¹ Lyokuhura zyuba, lyo karuta bantu mu tempere Jesu no kukutaza ezywi, mukuru wama purisita na bañolyi bokezya kwakwe naba kuru. ² Bokuamba ye, Otusumwine mubuso munji upanga zi? Kapa ndini ozyo nakuha aa maanta?'' ³ Akubataba kubasumwina ye, ''Neme mbondimibuze mpunzo. Mundisumwine ye ⁴ enkolobezo ya Johani, kwiwiru izwa kapa kubantu?'' ⁵ Bokulikumburusa bobeni, ye, ''Shaka tute ye, 'Kwiwiru; mbwate ye cware ncinji aho kali nimwamu zumina?' ⁶ Kono shaka tute ye, 'Kubantu; bantu mbwuba tupobaure nemacwe, kakulyi bazyumina ye Johani mupolofita.'' ⁷ Cware bokumutaba ye katuzyi ko kaizwa, Jesu akubata ye, ⁸ ''Neme kalyi shaka ndimi shumwine aa maanta wondi pangisa zi.'' ⁹ Akusumwina bantu ngulyi, ''Omukwame kakunite ewa lye zikuni za veine, mi akuliha kubakuni, mi nakaya kunaha imwi nako ndee. ¹⁰ Kenako kaisupitwa akutuma mutaanga kubakuni, ye bakamuhe kweco nica shinjwa. Kono bakuni bokumudama, bokumubooza nikwazya co nahindi. ¹¹ Akutuma mutaanga zyumwi neye bokukamudama, no kumushandisa bubbi, no kumutumina nikwaazya co nahindi, ¹² Akutuma obutatu mi neye bokukamuremeka nokumushohera kunje. ¹³ Cware Nfumu wewa lye veine akuta ye, 'Ncinji shaka ndipange? Mbonditume mwanangu ozyo ndishaka. Tema mboba kamukuteke.' ¹⁴ Kono aba kuuni bewa lye veine aho shibamubona, mukati kabo bokulyita, ye, ndozyo swaana. Tumuyaye, entutu tema mboibe yetu.' ¹⁵ Bokumushonjera hanje ye wa lye veine, bo kumuyaya. Cware Nfumu we wa shaka nakezye mbuti shaka nakezye aba tende ? ¹⁶ Narakezya asinye bakuni bewa, mi ewa nalihe bangi.'' Mi aho bashuwa zizo, bokuta ye, ''Kushabi bulyaho Nfumu!'' ¹⁷ Kono Jesu akubatonda, akubata ye, ''Ncinji ci torokwa mwelyi ñoro? 'Ecwe lyi nilya nyanswa kubazyaki, ndelyo ni zoka kuba o musumo'? ¹⁸ Yenshe o zyo awira hecwe nara cokauka. Kono yenshe o zyo nelyi wire, lyira pwacura.'' ¹⁹ A bañolyi nabakuru ba Mapurisita boku nahana ye bamubike maanja mweiyo nako, kakulyi nibashuwa ye naamba e nguli eyo ibakubaza. Kono kaba tiiya bantu. ²⁰ Kentokomero, bokutuma matwera abo kabayenda shina barukite, ye bakawane kutengeka mumazywi akwe, ye baka mutambike mumaanta omu busisi. ²¹ Bokumuza, ye, ''Muruti, tuzyi okwesi oamba mi oruta nenja, mikohunguruki ne maikuto omuntu, kono njiniiti oruta kuya kenjira ya Nyambe. ²² Kabulyaho kurukere ku tiye tulihe o mutero kwa Sesare, kapa buti?'' ²³ Mi Jesu akushuwa eminahano ya bo, akubata ye, ²⁴ Mundisunde ecoberi. Eci cifateho nezi ziñoretwa aha nzani?'' Bokutaba ye nza Sesare,'' ²⁵ Akubata ye, muhe Sesare ca Sesare, Nyambe ca Nyambe,'' ²⁶ Kalyi kaora kumukakanisa kweco kaamba habuso bwa bantu. nibasiyara nibatebetwa enkarabo yakwe, nikwazya eco baamba. ²⁷ Aho bakezya kwakwe ba Saduki bamwi, abo bataye kwazya embuko, ²⁸ bokumubuza ye , ''Muruti, Mushe naatuñorera ye kwetu hasifwa mukuru omuntu, nakwesi mukentu kono nikwazya baana, omuntu ahinde muka mukurwe apepereho mukurwe baana. ²⁹ Kailyi bakete yanja nibobire bantu no mwance mi we ntanzi akuhinda mukentu, mi akufwa naazya baana, ³⁰ obubeli neye mbobulyaho. ³¹ O butatu akumuhinda, kokuba bulyaho, baketa yanja ni bobire ni bareka kwaazya baana, ni bafwa. ³² Aho kumana mukentu neye akufwa. ³³ Cware mwimbuko ya bafu, kabe mukentu wani? Kakuli bonshe bakete yanja kabobire kaba musheshete.'' ³⁴ Jesu aku tiye, ''kubelinu fasi bashesha, hape baherwe okusheshiwa. ³⁵ Kono abo niba hewe ntumelo yokubona lyinu fasi kubuso, no kubuka kubafu kali nibasheshe kapa kusheshiwa. ³⁶ Kalyi niba fwe hape, neba nalyikana nema ñiloi mimbana ba Nyambe, nibelyi baana be mbuko. ³⁷ Kono kuamana ni za bafu ye bara buka, ne Mushe nasundwa aho kena mucibuna, aho akuwa Nfumu, ne Nyambe wa Abrahama, Nyambe wa Isaka ne Nyambe wa Jakobo. ³⁸ Hanu kalyindi Nyambe wa bafu, kono wabo bahara, kakulyi bonshe kwakwe ba hara.'' ³⁹ Bamwi bañoli bokutaba, ''Muruti, notabi nenja.'' ⁴⁰ kwaaazya bo neba mubuza mpuzo. ⁴¹ Jesu akubata ye, ''Mbuti aho bata ye Keresite mwana wa Davida? ⁴² Davida eye mwini mwimbuka ya Lisamu naata ye, Nfumu natiye ku Nfumu wangu, 'Kare kulyangu lyamalyo, ⁴³ kufitera nendipange ezira malyatiro ako. ⁴⁴ Davida aho cware akukuwa Keresite ye 'Nfumu', mbuti aba mwana wa Davida?'' ⁴⁵ Mukuteeza kwa bantu akusumwina barutiwa bakwe ye, ⁴⁶ '''Mutye kuba ñoli, abo batabera kuyende nibazyabere zizyabaro zire, abo bashaka entumeliso ndotu hankanza, namu makaro amarena muma sinagoge, nomikiti ya marena. ⁴⁷ Abo bamina majuo abansiwa.''