¹ Jesu a ku tonda kuwiru nokubona aba kwame aba nfumwana buti kaba reta e ntuhu zabo mucibiko che ntuhu. ² A ku bona o mufwilwa wo mubulakazi abika e ntuhu zakwe zo bere. ³ Mi aku kutiye, "Ndicaha ozyu mufwila o mu bulakazi na tuhuli oku hita bonshe. ⁴ Bonshe aba kaba tuhura kuzwisa hezingi ezi kaba kwesi kono ozyu mufwilwa omubulakazi eye na tuhula masheleni awo ka wola oku hala hawo. ⁵ Mi shina bamwi aha baamba ze njuwo yoku lapelela, omo ibikilwa a mananga amabwe amalotu. ⁶ Kono kezo ezintu zonshe ama zyuba azo ni ala hura oku tiye kwaazya e bwe eli neli siare ha wilu lya limwi, milimwi ne limwi neli la zoka. ⁷ Cwale boku mu buza , muluti mbuti netu zyibe ezi zintu shezi tendahara? ⁸ Jesu aku taba ye mumamele kamu sha homiwa kakuli abangi nibara kezya kwenu mwizina lyangu niba tiye ndime mi e nako shiyahuli, kamusha bacilili. ⁹ Nemula shuwa zendwa ne nkwarakwasi mwi fasi ,ezo nezila tendahala tango kono ama manikizo kali nia kezye haho. ¹⁰ Akuba tiye e mishobo ne mishobo neila lirwisa, mubuso no mubuso ¹¹ nekuraba ne nzikinyeho ne njara , ne zitendantu zi tiiza ne zisupo mu wiru. ¹² Kono ezi zonshe nezi shini kupahangala , nibara bika maanja abo hawiru lyenu noku mishandisa. kumi twara kuma sinagoge nomwi ntorongo niha buso bwa bayendesi kebaka lye zina lyangu. ¹³ Kono ezo zonshe zireta oku tiye o bupaki bwenu bugore. ¹⁴ Kabulyaho mulitukiseze mu myozo yenu e nako nei shini kuhura. ¹⁵ Mi nendila miha amazywi obutali okutiye e zira zenu kazi woli kukanana nenwe. ¹⁶ Kono ne murarukururwa kuba shemi benu, bankuru benu na benchu benu, bakwenu na bashere benu kurufu. ¹⁷ niba ra mizimba ke baka lye zina lyangu. ¹⁸ Kwaazya nanga orushuki ronke ku mitwi yenu shaka ne rusinyehe . ¹⁹ Oku hindikira kwenu nekura haza e mywizya yenu. ²⁰ Shaka nemu bone Jerusarema shiya zimburukwa ku zira zayo , muzyibe ye oku sinyeha kwayo she kwina ha fwihi. ²¹ Musumwine aba bena mwa Judea ye ba shehere kumarundu, aba bena ha kati ke tolopo bakure nababena kunje ye naha bareke oku kabira. ²² Kakuli awo mazyuba ama kababu oku tiye zonshe ezi ziñoretwa shezi bumbirizwa. ²³ Obu kababu mbwa basumba naba ba nyonsa kakuli nekura ba no bu kababu mwi naha nokushandiswa kwa bantu . ²⁴ Niba ra wa ko mukwale noku etererwa mwi sunga lye mishobo mi Jerusalema neira lyataurwa kuba shi mishobo. mbita e nako yiba shi mishobo shaka nei bumbilizwa. ²⁵ Nekura ba nezi sundantu kwi zyuba , ku mwezi ne ntungwezi mi noku shahara nenja mwi fasi ku mishobo yonshe no ku biraera zo bukali bwe wate na mandinda, ²⁶ a bangi niba ra zirika kuntiya noku likalilirwa obukababu bu kezya ha wiru lye fasi. A maanta e wiru niara nyanganya. ²⁷ Mi niba ra bona mwana o muntu aha kezya muma zyoba na maanta ne tubo enene. ²⁸ ezi zintu kazikwesi zitendahara mi muzyimane , mukotore e mitwi yenu mubone oku hazwa kwenu aha kushuna aha fwihi. ²⁹ Jesu aku basumwina e nguli ye chikuni cha feiga, nezi kuni zonshe oku tiye , ³⁰ haiba shezi tumpa , zizyi ye o mwaka she wina hafwihi. ³¹ kabulyaho okuti mubwene ezintu ezo she shezi tendahara muzibe ye o mubuso wo nfumu sheu kezya. ³² Ko buniti ndimi tiye runu rusika kali neru mane nanta kuti zitendahare zinu zintu, ³³ e wiru ne fasi nezira mana kono a mazywi angu kali nia mane. ³⁴ Kono mulibabarere, ukutaye e myozyo yenu kai sha hunguruki oku Lyachaha, uku korwa obujwara no kubiraera zo buharo bwa hanshi. kakuli elyo zyuba nelira miwira sina kaswa kana bwancuki. ³⁵ Nelira suka hacibumbwa ne chibumbwa hanu hanshi. ³⁶ Mulitukise, murapere nako yonshe oku tiye mugore hawa no kusheha ezo zintu zonshe, Noku tiye nemu wore okuzyimana ha buso bo Mwana wo Muntu. ³⁷ Mu nako ya mazyuba e ntuto mwitempere , e zyuba lyo ku mina a bantu boku rara he rundu lya Olive masiku onshe. ³⁸ Mi a masikusiku a bantu bo kameneka ye bakenzye ba teeze kwakwe.