu, nebakaya neye,mi bokumu twara munjuo mu filisita o mukuru. Pitolosi akumu chilira kareana. ⁵⁵ Boka sika omuliro hakati ke rapa noka kara bonshe, Pitolosi akukara mukati kabo. ⁵⁶ Waba mwi bezi kombwa cho mukentu cho kumubona aho kakere ha muliro, akumu tonderera bumu tunga noku taye,Ozyu mukwame kena neye.'' ⁵⁷ Kono Pitolosi aku shampura, nokutiye, mukentu, kandimuzyi,'' ⁵⁸ Habuso kamanana zyumwi a kumubona, Akumuta ye olizyumwina wabo.'' Kono Pitolosi akutiye, ''Mukwame, kali ndime..'' ⁵⁹ Koku hita bulyo nako yonke zyumwi mukwame aku goreseza ye, Nja niti ozyu mukwame kena neye,mani mu Galiyeya.'' ⁶⁰ Kono Pitorosi akutiye, ''mukwame, Kandizyi zoamba.'' Haho bulyo, mwinako eyo kasiamba, o mukombwe wo kulira. ⁶¹ Akuzoka, nokutonda kwa Pitorosi. Neye Pitorosi a kuremuha mazywi onfumu, aho namucoye, Pili mukombwe neu shini kulira nora ndishampura ko tatwe. ⁶² ''Akuya hanje,Pitorosi a katanga kalira hawa. ⁶³ Bakwame niba shumina Jesu bokushwahura noku mudamaura. ⁶⁴ Bokumu shimina e sira ku mensho, nokumu vuza,ye, Nuhe ozyo akwesi akudama? ⁶⁵ boku amba vushubura Jesu koku amba entava zingi zo kumuburaho. ⁶⁶ Aho lizwa e zyuva, aba kuru baba filisita nabañoli bokushangana.Bokumu hitiza kumu twara ku nkuta ⁶⁷ nokatiye , ''Haiba ndiwe kelesite,tusumwine. ''Kono akuvaco ye, ''Nanga shaka ndimisumwine, kali kamuzumine, ⁶⁸ hape nanga ndimi vuze, kali kamundi tave. ⁶⁹ Kuzwa hanu kuya habuso, mwana o muntu nara kakara kulyo bulyo lya mantaa a mulimu. ⁷⁰ ''Mi bonshe bokutiye,ndiwe mwana Milimu?'' Jesu akuco ye,mwaambi ndime,'' ⁷¹ Bokutiye, Ncinji tusi shakira empaki? Kono twashuwi mu kanwa kakwe.