1 जेय जे धार्मीक हेनरलाई मीरलो ङाहाक नोरय ग रहङर हैलेदे मादोन्या सावधान ताच्यो, मनिके सवर्गल लेन्या बाबुङाई जेरय कोही इनाम दैन्या जेमाले । 2 नैतादे, जब जेरय कोहीरलाई कोही दानर जे योय, तब मीर लेउङाई धन्यावाद दैन्यालो लागीत पाखण्डीरय सभा झिमर सन सदकरल दोसीउ मीतानो जेय ङाहाक तुरही तामु हुच्यो । साँचोज ङा जेरलाई हैङालेय, की नोरय ओल्लो या इनाम दैदे खेम्दे लेर । 3 तर जब जेर कोही दानर जेयोय, तब जेरलो दाहीन्या कुइय जो जे योज्या, नो जेरलो दाब्रेर या कुइर थहा गमासन्क, 4 ताकी जेरलो दान गुप्यल गताक । नो छिन्ङ गुप्तल रहङन्या बाबुय जेरलाई इतानो योन्या लेर । 5 होकाई जब जेर प्रार्थना जेदोय, तब पाखण्डीर मीतानो ताताच्यो, कतान्याकी मीरय नोरलाई ग रहङकर हैलेदे नोर सभा झिमरल र यमला छेउल च्यासीदे प्रार्थना दोन्या युङ लगैर साँचो ज ङालाई हैङाले, नोरय या इनाम दैदे खेम्दे लेर । 6 तर जब जेर प्रार्थन जेदोय, तब जेय झिमलो कोठाल बाच्यो । झला बन्द जैच्यो र जेय बाबु सका प्रार्थना दोच्यो जो गुप्तल रहीर । नो छिन्ङ गुप्तल रहङ्या बाबुय जेरलाई इनाम योन्या लेर । 7 होकाई जब जेर प्रार्थना जेदोय, व्यर्थल ताबखरैच्यो, जैलेदे गैर यहुदीराई दोर, कतान्याकी भ्या पाङसीकाई नोरलो प्रार्थना थैर लेदे नोर थानीर । 8 नोकारणय, नोर मितानो ताताच्यो, कतान्याकी जेरय नीहीन्या भन्दा ङाहादेज जेरलाई कता पाङलो खाँचो ले लेदे जेराई बाबु सनर । 9 नैतादे, यैजैदे प्रार्थना दोच्यो: हे गराई स्वर्गल तान्या बाबु जेलो मीन पवित्र ग जैसीक, 10 जेय राज्य ग हुक । जेयलो इच्छा स्वर्गल मीतानो आउ पृथ्वील पुरा गताक । 11 गेरलाई आछिम ला भरील ज्याउ योच्यो । 12 गेराई पाप क्षमा दोदे यो्यो, जैलेदे गेरय विरोधल पप दोन्यारलाई क्षमा योदे गेले । 13 र गेरलाई परिक्षााल तापरिच्यो, तर दुष्तङाई छुटकारा योचीके । कतान्याकी राज्य सन पराक्रम सन महीमा सदासर्वदा जे मीज लेर । आमेन । 14 कतान्याकी यदी जेरय मीराई पापलाई क्षमा जे योके भन्या, जेरला स्वर्गीय बाबुय पनि जेरलाई क्षमा योन्या लेर । 15 तर यदि जेरय होराई पापलाई क्षमा जेमादोके भन्या, जेराई बाबुरय पनि जेराई पाप क्षमा दोन्या मालेर । 16 जब जेर उपवास जे चुसीई, तब पाखण्डीरय दोसीउ मीतानो न्याउरय अनुहार तजैच्यो, कतान्याकी नोर मीराई ङाहाक उपवास चुसीउ मीतानो रहहीसीन्या गधुसीक हैलेदे नोरय याय अनुहारलाई बलेर । साँचोज ङा जेरलाई हैङालेय, की नोरय ओल्लो इनाम दैदेज लीज्यार । 17 तर जेर जब उपवास जे चुसि, जेराई अनुहार हुर्सीच्यो र जेय ङईलाई अविषेक दोच्यो । 