¹ Cware bonshe ba telisi na ba tendi be zibbi kaba kezya kwa Jesu kezya ku teeza kwakwe. ² Bonshe ba Falisi ne bañoli ambaura mwa cabo ye, ''Ozu mukwame a tambura batu ba ntenda chibi mani ne kulya nabo.'' ³ Jesu aku amba eyi nguli kwabo ye, ⁴ ''Ndini kwenu haiba a kwesi e ngu zyo mwanda Cware koku bulisika yonke, kali na siye za makumi e anja ni one ne anja ni zo ne.mu mutemwa, o yende kanshake eyo izyo bete mani oka i wane? ⁵ Cware aha shaka iwane, aku ikambika ha manshasha no ku taba hawa. ⁶ Cware aha kyeza ku Njuwo, aku akuwa bonshe bayenze naba zyakite nabo, aku amba kwabo, 'Mu tabe neme, kakuli ndawani engu kayi zyobete,' ⁷ ndi amba kwenu ye nanga kube bulyahu, neku naba ne mboterwa muwiru ku muezalibi yenke ezyo na zoka, ku hitilira ama kumi e anja nione ne anja nibone abantu bachenete kaba shakahali kuzoka. ⁸ Kapa muketu ka kwesi muwaya waya we kumi lyonke, ati na zyobesi epene yonke, kali shaka munike a rambi, noku fiela mu njuo, neku tondesa hawa mani na iwana? ⁹ Aha shaiwana ,aku kuwa bonshe bayenze neba zyakite nabo, A kuteye mutabe neme kakuli ndawani e sheleni kayi zyobete, ¹⁰ Nanga kube bulyoho,ndi amba kuteye, kuyina e mboterwa habuso wa Mangiloloyi a Mulimu aha muezalibi uzyu zyoka, ¹¹ Cware Jesu aku amba. ''Mukwame zyumuna kakwesi a bana babashini bo bile, ¹² 'O mwanje kwabo a ku amba kweshi, Tata o ndihe ku chiyemba che chibufumu ce ci emba eci wira kwa kungu,' Cware aku ba abera ecifumu ha kanti kabo., ¹³ Ke nako chena bulyo, O mwanje na shanganisa zoshe ezo a fumite ne kuya ku naha yo kure, Cware oko aka sinya masheleni akwe, ku ula zintu kali kashaka, no kusinya musheleni a kwe munjila emango. ¹⁴ Cware aha sinya zyonshe zakwe, ko kuba nelu kubwe lunene mweyo naha, mi aku tatika ku bura zitu. ¹⁵ A ku yenda ku ku shaka o musebezi ku bantu be naha, a ba ni ba ka muha o musebezi o ku lisa ezikurube . ¹⁶ Mi katabela kulya kunyangu enzyo ka hanga zi ngulube kakuli kuzya ozyo na muha zo kulya. ¹⁷ Kono mwanje a ku li nyaza aku amba, boti batanga ba batata a ba kusi zilyo zingi, eme ndikere hanu, ndi fwe enjara. ¹⁸ Mbondi zwe hanu no kuya ku batata,mi ndara bataye,Tata, ninda tenda ecibbi habuso we wiru neha buso wako, ¹⁹ kandi butele kukuwa mwano,ondi bike zyumwinya wa bakana bako."' ²⁰ Mi Mwanje na nuka, mi a kuya kwe shi. Aha ka yendela okule, beshi bo ku bona, Mi bo ku mu fwire enshe, bo ku mubutukila, mi bo kamuzyabala no ku mu kuchuchuna. ²¹ Mwane aku amba kwakwe,' Tata, ninda fosezi awiru mi niha buso bwa menshyo ako, kandishi botele ku kuwiwa mwano. ²² Beshi bokuta abe kana ba bo, mulete chizabalo chiloti, mi mu muzyabike, mi mumubike a sale lyaku munwe, mi ne shangu ku matende. ²³ Mulete namani eyo inunite mi mui yaye. Tupange mukiti tutabe. ²⁴ Kakuli mwanangu we chikwame ka fwite, naa hala. Ka zyobete, mi hanu shana waniwa,' Mi bo tatika kuli tabisa. ²⁵ Haho o mwane we bele we chikwame kakena kwiwa. Aha ka kyeza no ku hula hambali ne njuwo, a kushuwa e njimbo ne zizano. ²⁶ Aku kuwa zyumwinya wa batanga mi aku buza ye ezintu nji zina ha. ²⁷ O mutanga a ku muta ye, mwanchu wako nahuli mi besho bana yayi namani eyo inunite hawa,kakuli na kabooli na liketete.' ²⁸ Mwana mukuru kabengete hawa, mi kali na yenda mo, Mi beshi bo kuzwira hanje, noku mu kumbila. ²⁹ Kono mwana o mukuru a kutaba no kuta beshi ye, Mutonde, ezi zilimo zoshe ndami berekeli mi kali ninda chora mulao wenu, mi kwaaza nanga e mpene ndana ni mwa ndiha ndika likore na bayenzangu, ³⁰ Kono mwano aha hula ozyo na kashinya bufumi bwakwe na bashai, nimwa mu yayira e namani i nunite chaha.' ³¹ Beshi boku amba kwakwe ye, 'Mwanangu, ewe o kere neme, mi zanu zoshe zako. ³² Kono yakuli burotu kute ye tulikore hantu honke tutabe, kakuli mwanchu wako ozyo ka fwite, sha hara; ka zyobete, mi hanu shitwa muwani.'''