18 यैजैदे मीराई या मीलुङल जेर उपवास चुसीउ मीतानो जेमा रहङसी, तर गुप्तल तान्यार जेराई बाबुलाई याज नो थाहा लीज्या । होकाइ गुप्तल रहङन्या जेराई बाबुय जेरलाई इनाम योन्या लेर । 19 पृथ्वील जेराई लागीत धन सम्पत्ती ता थुप्रैच्यो, जोङ रुइय सन खईय नोलाई नास जैन्या ले, र जोङ कुन्यारय झीम पादे कुन्या लेर । 20 बरु, जेलो लागीत स्वर्गल धन सम्पत्ती थुप्रैच्यो, जोङ नता खई परिई नता रुइय नास दोय, नता कुन्याय कुदेलाङो । 21 कतान्याकी जोङ जेराई धन सम्पत्ती ताय, नल जेराई युङ पनि तान्या ले । 22 मीलुङ क्याङलो लागीत बत्ती हो । नोकारण, यदि जेराई मीलुङ चाओ ले भन्या, पार क्याङज जीतीय भरिसीन्या ले । 23 तर यदी जेराई मीलुङ खराब ले भन्या, जेरला पार क्या,ज अध्याँरो तान्या ले । नोकारणय, यदी जेरल ताओ ज्योती साँचोज अध्याँरो ताके भन्या, नो अन्धकार खा भ्या घेओ लेखो ! 24 सुय पनि नेहेबोलो मालीकलो सेवा दोन्या माधुय, कतान्याकी नोय तोबोलाई घृणा दोय र छुत्तोलाई प्रेम दोय नैतादे जेरय परमेश्वरलो सन धन नेहेबोलोलो सेवा दोन्या जेमाधुय । 25 नोकारण, ङा जेरलाई हैङालेय, जेर जेय जीवनलो लागीत कता ङा ज्योया कता ङा ओहोया हैलेदे जेय क्याङलो बारेल कता ङा क्वाईसीया हैलेदे चिन्ता तादोच्यो । कता जीवन ज्याउ भन्दा सन क्याङ क्वा भन्दा मुल्यला मालेरदा ? 26 आकाशल भुर्न्या चरारलाई रहङच्यो ! नोरय नता बार नता पलर नता भकारील दुबर, तर पनि जेराई स्वर्गला बाबुय नोरलाई ज्याउ योर, कता जेर नोर भन्दा भ्या बहुमुल्यला जेमालेदा ? 27 होकाई जेर मध्ये सुय चिन्ता दोदे ओल्लो आयुल त घरी समय थपिउ धुयदा ? 28 होकाई जेर कतान्या क्वाईसीन्या क्वालो लागीत चिन्ता जेदोय ? मैदानला लीली ओइरलाई रहङच्यो, नोर कैजैदे परिर । नोरय नता हेन दोर न क्वाज रुपर । 29 ङा जेरलाई हैङालेय, सोलोमन राजा पनि ओल्लो पार गौरवल आउरय मीतान दोदे अभुषीत यामालेओ । 30 यदि परमेश्वरय आछिम तान्या सन पराती भत्तील ख्यासिन्या नामला छिरलाई समेत सजैर भन्या, जेरलाई के झन् खा भ्या पैरैन्या लेर, ए अल्प विश्वासीर हो ? 31 चिन्ताल तादे यैजैदे हैतालेच्यो, “गेर कता गे ज्यो या कता गे ओहोया ? कता गे कवाईसीय ?” 32 कतान्याकी आउ पार पाङ के गैर यहुदीरय खीमर र आउ पाङर जेरलाई आवश्यक ले हैलेन्या पाङ जेराई स्वर्गीय बाबुय सनर । 33 तर ङाहादे यालो राज्य सन यालो धार्मीकतालो खोजी दोच्यो होकाई आउ पार वस्त जेरलाई योसीन्या ले । 34 नोकारण, परातीलो लागीत चीन्ता तादोच्यो, कतान्याकी परातीलो चीन्ता नो ओल्यज दोन्या ले । पार छलो ओल्लो पुरा चिन्ता लीज्या ।